dark side of beatiful life

ناچاری

دەکرێ خۆر بوەستێ لە دەرکەوتن ؟

*****

لەخەو هەستام بەهۆی ئازاری پشتمەوە
سەیری کاتژمێرەکەم کرد بینم کاتژمێرە دە لای داوە
دوێنێ شەو زوو هاتمە نێو جێگا و ئەم بەیانیە زوو بەئاگا نەهاتم هەر لەبەر ئەوەی ماوەیەکی زۆرە لەناو جێگادا ماومەتەوە پشتم ئازارێکی ناڕەحەت کەری تێدا درووست بوە .

بە بێتاقەتی لەناو جێگا هەستامەوە .

سەیری نێو ژورەکەم کرد .

بۆنی تەنهای لەنێو ژورەکە هەستی پێدەکرا .

تەنانەت لایەکەی دیکەی تەختی نوستنەکەش تێک نەچوە .

لەم ماڵە گەورەیەدا ئەم هەموو ژوری نوستنە هەیە بۆچی دەبێ من و ئەو لەهەمان ژوری نوستن بمێنینەوە .

کاتێک گەڕاینەوە ماڵەوە من پێم وابوو وەک مانگی هەنگوینیەکە لە ژوری جیادا دەخەوین بەڵام ئەوەی سەری سوڕمانم ئەوەبوو کەوا پێی وتم دەبێ لەهەمان ژوردا بمێنینەوە .

چومە گەرماو.

یەکەم شت کەبینیم لەگەرماو جلەکانی ئیان بوو لەناو سەلەی جلە پیسەکان کە دوێنی لەبەری کردبوو بۆ کار .

نازانم هۆکاری ئەم کارانەی ئەوەیە کە نایەوێ من ببینێت یان ئەترسێ لەوەی ئەگەر ڕوبەڕووم بێتەوە گفتوگۆیەک ڕوبدات .

هەرچۆنێک بێت ددانم شوشت و گەرماوێکی خێرام کرد و چومە نێو ژوری خۆگۆڕینەکەوە .

جلەکانم دەرهێنا وە هەرووەها قژم وشکەوە کرد .

کاتێک ئامێری قژ وشکردنەوەکەم گەڕاندەوە جێی خۆی چاوم بە فایلێکی زەرد کەوت لەسەر چەکمەجەکان .

هەڵمگرت و سەیرم کرد پێموایە ڕێکەوتن نامە یاخودد شتێکی لەو بابەتەیە .

زۆر گرینگیم پێنەدا .

لەوانەیە ئیان لەکاتی خۆگۆرێن لەوێ داینابێت بەڵام دواتر لەبیری چوبێت بیبات لەگەڵ خۆیدا .

تەنورەیەکی ڕەش کەتا کەمێک سەروو ئەژنۆم درێژ دەبۆوە لەگەڵ تیشێرتێکی ڕەشم لەبەر کردوو چاکەتێکی کرێمی لەسەر لەبەر کرد و هەروەها قژم چاکک کرد .

پێڵاوەکانم لەپێ کرد و فایلەکەم کردە نێو جانتاکەمەوە .

ئەمڕۆ دەچم بۆ ئۆفیسەکەی ئیان .

دەبێ قسەی لەگەڵدا بکەم .

هەروەها دەتوانم فایلەکەشی بۆ ببەم .

لەبەر ئەوەی زۆر باش دەزانم ئەگەر ئەو لەم کردار و خۆ دزینەوانە بەردەوامبێت هەم من مێشکم لەدەست دەدەم و هەمیش ئەو تەندروستی تێک دەچێت ، ئەوەنە خەریکی کاربێت و شەوان درەنگ بخەوێت پێش ئەوەی شەویش کۆتای بێت لەخەو هەڵبسێت .