Soroting surya wanci soreLumebu saka sela selaning jendela
Tak sawang katon jingga ing sisih kulon
Lamunanku banjur lumayang tumuju sliramu
Eling nalika gandheng asta ing gisiking samodra
Angin sore ngusap pipimu
Katon semburat abang kena sang candhik ayu
Gawe nambahi sengsem rasaku
Tresnaku lan tresnamu sineksen langit sore
Prasetyamu bakal urip sesandhingan nganti delahan
Tak gegem tanganmu karo mesem guyu
Kapan dina kang jinangka bakal teka
Dina trus lumaku
Sawetara wektu kudu pisahan
Merga saka tugas kuwajiban
Amung layang swara tamba kangen sambung rasa
Saben wayah wengi
Tansah gawang gawang citramu
Esemu sajak nggodha ati
Kapan bisa ketemu
Ora mung sliramu anggone ngampet rasa rindu
Semono uga aku
Percaya yen ta aku ora bakal cidra
Ora sah sumelang cah ayu
Tresnaku mung kanggo sliramu
**********
Pakshe
Geguritan yg lagi LDR selamat membaca.
Saya sangat menghargai vote dari anda. terima kasih. 🙏
KAMU SEDANG MEMBACA
Jemparing Asmara
PoetryTresna, punika obahing raos saking ati kang anggadhahi sipat welas - asih. Ingkang dipun ketingalaken kanthi tumindak kang sae-sae. upaminipun raos gemati, nggatekake, mikir repote liyan, remen tetulung, lan sakpiturutipun. Ingkang ndadosaken raos...