انا من البنات اللي محظوظة في الدنيا لان حبيبها بيغني .. صوته حلو .. مش بس صوته حلو دا مغني .. حاجه كدا شبه التسعينات .. مصطفي قمر و هو بيقول (حلوه عنيها .. و اللي شبكني ) و علاء عبد الخالق اللي قال (داري رموشك عني .. ) و ايهاب توفيق .. اول اغنية كانت ليا .. كانت (علي كيفك ميل ) ناس محظوظه اوي اللي حبيبها يغنيلها .. تبقوا متخانقين و يراضيكي باغنية .. يبقي عارف اي اغنية هتهديكي و اي اغنية هتعصبك .. لما تبقوا قاعدين كدا و يبصلك و يغني .. و لما يحصل حاجه يبقي عارف اي اللي يليق هنا بالظبط ف يغنيه
و اول حفله حضرتهاله كان بيغنيلي .. علي مسرح بس بصصلي بيقولي الكلام ليكي و الاغاني ليكي و احساسي ليكي .. محظوظة اللي تحب واحد صوته حلو .. ممكن ينسيها الناس كلها باغنيه منه ..
الموضوع ببساطة انه شبه التسعينات بكل تفاصيلها و انا مولوده في التسعينات .. !
YOU ARE READING
تفصيل ايامنا ..💙
Romanceمواقف بيني و بينك عمري ما عرفت انساها .. عمري ما بطلت افكر فيها سواء كانت وحشه او حلوة .. و عشان كدا قرارات اكتبها..
