dark side of beatiful life

دەسپێکی ژیانی ئێمە ..

ئـەی چـــی دەربـارەی ئـەو ؟

➖➖➖➖➖➖➖➖➖➖➖➖➖➖➖

ٓٓٓٓٓٓ

"کچـەکەم زۆر جـوان دەر کەوتـوە " دایکم لەنزیک گوێم چرپاندی .

زەردەخەنەم کرد بە بێدەنگی . چاوم لەسەر ڕەنگی زەویەکە هەڵگرت ، ئاڕاستەی چاوم لە ئاوێنەی بەرامبەم کرد ، کراسە سپیەکە بەجەستەمەوە نوساوە ، زۆر بەجوانی لەگەڵ جەستەمدا خۆی گونجاندووە ، هەندێک بەشی کراوەن ، جەستە ڕووتەکەم دەردەخات ، قژم بە پشتمدا هاتوتە خوارێ ، لەگەل ڕۆشنای ڕوناکەرەوەکان دەبریقێتەوە ، پارچەیەکی بچوکک کریستاڵ بەشێکی قژمی کۆ کردۆتەوە ، عەزیەکەم زۆر درێـژ نـیە ، بەڵام بەشێکی کەمــی دواوەی لەسەر زەویەکــە شۆڕ بۆتەوە ، چاوەکانم گەورەتر دەرکەوتوون ، پێموایە کەمێکیش ... تۆختر ، پێڵاوە پاژنە بەرزەکانم لای مێزەکە دانراون ، پێموایە پێویستە لەپێیان بکەم ، مەیکئەپێکێ سادە لە سەر ڕوخسارمە ، مەیکەپ بەکار ناهێـنم ، بەڵام ئەمڕۆ جیاوازە ، ڕومەتەکانم دەبریسکێنەوە ، برژانگەکانم زیاتر هەڵگەڕاوەن ، لێوەکانم جیاواز دەردەکەون ، چیتر ڕەنگە تۆخەکانی خۆیان دەرناخەن ، ڕەنگێکی کاڵ دایپۆشیوون .