نوفيلا (شات)

الاهمال الجزء الثاني

-كان رد فعل "امال" على طلب "محمد" بفتح الكاميرا. هو السكوت..

-خلاص يا "امال" مش عايز اديقك بس كنت
نفسي اشوفك واقارن بين الحقيقة والخيال.
اللي رسمته ليكي؟...

-لا يا "محمد" موصلتش لكده انا بتكلم معاك صديق وعمري ومفكرتش ولا تخيلت اني اعمل كده. عشان انا ست متجوزه ودي خيانه.. وتاني حاجه انت متجوز.. وطلب ذي ده اسمه
اهانه لمراتك...
كان هذا رد "امال" بكل عصبية على "محمد".

-ايه يا" امال "انتي كبرتي الموضوع ليه وهو اصلا مش مستاهل كل ده ايوه عارف انك متجوزه وانا كمان متجوز وبحترم مراتي مع ان فى خلفات كتير وهي بتسمع كلام امها..
وعايز تخرب بيتها.....
بس هو انتي مش بتشوفي رجاله فى الشارع
وانا كمان بشوف ستات..؟ يعني عادي
انتي ليه كبرتي الموضوع وليه حسستيني اني عايز اشوفك عريانه!..

-انت بتقول ايه عريانه ايه انت اتجننت اكيد سلام يا" محمد "

-"محمد "بكل عصبية..
فى ايه هو ايه اللي سلام.. انا مطلبتش منك حاجه غلط وعشان متقوليش حاجه.. اهو يا ستي فتحت الكام بتاعي..

كان" محمد" بالفعل فتح الكاميرا خاصته..
ارتبكت "امال" وهي اول مره ترا "محمد" فيها. لم تهتم بشكله.. مع انه مليح الشكل.

-ارتحتي فى حاجه حصلت افتحي يا "امال" بلاش شغل عيال. احنا كبار...

باصابع مرتعشه فتحت "امال" الكاميرا. وهي تتاكد من غطاء راسها.. وملابسها وهي تفكر.؟
هل هذا خطئ. انه معه حق اليس ترا رجال فى الشارع. اليس يرها رجال. انها محتشمه.
وليست عارية..؟

-"محمد "اخيرا يا بنتي فيكي ايه حسستيني اني هغتصبك ههههه. بس ايده انتي صغيره
انا فكرتك كبيرة من طريقة كلامك. وتفكيرك..
فكي كده احنا اصدقاء صح ولا ايه رائيك!..

هزت" امال "رائسها لم تكن قادرة على الرد عليه من توترها..

(انها ساعه الغفلة. التي يدخل منها الشيطان).

*****************************

وفى يوم.
*******

بعد نوم الاولاد. اخذت" امال "تفكر فيما تفعله
هل هي علي صواب؟
انها تتمادا مع" محمد "في الكلام والافعال..
لدرجه انها تقوم باعمالها المنزليه وهي تكلمه. وهي يبدي رايه.. فى كل شيء.
حتا واصلت انها تاخذ رايه فى ملابس اولادها.. وملابسها ايضاً؟..

ما الذي يحدث لها؟

فاقت على صوت مفتاح باب المنزل انه زوجها. ضحكت بسخريه ومراره.. زوجها اين هذا الزواج الذي لا تراه الا وقت النوم.. انها تشعر ان" محمد "هو زوجها..
يعرف عنها كل شيء ماذا تحب وماذا تكره.
يراعي مشاعرها. وتأخذ منه النصح والمشوره لولادها اذا حدثت لهم مشاكل فى المدرسة..
ويطمن على الاولاد بستمرار..

-" عبدالله "مساء الخير.
عايز اتعشاء جعان يا" امال "كان هذا حديث عبدالله".

-حاضر عقبال ما تغير هدومك هكون حضرته.

ذهبت امال الي المطبخ لتحضر العشاء وهي تفكر انها لابد ان تنهي هذي المهزله..
التي تعيش بيها..

-العشاء يا" عبدالله "

جلس "عبدالله " امام الطعام ياكل ولم يسال عن اولاده مثل معظم الايام..

-انت ليه مش بتسال علي الاولاد يا "عبدالله"
هما مش ولادك ولا ايه..

-لا بس لو فى حاجه اكيد هتقوليلي..
هما عاملين ايه وحشوني..

-بجد وحشوك على اساس انك بتقعد معاهم
انت بترجع يكونوا نامو.. ومتقوليش شغل..
انت بتخلص من بدري وبتطلع تقعد مع اصحابك على القهوة.. بيتك وولادك ليهم حق
مش انك بتديني فلوس معناها كده مسؤليتك كده خلصت لا بالعكس الولاد بتكبر كل يوم عايزين أب فى حياتهم ينصحهم...
انما انا عايشه دور ألاب وألام.. انصح واكل واذاكر واجيب واودي فينك انت من كل ده.
خلاص تعبت انا ست وعايزه احس اني ست انت فاهم قصدي كويس...؛

-رما "عبدالله" المعلقه..

ايه يا"امال"الكلام الجديد ده وهو فى حد..
حفظهولك.. انا من اول ما اتجوزتك وده نظامي يعني مش جديد عليكي.. ومدام انا معيشكم كويس ملكمش عندي حاجه يا هانم احمدي ربنا فى غيرك يتمنى انه يعيش عشتك...

-هزت "امال" راسها...

عمرك ما هتتغير للاسف انا اللي وصلتك لكده كان لازم اتمرد على الوضع؟.
بس ملحوقه. طلقني يا "عبدالله".

-نظر لها بكل هدوء وقال.

لا مش هطلق عشان الولاد ما تعش مشتتين.

انها الصفعه..
كانت ترجو ان يقول بسبب حبه لها...

سكتت ولم ترد.

*******************************

-مالك يا"امال" شكلك متغير فيكي حاجه؟
الولاد كويسين.

-الحمدلله بخير يا "محمد" انا بس تعبانه شويه...

-الف سلامة عليكي خير فيكي ايه...

سكتت "امال"شعر بها"محمد" انها مترددة.

-بصي مش هضغط عليكي.

-لا مش كده بس عارفه ان مشكلتي ملهاش حل..؟

-حاولي.يمكن نلاقي ليها حل..

قصت عليه "امال"كل شيء لا تعرف لماذا.
هل بسبب اهمال زوجها..
أم بسبب عدم قدرتها على التحميل...

-عارفة يا"امال" جوزك فى ايده نعمه مش حاسس بيها زوجه جميله..وأم ممتازة..وست بيت شاطرة. بجد انا كنت أتمنى زوجه ذيك..
بس نصيب...

-لاتعرف لماذا شعرت انها ذات اهميه.ولم
تشعر بنفسها وهي تقول...

-وانا كمان كنت بتمني زوج ذيك؟

*******************************

وفي يوم
******

"امال"عايز اقبلك؟

            ماذا سوف تجيب"امال"؟
وهل سوف تقع فى الخطيئه؟

ده كله هنعرفه فى اخر جزء من قصة
الاهمال...

******************************