نوفيلا (شات)

روايه جديده

يالهوي علي حظك يا مي..

مين الي بينبر وعينه عايزه تندب فيها رصاصه بصالك في أم الجوازه دي يا مي..
ولا يمكن عملت حاجه.يكنش دوست علي نمله لا ده عمل معمول علي ورك نمله وانا دوست عليها..

كانت جالسه تندب حظها.وبجوارها خطيبها يسمع الي موشح الندب المتواصل الذي لم تكف عليه منذ فتره وفي يده طبق من السندوتشات وامامه كوب شاي..

اااه..اعمل إيه..الفرح كده بااظ.

خرجت أمها من المطبخ وهي تحمل صنيه بيها حلويات لخطيب.ابنتها الوحيده.انها وحيدتها علي ولدين.

متقوليش كده يا قلب أمك..
فرحك هيتم..يعني هيتم شوفي لو العيله كلها ماتت هعملك فرحك في ميعاده.

وضعت الصنيه علي التربيزه وهي تنظر الي محمود
وقالت..

حتي لو العريس مات هعملك فرحك لاتقلقي يامي..

نعم؟!!!!
مين الي هيموت يا حماتي؟!

قالها محمود وهو ينظر بذهول اليها

حماا دبب..مش قولتلك مش بحب حماتي دي..
وبطل أكل شويه الي مش باين عليك.

يا سنسون أنا رجل رياضي وشغلي بيضيع كل الي بكله..

يااااالهوي انتم في ايه وأنا في ايه..مين تاني هيموت عندكم تاني..

يابت الهبله..قولتلك لااااا تقلقي..

أيوه أنا بخاف من الكلمه دي..لا تقلقي وبعديها واحد يموت..

لا متخفيش..المره دي أكيد..لا تقلقي يا منه هجوزك وخلص من زن امك يا بنت البومه..

منه مين يا ماما نسيتي إسم بنتك كمان..احييييه