تهان وبأي شريعٌ يسل حقها .
أبلاسلام تحتكم ؟؟؟؟
الاسلام يقول : ما اهانهن الا لئيم وما اكرمهن الاكريم ...
ابلعرف تحتكم :
والعرف يقول : هيه الام والزوجه والاخت والبنت وهيه اصل هذا الحياه حملتك ضعفاً وهيه ضعيف
رُب سائل يسال من هيه المرأه :
المرأه خلقت ساعيه ومهمتها اساس التربيه تربيه العقيده
لذلك وصفها الله في سورة يوسف بلشمس مصدر العقيده والاب بلقمر مصدر انعكاس
ليس لي مهمه ان اختار تربية ابني
انا مهمتي ان اختار المرأة الصالحه
التي تربي ابني
المرأه العامله الكادحه التي تحفظ الامانه
فما صلح بيت الا في امراه صالحه وما فسد بيت الا في امرا فاسده وان كان رب البيت نبي
فلمراه هيه القياده انا لم أؤمر بسترها انما امرت بغض البصر اما سترها فهي مسؤلة عنه ...
وحينما قال الله الرجال قوامون على النساء في هذا الايه .يقصد السعاة على القواعد ولم يقصد ذكرا ام انثى وانما من رجل فله القوامه ومن قعد فهو نسه . لذلك فأن الله خلق الانسان بشعوب وقبائل معينه والوان كثيره منهم الابيض والاسود والاسمر والحنطاوي والاحمر . شنووو ؟؟؟
اي الاحمر . مثل لوني بلضبط رموشي حمره وحواجبي حمر وشعري احمر . شلون صار محد يدري بس يكولون بيبيت امي هيجي .اني ليله ( ليلى ) مواليد ١٩٦٥ اول يوم ولادتي ابوي شافني طار من الفرح .
جنت عباره عن قطعه ثلج خلتني امي كدام ابويه واخوتي الي اكبر مني كولها داير مدايري .
ابويه : ام تحسين بعد ما اقبل تحبلين بطفل غير ليله هاهيه من وراها اكتفيت .
ام تحسين : بعد امها ولادتها شكد صعبه موتتني ...
بويه والله تستاهل اصلا هاي ما انطيها اله بمهر ١٠ نوك .
اي مو هيه كاضيه النسوان وينطونك ١٠ نوك دشوفها كول ياهو الياخذها وجهها متروس نمش ....
تعرفين هاي عليمن طالعه هيج ....
عليمن ...
عليه انه جنت هيج اشكراني.
شو دسكت بلا لا تضحك العالم عليك شنو اشكراني البت برصه هاي طالعه على بيبيتي امي مره حجي مكصد هيج جانت الله يرحمها ....
يا مره حجي مكصد انتي . اكلج كفيلج العباس امي تكول عمرك ٥ سنوات ويكولن عن النسوان بنيه .
اكلك اشو انت مصدك روحك عبالك شنو منو.
دجيبيها واسكتي . تعاي يبويه . افيييش يا رسحتة الترد الروح . اله اخلي ليله ينضرب بيها المثل . اله اخليها تكمل علامها وبعكالي اوديها اللندن حته تصير دختوره ...
دجيبيها واسكتي . تعاي يبويه . افيييش يا رسحتة الترد الروح . اله اخلي ليله ينضرب بيها المثل . اله اخليها تكمل علامها وبعكالي اوديها اللندن حته تصير دختوره ...
وانت سالم يبو تحسين الله لا يحرمها منك ....
ولا يحرمني منج يم تحسين اصيله وبت اجاويد .
هههههه جا غير انه بت عمك وهلبت هاي اكو مثلي ...
لا والله حرام ..
.
.
هاي سولفتلكم عن يوم ولادتي هسه اسولفلكم عن حياة اهلي بأختصار
امي اسمها ( بشوشه ) . وابويه اسمه ( عبد الغني )
ابوي وامي ثنينهم ساده ياسريه ( ال ياسر ) ( الياسري )
يرجع نسب السادة آل ياسر بالامام السجاد عليه السلام عن طريق زيد الشهيد بن الامام السجاد ,
من اصول سكنة النجف الاشرف . وبعدين انتقلو لطوريج .
اهلي ناس طيبين يشورون كولت الي يكولون عدهم بخت . ميأذون احد نهائياااااا ...
ابويه واخوتي واهلي كولهم يخافون من الحكومه وما الهم اي دخل بلحكومه . ناس بسطاء اذا كالت الحكومه حرب يحاربون اذا كالت سلم يسكتون اذا كالو الزياره ممنوعه ميرحون . اي كتاب ديني ما عدنه نهائياااا بس القران وبسسس. وحته القران عدنه واحد بلبيت كوله .
اي نقاش ديني او سياسي او ابداء للرأي ممنوع وهاي تعاليم السيد الوالد والعلويه امي
جان ابويه مغرم بقصه خطوبته من امي وين ما يروح يسولفها .
الرجال الوحيد الي شفته ما يخجل يذكر حب امي حته كدام الزلم هو ابويه .
عندي من الاخوه ثنين واحد تحسين والثاني ايمن .
.
.
ومن البنات زينب وحميده واني ليله .
.
.
.
.
كولهم اكبر مني يعني اني بزر الكعده
.
.
.
حميده وزينب متزوجات
.
.
.
واني اجيت هيج علة كوله امي الله كاتبلي عيشه وما لكه غير رحم امي الله ذبني بي.
.
.
.
حميده ماخذه ابن عمي ماجد وعدها ٤ ولد وكولهم اكبر مني . .
.
.
.
.
اما زينب متزوجه ابن عمي بطوريج عدها بس ولد واحد بجرها وحطت ورا ٤ بنات . وعمتهت شاده وياها تريد تزوج ابنها لان عدها بس ولد واحد فصايره اختي مكينه تفريخ . بناتها كلش احبهن تقربا كولهن بنفس عمري . بس ولا واحد منهم يحترمني ومحد يصيحلي خاله كلها تصيحلي ليله هههههه .
.
.
اخواتي تزوجن لان حلوات معانيهن يخبلن وبيهن رنين تشبهني بت زينب . بس عيونها ماملونه .
.
.
.
.
تحسين اخويه متزوج بت عمي علويه زهراء حبابه كلش بس ما عدها خلفه لحد الان .
.
.
ايمن يردوله اخت زهراء اسمها فضه وامي رافضه خاف تطلع مثل اختها ما تحبل .
فخطبتله بت عمي حماة زينب اختي . وهاي فكره العلويه ( بشوشه) حته تضل امها خايفه على بتها عدنه وابنها ميتزوج على اختي اما في حال رجل زينب تزوج على اختي الي ا
