حياة حزينة

في غرفه الحكيمة

نكمل

الساعه 7:50
في الجامعه

حسام: واخيرا جيت، ايه اللي اخرك كدا

مراد: كنت بوصل اختي المدرسه
حسام: طب يلا نلحق نروح المحاضرة قبل ما الدكتور يجي،سمعت ان التعامل معاه صعب وديما سيئ المزاج
مراد: ماشي يلا
البنات الموجودة داخل القسم مع مراد: بصوا يا بنات مش دا مرااد
احدي البنات: ايووة هو، هو في حد في الجامعه ميعرفهوش
بنت اخري 1: ااااااه قمر اووي يابخت اللي هتكون من نصيبه، ربنا يجعله من نصيبي يااارب
بنت 2: ولي ميكونش من نصيبي انا
بنت 1 بنبرة صوت سخرية: لان واحد زيه اكيد مش هيبص ولا هيفكر يرتبط الا بوحده جميلة اوي
بنت 2 بنرفزة: قصدك ايه يعني؟! ان انا مش جميلة يعني
بنت 1 باسلوب غير مبالي: والله كل واحد ادري بنفسه
مراد بعد ما سمعه من البنات بصلهم وابتسم ابتسامة خفيفة غير مبالي بحكيهم
ملحوظة{ مراد كان يجلس في البنش الثالث بجوار حسام والبنات كانت تجلس في البنش الخامس }
البنات بتوتر: دا مراد بيبصلنا دا شكله سمعنا

الساعه 8:02
في مكان اخر

نهي:الو يا مروة انتي فين يا يبنتي
مروة:الو يا نهي،انا خلاص قربت من الجامعه اهوه
نهي: طب حاولي تيجي بسرعه عشان كل اللي في الجامعه عاملين بيتكلموا عن دكتور يوسف ان هو عصبي اووي والمعامله معاه صعبه ومش بيقبل يدخل حد وراه وهو اللي علينا دلوقتي
مروة: بجد ربنا يستر بقا
الدكتور بصوت خشن ومخيف: صباح الخير، انا اسمي الدكتور يوسف وعميد في الجامعه، وانا ان شاء الله اللي هديكم مادة
تقاطع مروة كلامه
مروة: انا اسفه علي التاخير يا دكتور ممكن ادخل
الدكتور: الساعه معاكي كام يا انسه؟!
مروة: 8:10
الدكتور: ومعاد محاضرتك الساعه كام؟
مروة: 8:00
الدكتور: طب من فضلك اخرجي واقفلي الباب وراكي
مروة: بس يا دكتور....
الدكتور يقاطع كلامها وبصوت عصبيه ونرفزة: سمعتي انا قولت ايه، انا مبدخلش حد ورايا،معادك الساعه 8:00 يعني تكوني هنا الساعه 8:00 واتفضلي يلاا مضيعليش وقت المحاضرة.
تخرج مروة وتقفل الباب وراها
الدكتور: بصوا بقا انا ليا قواعد في شغلي هتمشوا عليها هنبقا حبايب هتخلفوا القواعد دي محدش يلوم الا نفسه
اثناء ما الدكتور بيتكلم حسام بيهمس لمراد
حسام بضحك خفيف: دا شكلنا هنتبهدل السنادي احلي بهدله
الدكتور: انت.. قوم اقف
حسام عمال يبص يمين وشمال وبيشوف الكلام متوجهه لمين، حسام لاقي كله بيبصله
حسام: انا؟!
الدكتور بصوت خشن: هو في حد غيرك هنا هو اللي اتكلم
حسام: اسف يا دكتور
الدكتور: انت اسمك الثلاثي ايه؟!
حسام: حسام ابراهيم ممدوح
الدكتور: انت لو حابب تحصل البنت اللي لسه ماشيه دلوقتي ابقي اتكلم تاني من غير اذن، اتفضل اقعد
عند مروة
مروة: اووف ايه ده؟! ايه الدكتور المقرف دا، دي شكل السنة باينه من اولها، دا حتي مسالنيش حتي عن سبب التاخير