زواج غصب ينقلب الي حب

ح22🔥

تفاعلي قبل لتقري❤
________
‏“‏لن أعتذر عن القسوة التي أنا عليها الأن ، لا أحد اعتذر لي عندما كانوا السبب في ذلك الخراب بداخلي 📝💛™

مـ,ـيـ,ـآر آلـ,ـۅرفـ,ـلـ,ـيـ,ـ ❤

لبست منار وشاحها والبنت يلي وصلت المعلومه غلط نبي نعرف وين قاريه بس🙂
منار:غريبه من امتى سامي اينادي في لين حتى لما كانت امعانا والمسكينه لين تحشمت
شبحت منار راجل كبير وعريض
منار:اكيده سامي وقربت منا.. سام
ووليد يلتفت
ووليد&منار: 😳😳😳😳😳😳😳😳😳😳😳😳😳😳😳😳😳😳😳😳
وليد: منار،،. منار: وليد.. قالوها في نفس الوقت
وليد: شن اديري انتي هنا
منار: ووحده من البنات قالتلي خوي برى
وليد: لا ني قوتلها اتناديلي اختي مش انتي
منار: ااها
وليد: المهم كيف حالك واحوال العيله
منار اتشوف لوليد بنظرة شووق❤:الحمدالله اهو ماشيه وانت
وليد:باهي كويس كنت نبي انشوف اختي لكن هيا فيها خيره هي مع سلامه
منار:باي والتفتت وهي حاطه ايدها ع قلبها وتشوف في نبضها نفس النبضه وتسارع انفاسها قلبها بيطيرر مش قادره كانت الفرحه مش سايعتها بكلل
لين:خيرك عطلتي شن يبي فيك لخراء خوك
منار:مش سامي طلع
لين:من
منار:ولد نادى ع اخته والبنت لخبطت
لين:اها واني انقول كيف جت منا خوك😒 به خيرك ترعشي وصاير فيك حاله
منار:لالاالال عادي
لين: عادي حتى ني نعرفه 🙄
________
سامي:لو سمحتي فليندا اعدي ليا العشاء
فليندا: حالا
ترن ترن
سامي: الو
عبدالله:ايوا ولدي سامي كيف حالكم
سامي:الحمدالله ي بوي وانتم
عبدالله:كويسين اسمعني ي سامي راه الموضوع خرج عن حده
سامي:خير ي بوي
عبدالله:نبيك تمشي لبريطانيا غدوه ضروري
سامي:مش تكلمنا عليه الموضوع
عبدالله:غدوه هوا بس كان ماامشيتش راح انفلسو اسهم شركه نزلات بشكل
سامي حاط يده ع راسه:ي بوي ني في ورفله ومعاي اختي ومرتي وتبيني نمشي لبريطانيا
عبدالله:توا اتصل بيا كامل وقالي ان الاسهم نزلات بكل ومعرفش كيف يتصرف
سامي تنهد:تم ي بوي بس مش رح نتاخر ع الاقل لعند ماايتم العرس
عبدالله:هدا ولدي يلي ساندلي ضهري
سامي ابتسام:ماتبي شي بوي
عبدالله:لا صحية 
سامي:به هي تم وصكر
____
خديجه:اي ادير في روحها طيبه واحسن من التانيات
مفيده اتخدم في الشاهي:يوما واللهي للبنت من شكلها واضحه كويسه وسمأهوم في وجوههم وهي فعلها وشكلها كويس خيرك معاها
خديجه:لا فعلها لا سو نعرف ني الشخص لكويس
مفيده:انتي ماعجباتك كان بنت اختك دراه كبد كلهاا
خديجه:احترمي نفسك بنت اختي ومرت خوك
مفيده شبحت في امها هك😒:شن ناويه اتجوزي ولدك للمره التانيه
خديجه:اك تفهمي عليا لما انجيبهلا وتو اتشوفي قولي امي ماقالتش
مفيده:ي خوفي ي امي ي..
عبدالله:السلام عليكم
الكل:وعليكم السلام
عبدالله:ع شن كنتو تتكلمو ولما خشيت سكتو
مفيده:لا ماسكتنا غير انته خشيت
عبدالله:به كملو ع شن كنتو تهدرز
خديجه اتفنص عارفه مفيده يلي عندها في طبق
مفيده:كنا نتكلمو ع مرت سامي وشن فيها كويس وشن فيها لا وليش امي ماتبيهاش وليش تبي بنت اختها 🙄
عبدالله شاف في خديجه:ليش ماتبيش البنت وتبي بنت اختك
خديجه:ااااء بنت اختي تعرفني ونعرفها وتحملني
عبدالله:😂😂😂😂😂😂 ضحكت من وسط قلبي بنت اختك هدي بديرلك قيمه لما اديرلك  احرف من التانيات
خديجه:لااااا في فرق
عبدالله:ويلي هوا
مفيده:سوسن تعالي اغسلي الطواسي
خديجه:هدي بنت اختي مش كيفهن
عبدالله:بنت اختك ي ناري
مفيده:شن هيا حتى لما جيتي بتخطبي لولادك قبل بوي قالك فكك ي مراءه ماتاخديش من العيله وانتي شي صكرتي راسك وشوفي تواء شن صار
خديجه سكتت معاش عرفت كيف اترود لكن مع هدا كله قاعده امصممه ع قرارها
__مـ,ـيـ,ـآر آلـ,ـۅرفـ,ـلـ,ـيـ,ـ ❤___
وليد:قاعده كيف ماهي تتحشم هلبا بس في حجات متغيره فيها اااااه وقعد يتفكر في كلام كارولينا قبل ليسافر
____قبل
كارولينا:وليد استنا
وليد:مالامر كارولينا
كارولينا:كنت اريد ان اتكلم معاك بشان هدا الموضوع من قبل ولكن ليس لدي جراءه
وليد:تكلمي مالامر لا تخافي
كارولينا:انا لست خائفه من شي سوى ردت فعلك وفهمك للموضوع
وليد:لا تقلقي قولي مالامر
كارولينا:منار
وليد:مابيها
كارولينا:انها تحبك
وليد:ماذاااا !!؟
كارولينا:اهدى ي وليد..صدقني انها تحبك انا اعلم هدا جيدا مع ان لم تقل لي ولكنها تحبك وبجنون وحبها صادق
وليد:اذ لم تخبرك كيف علمتي
كارولينا تنهدت:نظرت عينيها واضحه جدا وغيرتها وارتباكها عندما تراك
وليد:كارولينا انا ومنار اصدقاء فقط حتى لو كنا من نفس البلد هدا لا يعني انه يوجد ش..
كارولينا ودموع في عيونها:بلا يعني انته لم ترى عينيها دموعها حبها قربها منك لم ترى شي سوى انها فتاة من بلدك وصديقه انظر الى عينيهااا وليد انظر ولو لمره ستعرف
وليد:اوففف كارولينا ماهذا الكلام الذي تقولينه
كارولينا:وليد اذا خسرت شخص يحبك مثلها فانته احمق
وليد:كارولينااا انا لم اراها منذو سنتان ولا اعرف عنها شي ولا مكان سكنها
كارولينا:يعني تريد ان تراها مشتاق اليها
وليد:لااا ليس كذلك ولكن اريد ان اراءه عينيها كما قولتي
كارولينا:اذا رايت حبها الذي في عينيها ساتقول انا لم احب كارولينا يوما ولم تكون في حياتي
وليد:كارولينا ماهدا الكلام
كارولينا:سياتي يوم وتعرف..ابتسمت وحضنته وبادلها باسته ع خده ومشي
تواء
وليد:شوفتها وماشوفتش في عيونها 🤦‍♂️..زعما تزوجت اوفف
_____
امقاعمزه ني وتسنيم ونور في الخيمه وفاتحين المنظومه وكلها ترقص اما منار مع كوثر
نور:قوليلي شن صار معاك انتي والعسل
ني:عسل عينك 😒
نور:خيره واللهي حلو
ني:اي والله ايهبل😒 كيفك
نور:وخيرني ني محلاني 🙄
ني:اي اتهبليي🙄 ونلمح مراءه ترقص وغريبه عليا....نور
نور:نعم
ني:من هيا هاذي منعرفهاش
نور:هاذي ي حنه مرت حبيبك السابق 💔
ني شوفت في نور💔
نور:اي هذي يلي فضلها عليك
ني قعدت انشوف فيها اي هيا صح قنينه بس مش زيي جسمها كويس بس ني احسن منها شعري ني احسن في شن فضلها عليا في شن 💔
نور: ربي ايحبك ي لين لان بعدا عنك
ني: وليش
نور: احمد يلي كنتي اتحبيه خش ع الحرام مافي شي ماداره
ني: ممعقوله احمد وهي كيف دايره مسكينه
نور شافت فيا هك😒: مسكينه!  مامسكينه كان انتي  هاذي يلي واجعاتك خبيثه لنم وذكيه وتفهم وماتفوت عليها حاجه
ني:وانتي وين تعلمي عليها ها
نور:وين نعلم😂😂 شوفي وجهه كيف ترقص وفرحانه كان راجلها مايشربش ولا يتعاطى ولا تواء راقد مع مراءه غيرها بالحررااام وعااادي والدوه هادي كلها قالتهلي كوثر
ني مصدومه في احمد كيف كان وكيف ولا :هوا دار هكي بسببي لاني تزوجت 
نور:تزوجتي عينك عندك علم مش وين تزوجتي كان فم باب الصاله
ني:اي
نور:لما روح مابكي ولا دار حاجه وع اساس ايحبك وهكي تعرفي شن دار!؟؟
ني:شن دار
نور: روح لمرته ودلعو روحهم كانهم عرساان
ني:وانتي من قالهلك ولا امركبه كاميرة في حوشهم😒
نور:اس اس لا كاميره لا شي مرته بروحه قالتها وطلع امقيلها عليك
ني:اللله وهي عندها عادي
نور:بعد يرقد مع غيرها وساكته شن تبي تاني
ني:مرات تبي تستر روحه وماتبيش تطلق وهكي
نور:تعرفي انها كانت اصيع بنت في منطقتهوم ولما كنتو مرتبطه باحمد كان ايكلم فيها ودارو حجات حرااام حملت منا جت قالت لامه وبوه ودارت حاله كان ماتزوجهاش وتزوجها وماتقوليش تزوجها لانها حامل منا وكان ايحبك لااا
ني:نور ني فاهمه وعارفه بس واجعتني روحي بس
نور:لين لاتوجعك روحك لاشي انتي متزوجه وسامي كويس معاك وشبه اعترفلك بحبه
ني:ااخخ نور فكنا منها الدسكه هدي
نور:لا فكنا لا شي ريحي جمالك واللهي ي لين مافيش احلى من راجل ايحبك وربيي
ني:نور
نور:لين ماتطلقيش ننصحك حتى احمد هدا لما تطلقي رح يشمت فيك
ني:نور اني وسامي من البدايه قولنا رح نطلقو بعد فتره وعشان الصغار وتم
نور:المجتمع مايرحم ي لين وربي وراس صاحبتي حاولي اتحبيه وشوفي الحجات الحلوه فيه ويلي اميزاته
ني:باهي باهي باللهي صكري ع الموضوع
نور:🙄🙄تواء بسس المره جايه ماني امصكراته
ني:هدا كان في مره جايه 🙂...وقعدت انفكر
ني:نور قالت ربي ايحبني يلي فكني من احمد به حتى سامي يشرب شن الفرق بس سامي عمره مااغتصبني ولا دار شي مع بنات تانيات به من هي البنت هديكا اااخ ي ربي 😔
_____
محمد:حتى هيا قصه ي راجل
حسان:تعرف انك غبي 😒
محمد:اي عارف شن جديد عليك اني 🙂
حسان:استغفرالله🤦‍♂️ تواء انته مش عندك اخت انديدها وقريبا منها
محمد:ايي🙄
حسان:خلاص كلمها اتكلمها
محمد:هي المشكله كان منقوللها بتزيدها وتقوللها ماتكلميشي وفكك منا خوي امتاع دوه وهكي 🙂
حسان:وليش واثق ان اختك رح اتقوللها هكي
محمد:لانها عارفتني 😐
حسان:ومدامه عارفتك فهمها وقوللها ورح تفهمك وتقوللها وتحاول تفهمها لو القتك صادق
محمد:ني رح نمشي بكلامك وانقوللها لكن كان زادت عاندت اتشوف جهنم وانته عايش🙂
حسان:ماتخافش عارف روحي شن اندير🙄😁
محمد:تو انشوفو🙂
حسان:به مسالتش ع عمر
محمد:كل يوم نتكلم معاه
حسان:جد
محمد:اي
حسان:شن احواله
محمد:في شي هوا وخوي ميه ميه
حسان:وشن بيولي هنا
محمد:اي عن قريب بياخد فتره اجازه هو وحسام وبعدين بيولو
حسان:اها والله ليا فتره ماكلمته كل يوم انقول اليوم
محمد:به خلاص معاش اتقول اليوم🙂
حسان:😂😂هدا يلي بيصير
___
صقر:شوف ي اكرام كلم امي اتخلي عرسي بروحه وعرسك بروحه
اكرم:لا نبي جميع اني 🙂
صقر:مصح وجهك ولييش
اكرم:نبي اتكون دخلتنا جميع شن ليش
صقر:عليك خراء 😐
اكرم:بعدين انته قاعد ماكملتش حوشك ليش الاستعجال🙂
صقر:قريب انكمله مزال حجات بسيطه وايتم
اكرم:المهم مزال يبي وفي هالوقت بالك نلقى بنت حلال
صقر:اوفف وكان مالقيتش
اكرم:بإذن ربي نلقى
صقر:به كان اني جبتهلك البنت وخطبتها
اكرم:قوتلك نبي انحبها😑
صقر:اي اخطبها وتعرف عليها في فترة الخطوبه وكان ماحبيتهاش افصخ اهم شي اتكلمها وانته داير شي رسمي
اكرم:به هي عجبتني الفكره بس كان ماعجبتنيش وفصخت شن بيقولو عليها الناس البنت مش حرام
صقر:ي غبي🤦‍♀️ لما الناس تسال قولولهم ماتفهمناش
اكرم:مش عارف الحق لكن من وين بتلقاها البنت ولا بتحيبها من اي مكان 😒
صقر:لااا اتكون نعرفها وعارف تمشي معاك ولا لا وبعدين ني عارفك ماتبيش من العيله
اكرم:اهم حاجه معناها وكلتلك المهمه وتجيبلي بنت امسخه كيف وجهك اتشوف😒
صقر:وجهك 🙂
___
س1
ترن ترن
منار:ايواه سامي
سامي:ايواه منار خير لين ماترودش
منار:اسال علي حالنا القبل ي حنه لين برى واني داخل بالك دايره هاتفها صامت
سامي رقاله:به تمام اني برى البسو اطلعو وصكر
منار:خيره هدا وناضت
منار:لين ليييين
ني اشرتلها خيرك لان الصوت المنظومه عالي..فاشرتلي تعالي
ني:ها خيرك
منار:تبي اتباتي ولا شن انتي
ني: لا سامي قالي تو نتصل بيكم نستنا فيه يتصل
منار:ليلتك سوده اتصل بيا وقالي خيرها ماترودش وشكله راقيله
ني:هوا اتصل شوفت هاتفي القيت عشرين ترليون مكالمه ورسائل منا ي نهاري حي عليا والله مادرته صامت
منار:املا من دايره بالك دايرتيه وناسيه
ني:لالا مانذكرش اني درته صامت
منار:به غير بري البسي عما اطيرله اكثر وربي لما سامي اطيرله ماايشوف في حد
ني:بب به اول مره انخاف هكي ومن من سامي  ي ربييي البست وطلعنا ني ومنار
سامي شاد في دومان وع اعصابه
منار:السلام عليكم
ني قعمزت ولا كلمه...سامي حرك السياره ولا كلمه
منار:رد السلام واجب 🙂
سامي بصوت هادي وعصبي:منار تعرفي تسكتي
منار:🤐🤐
وعما السكوت المكان لعند ماوصلنا
نزلنا ني ومنار وسامي قعد في السياره
سامي:استغفر الله ي ربي..اعود بالله من الشيطان الرجيم ونزل
منار:منبدل ومننزل جيعانه موووت
ني:اعظم منك وخشيت لداري بدلت ولبست توته مستوره وجيت منطلع
____
نور:تعرفي واجعني حال لين
تسنيم:نور لين تواء متزوجه مفروض تنسى كل شي وبعدين يلي ايكون عيل معاك ماايكونش ليه مكان لا في عقلك لا في قلبك
نور:غير انتي اتقولي هكي ي تسنيم من اول مره طحتي في راجل صانك وماجربتيش شعور الخيانه وربي تموتي الف موته خاصة لما اتكوني صاينتي هدي تحرق
تسنيم:نور اي فاهمه وحاسه بس مع هدا كله لازم اتفوته واللهي يلي زي لين يشكر ربي مئة مره في اليوم ع راجلها
نور:تسنيم تعلمي ع حياتها معاه انتي
تسنيم:هيا اتقول كويس وتحكي عليه
نور:ومن قال ماتكذبش
تسنيم:ان
وفاء:تسنيم بنتي هياا
تسنيم:تواء منروح لكن غدوه لما انفصفصكم
نور:كان حصلتي حاجه منا
تسنيم:بااااهي
ميسم اتنعس:هيا ي خراء البسي عبايتك منروحو
نور:من بيروح بينا
ميسم:قاالتللي عمتي رقيه محمد من الصبح وهوا مع الرجاله يستنا فينا امتى انروحو🙄
نور:وبه شن منديرله
ميسم:ماديرله شي هيا سقدي روحك وطلعت
نور:خراء😒 ودراه من لايم عليه وقالا روح بينا 😧
لبست نور وطلعت
ماما:اختك اليوم جت
محمد:ليين
ماما:اي جت بعد المغرب هكي هي وحماتها
محمد:كم عمرها حماتها🙄😉
نور في خاطرها:ريح جمالك اكبر منك 😒 وقعدت اتشوف فيه بكرهه ومحمد ايراقب فيها
ماما:مواليد 90
محمد:اكبر ولا اصغر مني
ماما:لا اكبر منك
نور طلعت منها بدون قصد:95😒 حي وحطت يدها ع فمها
ومحمد ايشوف فيها من المرايه ويضحك 😂😂
نور:😓😓حي عليا
ماما:اي انضني 95
فوزيه:هيا اكبر من راجل لين
نور:اييي ولو حتى ايقولو راجل لين
ميسم:نبيي نرقد وراس محمد اجري
محمد:واللهي لعزيزات خايفات
ميسم:ماايصيرلهن شي
ماما:تي شن هوا الحوش اخطيوه
فوزيه:والله هدا جيل خليني ساكته
محمد:لا عادي تكلمي ي عمتي ويشدها سرعه
ماما:تي بشويه ي ولد تبينا انديرو حادث
محمد:ماايصير شي 😂
نور:خراء😑
شويه ووصلو نور وميسم وفوزيه لحوشهم بعدين وصلو ماما وموده
ماما:طبعا بوك ايقامه في حوش اخته
موده:عاد ماعندنا مانديرولا يقعد حوش اخته
محمد:شكلها المدام استاحشت راجلها 🙂
ماما رميت كندرتها ولوحتها ع محمد😂😂:ي كلب ي امسخ ي تافهه
وليد سمع دوشه طلع
وليد:خيركم
ماما:شوفت نوضت خوك
محمد:انتي يلي طايحه فيها شتايم
وليد:لا ماكنت راقد كان عندي شوية اوراق انراجع فيهم
موده:ماما 🙄 ني منمشي نرقد تصافي انتي واولادك
محمد:زود ي وليد الحاجه استاحشت راجلها 😂
ماما خديت كندرتها وقعدت تجري وراء محمد ووليد ايحاول ايهدي ماما 😂وهي ولعتلها
____
نور:مبرده يلي اسمه محمد خرااء
ميسم:خراء دراه يلي هوا لروحه ني مادخلنيش نعرف منرقد بسس
نور:هدا يلي فالحه فيه انتي 😒 نوم نوم بس
ميسم تحول في دبشها:به لعرفايني منرررقد خلااص
نور:به امتى بتخطي خطوه رسميه وبتفصخي
ميسم:نبي نفهم ليش كل ليله تفتحي في نفس الدوه
نور:خايفه من كلام الناس
ميسم:اخر همي هما وخمرهم
نور:ميسم زبير تقبل ان بوك ياخد في الحرام ومحبوس
ميسم شافت في نور بكسره:هدا اعلاش هوا تغير لان بابا انحبس واني زابطاته زبير ي نور وانتي تعرفي ان من قبل يسمع في كلام امه بس اني مشيت الموضوع وماعرتاش اهتمام بس من لما بابا انحبس تغيرر 180درجه لو ماتغيرش رح نتقبله اني فاهماته وتوا ايشوف فيا وحده وسخه وخاصة كان امه زادت حبتين وانتي عارفتيه اول ماحد يمحشه خلاص كيف رح نتعايش مع شخص كيفه رح نتعب هلبا والواضح ان ماحبنيش كانت نزوه وهوا يحسابها حب يمكن حبيته بس خلاص كرهته
نور وجعتها اختها قعدت تبكي وحضنتها💕
نور:ماتخافي من شي ي اختي مدامنا جنبك وخلاص انسي كلام الناس وانسيه
ميسم:المشكله ي نور ان من اخر مكالمه معاد عادو عليه ولا دور حتى بمسج
نور:يلي هكي فوتيه خلاص مش رح ينفع بيك رح تلاقي احسن منا
خشت عليهن فوزيه القتهن يبكن وحضنات بعض
فوزيه:هيي خير بنياتي شن في شن صاير معاكم
ميسم&نور:نبو حضنك ماما حضنك بس
فوزيه وجعنها بناويتها هلبباااا انحرمن من  نعمة الاب وهو عايش ي ريته حتى ميت انقولو ماانقولو بس هوا عايش امخرب حياتهن  حضنو بعضهم الثلاثه وكان اجمل حضن ليهم ❤
____
لبست توته مستوره وجيت منطلع
سامي جي ع خد الباب:وين ماشيه
ني:مننزل منتعشى
سامي:مش رح تنزلي لعند مانتفاهمو
ني:ع شن
سامي:😕😕
ني:تمام
خش سامي وصكر الباب
قعمزت ع حافة السرير وسامي قعمز ع كرسي الزيانه
سامي:ليش امبكري نتصل بيك ماتروديش
ني:تلفوتي كان صامت وصوت المنظومه عالي وكنت لاهيه بالهدرزه مع البنات ليا هلبا عليهم
سامي:ليش دايرتيه صامت
ني:مادرتاش منتفكرش اني درته لعند ماجت منار وقالتلي انك تستنا فينا
سامي في خاطره:المشكله حتى كان منولع عليك لما انشوفك نضعف ومنقدرش انعلي صوتي...به معاش اديريه صامت لان الايام الجايه لازم عام
ني:كيف
سامي:غدوه الصبح منمشي لبريطانيا
ني:وبتخليني بروحي 😢
سامي:كيف منخليك بروحك منار احداك وفليندا
ني:ومن بيوصلني لحوش عمتي
سامي:شاكر رح ايوصلكم
ني:من شاكر 😕
سامي:يلي ذبتي فيه امس
ني:😢😓هوا حلو الحق
سامي:به اهو بيوصلكوم واشبعي شوف فيه
ني:لالا منار تعرف اتسوق اتوصلني حتى هيا
سامي ديرو رايكم ...يتبع

مـ,ـيـ,ـآر آلـ,ـۅرفـ,ـلـ,ـيـ,ـ ❤
اسفه بنات ع تأخير بس الضي هرب عليه وكان قعد الضي في ليل إن شاء الله  انزل حلقه تانيه ❤
تفاعلو💕