تفصيل ايامنا ..💙

خروجة مطر ..

كان لينا خروجه مع بعض ..تقريبا اول خروجه رسميا بينا .. كانت صدفة باحته خروجه زي الافلام الهندي المطر مكنش بيقف .. كان اليوم دا و علي غير العادة في جو مصر مكنش المطر بيبطل .. كنا كل شوية نبص للمطرة و نقول دي لسة بتمطر .. كنا مبسوطين .. مين مبيبقاش مبسوط من المطرة .. اما انا ف كانت المطرة تاني حاجه بسطاني .. هو ازاي تقابل حد و فجأة تكتشف ان دي المقابله اللي كنت بتحلم بيها في خيالك ..مطرة و قهوة .. و سينما .. و هزار تحت المطرة و لعب و تصوير .. كنا محظوظين اوي باليوم دا ..
علي غير العادة كانت مصر كلها غرقانه .. عشان اروح من مدينة نصر لمدينة نصر بردو خدت ساعة و نص .. بس مكنش فارق معايا الطريق كان فارق معايا اليوم بتفصيله ..
كنا ٢ اطفال بنلعب تحت المطر و بنهزر .. علي الرغم من ان اعمرنا كبيرة جدا علي كدا بس مع اول خروجه اكتشفنا اول حاجه مشتركة بنا .. حبنا للمطر