ميراث نور " الجزء الاول "

عاشقة مصطفى

العربيتين وقفوا جمب عربيتى المقلوبه وجه  واحد بعضلات شدنى من العربيه وطلعنى منها وانا متخرشم ,و سمعت صوت طارق أبن عم  نيللى  بيضحك وبيقولى :

متلازمة السمك ... هو انت مفكرنا عبط !!, أحنا جبنا قرارك وعرفنا انك ساحر وجدك ساحر وعرفنا كمان أنك علشان تقتل ساحر لازم تقطع رقبته , وشاور على اللى معاه فمسكونى وثبتونى على الارض...

Lina Basyouni

ولقيت طارق ماسك زى سيف وبيقرب عليا ...

رفع السيف ونزل على رقبتى وقطع راسى !!!

فتحت عينى وانا مفزوع ومسكت رقبتى , فضلت  فتره أدرك اللى بيحصل!!

بصيت حواليا لقيتنى لسه قدام الفيلا بتاعة نيللى وما اتحركش بالعربيه !!

Lina Basyouni

سمعت صوت نصير وهو بيقول :

لو مشغلتناش هنشتغل عليك !!

بصيت فى مراية العربيه, لقيته قاعد فى الكرسى اللى ورا و مسخسخ على نفسه من الضحك!!

بصتله  وانا مصدوم و كنت لسه بدرك اللى بيحصل قولتله :

هو أيه !!!... انا مش فاهم حاجه .. يعنى نيللى مكلمتنيش !!؟

سخسخ على نفسه من الضحك أكتر وسمعت أصوات تانيه بتضحك معاه قالى وهو بياخد نفسه من الضحك :

بص هو نيللى..

ونام على ضهره ودخل فى نوبة ضحك تانيه فقولتله :

أخلص يانصير فهمنى أيه اللى حصل !؟

قالى وهو بيحاول يتمالك نفسه :

أنت مدورتش العربيه أصلا , احنا أشتغلناك أول ماركبت العربيه . نفس الحوار عملناه  مع جدك كان مروح رايق  فى يوم وقطعناله دراعه كده وكده ....
Lina Basyouni

ودخل فى وصلة ضحك تانيه ...

قولتله  وانا بدور العربيه وراجع بيها الفيلا:

ماشى يا نصير .. أنا هكهربكم لمدة أسبوع متواصل على الحركه دى !!

سمعت اللى معاه بطلوا ضحك وهو كمان وقف ضحك ونسى بوقه مفتوح من الصدمه!!!

شويه وقالى :
:
نينو !!! أحنا بنهزر معاك , مش غشوميه ياصاحبى , أنا ما أذيتكش  والعربيه سليمه أهيه بكيسها احنا بنشتغلك بس عشان مفيش شغل وقلتلك مينفعش نقعد عواطلية ...

Lina Basyouni

قولتله :

وانا اجيبلكم شغل منين دلوقتي؟

قالى :

مش بتاعتى دى , أنت لازم على الاقل تجيبلنا شغلانتين فى الاسبوع , وكده  أبقى عامل معاك الواجب, جدك كان بيعمل معانا يجى 20 أوردر فى الاسبوع !!!