تفاعلي قبل ماتقري+رايك ف الحلقه❤
• الاخـطاء للتعلم لا لِـلتكرار 📒 .
• 𝙼𝙸𝚂𝚃𝙰𝙺𝙴𝚂 𝚃𝙾 𝙻𝙴𝙰𝚁𝙽 𝙽𝙾𝚃 𝚁𝙴𝙿𝙴𝙰𝚃 .
_______
طلعت برى قعمزت محلاه الجو بارد كان الشتي مزال عليه شويه ويجي
سامي جي وقعمز
ني:ناديتك اني ناديتك😑
سامي:لا جيت من نفسي
ني:انوض من هنا تواء ولا كيف
سامي:وليش اتنوضي ف شن ضايقتك 😕
ني: ااءلا بس نحب انكون بروحي ف جو زي هكي🙂
سامي: اها تمام وناض
ني: وين
سامي: قولتي انك تحبي تقعدي بروحك ف جو هكي🌚
ني بتردد: لو تبي تقعد عادي مافيش مشكله قصدي ان..
سامي ابتسم وقعمز : تمام .. امم غدوه منار عندها عمليه
ني: اي ان شاء الله تنجح
سامي: ان شاء الله به امتى انروحو احني
ني: مش عارفه العرس وتم منار عمليتها غدوه انته قرر
سامي: بعد غدوه ومزال عندك امتحانات
ني: اي ومش عارفه كيف مندير فيهم 😓
سامي: مش وعدتك إني رح انقريك
ني: قصدك مذكر💛
سامي: اكيده كيف ننسى ودموعك هداك اليوم
ني: بجد مش عارفه كيف نشكرك❤
سامي: تقدري ببوسه🤤
ني: هدا اعلاش مانبيكش جنبي😤😑
سامي: انبصر امعاك وانتي فيسع ماتصدقي😂😂
ني: ننن هكي الناس اتبصر😒😒
سامي: اي عادي 🙄
ني: باررد ومتقولش اتحبيني😑
سامي: مش رح انقول اصلا🙂😂
ني: اففف😒
سامي:لين
ني:خيرك🙄
سامي:حبيتي حد وسيبك
ني انصدمت من سؤاله وماعرفتش انرود
سامي: رودي
ني: شوف سامي هلبا بنات ايقولولي اكبر غلط تحكي لخطيبك ولا راجلك اين كان ماضيك لان رح ايقول انك كنتي مطلوقه ف حوش بوك ووونعرف ان علاقتنا مجرد صداقه مع ان متزوجين ومهما كان يلي رح اتفكر فيه اي اني ارتبطت بشخص بس مكانش في نصيب بينا
سامي: وليش لحتي انقول هكي مااني عارفك وعارف انتي شنو ولازم تحمدي ربك ان طلع من حياتك لاني متاكد كان مش كويس ليك لازم تقتنعي ان لما حد يطلع من حياتك خير ليك لان لو قعد فيها كانت رح اتكون كارثه
ني: به لو طلعت ني من حياتك رح تفرح وتقول مانت مش خير ليا
سامي: كانك ناويه تجرحيني🙂✅
ني: لا مش هكي بس وجهة نظر جاوبني
سامي: اكيد لاا مش رح نفرح ويمكن ننتحر بس ربي عارف الاحسن ليا
ني: تنتحرر😳😳
سامي: اي وليش لا ماتستغربيش
ني: ضعيف الايمان هوا ليدير هكي سامي
سامي شاف فيه: ومن قال ايماني قوي
ني: الصراحه انته ماتنفهمش🤦♀️
سامي: نعرف
ني ف خاطري: نسالا مانسالاشي نسالا مانسالاشي🤦♀️افف كان سالته بيقول بتغاري اصلا مفروض ننساه الموضوع بس مهما كان منقدرش انشوف راجلي مع بنت ونسكت لاا ي لين اسكتي خير دخلكش🤦♀️افف مش راضيه😭
سامي: ليش سكتي
ني: شن منقول 🤷♀️
سامي: اي حاجه المهم ماتسكتيش🙂
ني: سامي من امتى انته هكي🤦♀️
سامي: من قبل غير جت فتره تغيرت فيها🤷♂️😂
ني: مش عارفه🤦♀️
سامي: 😂😂😂
_____
ماما:هكي قالي سامي
بابا:لالا مافيش منها الدوه هدي عبدالله ينسى وهكي لالا مافيش
ماما:عادا وين نعلم ي خالد هكي قال ولده(زي ماقولت عاودتلا🤦♀️ صلح موقفك ي سيد سامي تواء😂😂)
بابا:مش عارفه لكن عبدالله مستحيله
ماما:شن توا سامي كذاب
بابا:مش كذاب لكن مرات يحساب بنتك عاودتلك كيف النساوين التانيات ومعاش عرف كيف ايصلح الموضوع قال هكي
ماما:مرات لكن مفروض
بابا:خلاص ي رقيه حتى كان كذب الولد ولا هكي حاجات عائليه ومليناش علاقه بيه وقدري موقفه
ماما:ان شاء الله وخلاص
___
تاني يوم ف العشيه🌳☁
فوزيه: بري بدلي ي بنت العرب قريب يوصلو
ميسم: ماعندي ماانبدل نلبسلا عبايه ونطلع
فوزيه: هوا لكن عيلته بتقعدي هكي قدامهم
نور: ميسم ع الاقل قميص وسروال
ميسم: افف واللهي مخاطري نلبس ونتزين والله اعلم ايصير منا ولا لا
فوزيه: ليش ادوه هدي ي ابنيتي غير بري البسي
نور: تعالي ميسم تو انلبسك والبس روحي بالك ياخدني بدالك😂
ميسم: ماغير خوذي😂🤦♀️.. وخشو لدار
لبست ميسم سروال جينز اكحل وقميص رصاصي قصير وطويل شوييه من الخلف مش هلبا فيه فتحات من جيهة لكتوف ع قد ماحولت معاها نور مبتش اتحط حتى نقطه من المكياج شدت شعرها كعكه وطلعت
فوزيه:ان شاء الله ابتطلعي هكي قدام الناس
ميسم:البس البسنا اما حاجه تانيه كان انموت مااني دايره
نور:مبرددك
أنت تقرأ
زواج غصب ينقلب الي حب
Любовные романыلقد تعلمت ماهو الحب منك فلولاك لظل تفكيري ان الحب عبارة عن ألم يجب الا يعاش ولكن الان فأصبح بالنسبة لي شي جميل جدا
