كنت كل ما اقابل حد و يعرف اني بتفرج علي افلام هندي يتريق و يقولي دول اوفر اوي بينطوا و يطيروا و بيعملوا حاجات غريبة .. ف بطلت اقول اني بتفرج علي هندي .. و في مرة قاعدين في مكان لقيت فيلم شغال قولت الفيلم دا حلو جدا بصلي و قالي انتي بتتفرجي علي هندي !! .. بصيت باستغراب و قولتله بتردد .. اه .. قالي انا بحب الافلام الهندي اوي و سبنا اللي قاعدين و القاعدة كلها و قعدنا نتكلم في احسن و اوحش افلام هندي و ان المزيكا و الرقص و الملابس بتعتهم حلوة و ان افلامهم فيها قصص حلوه جدا .. ساعتها كنت فرحانه و مستغربه هو ازاي من بين كل الناس دي تقابل اللي شبهك في كله كدا.. هو انا اللي محظوظه ولا طبيعي ان اللي تحبه لازم يبقي شبهك .. عشان تتشاركوا في كل اللي بتحبوه سوا ❤️
YOU ARE READING
تفصيل ايامنا ..💙
Romanceمواقف بيني و بينك عمري ما عرفت انساها .. عمري ما بطلت افكر فيها سواء كانت وحشه او حلوة .. و عشان كدا قرارات اكتبها..
