تفصيل ايامنا ..💙

صدفة غريبة

من اول ما عرفنا بعض و بتحصل بنا صدف غريبه .. هي صدف كلها حلوة ..  بس..  حقيقي من اكتر الصدف دي غربه بالنسبالي .. الهدوم .. احنا من اول ما عرفنا بعض و احنا كل ما نتقابل نبقي لابسين نفس الهدوم .. اللون .. او الشكل .. هي حاجه هبله لاي حد بس احنا في كل مرة بنخرج و بنتصور بنفتح الصور نشوفها و نبص لبعض و نقول اية دا احنا لابسين نفس اللون !! انا في الطبيعي مش من البنات اللي بتركز اوي في اللي قدمها لابس اية او  شكله اية او غير بس الموضوع بالنسبالي كان محير .. خصوصا اننا مكناش عرفين بعض اوي او حتي عارفين  الالوان اللي التاني بيحبها و بقت تقريبا عادة بقي عادي لما نبقي لبسين نفس اللون او الهدوم و اللي حوالينا بيبقوا فكرين انها حركه مننا او روشنا بس لا .. احنا المرة الوحيدة اللي اتفقنا فيها نلبس زي بعض .. كل واحد جيه لابس حاجه تانية و الغريب .. انهم كانوا نفس اللون 💙💙