اخو محاسن اسمه * قيصر *
عينه عليه طووووول ما احنه موجودين ابيت جدي وهذا الي خلاني متوتره وهو يركض ورايه وين ما اروح مثل البطريق يمشي خبلني .
وحسيت اكو تلميحات لامي وهمه مثل الي مقابله كودن تشوفه مو موالم اليه وحسيب حجايتها : شو مدري شلون يمشي . من يمشي يكمز ما احس بي رجوله . عكس احمد ( زوج زينب اختي ) بعد عمري يخبل هيبه ....
هههه اي يمه غير هذا النسيب .
ها شنو انتي عاجبج قيصر ....
يمه شعاجبني غير جنه قنينه مال اوكسجين ....
هههههههه عمت دارج ....
يمه والله مو طبيعي . مدري شبي . وعموما اني ما اريده ما افكر بس بدراستي .
.
خلص زواج ايمن وامي عزمت جوارينه لان الحفله بعيده وميكدرو يجيبون الجوارين من بغداد لطويريج .
واجو بيها جوارينه ومن ضمنهم بيت ام لواء وبت اختها جيهان * الي فيما بعد عرفناها خطيبة لواء *
احنه جنه قليلي الاختلاط بلجوارين فمنعرف شكد عددهم ابد حد ومحدود علة هلطبات من سنوات هواي .
ام لواء مشايفه شعري اله لمن جنت صغيره وناسيه شعري هسه حاليا وطوله فمن شافتني وتعجبت بشعري وسألتني : انتي عليمن طالعه ؟؟؟؟!!!
على بيبيتي ام امي ....
يخبلن عيونج ولون شعرج هم .....
شكرا خاله ....
.
وبعدت ايام تبدي المدرسه والثاني متوسط . رحت جهزت نفسي من فلوسي واشتريت حاجاتي من اقلام ودفاتر وقرطاسيه ولاطلس وهلمره ناويه اجيب القاموس للتعليم الانكليزي حته اقوي روحي .
وداوت اول يوم بلثاني متوسط وعادة حليمه لعادتها القديمه ورجعنه حاسر وما ادراك ما جاسر .
صار يوميه جاسر متعرضلي بشكل وحده من الايام لفت من غير فرع حته لا يشوفني ورحت اركض واشوفهم منتظريني هو وربعه براس الشارع مالتنه دكيت الباب بدون ميشوفوني . وطبيت . وضل كلبي اريد اشو شسوون . صعدت فوك السطح بحجه اقره فوك . ورحت اباوع من المحجر مال البيتونه ماده راسي بس اشوف شيصير وهمه مترقبيني ومنتظر وجماعته هم منتظرين واني ضاله انتظر اريد اشوف شيسوون . لحد ما صار الغروب وهو على نفس الوكفه تالي راحو من الفرع ثنين من جماعته وهو وياهم وثنين ضلو واكفين . عفتهم ونزلت بعد ما شفت شصار وهمه منتظريني واني سؤال ابالي شعنده هذا وياي ؟؟؟
ثاني يوم صادف بيها جمعه وراها السبت داومنه بلرجعه لكيته نفس الوضعيه بس هو سالني : شلون رجعتي الخميس ؟؟؟
معليك انت ....
جاوبيني رحت وراج للمدرسه ويامن رجعتي ....
وخر منا لتعترضلي بعد تره اكل لامك اخليها تقوتلك ( عيبت على حجي ابو )
هو افتهم طريقتي بلحجي : اله اخلي ابويه يقوتلج ويفنيكم من الوجود ...
اني خفت : لا عفيه لا اني اسفه ...
اذا مخليت ابويه يسحلكم للسجن هسه شوفي ...
لااا الله يخليك لتكوله الله يخلك . ضليت ابجي وشهكاتي علت حسيته خاف لا واحد يلكفه : روحي يلا واني اعلمج .
طررررت لامي . يمممممه تعاي راح يسجنوننننننه .
ششكو شكو ولج ....
يمه بروح امج روحي لبيت ام لواء وخل احاجيها عيبت على ابنها وكال اله اخلي ابويه سيجنكم ....
صخام صخكمج سحلتني من شعري . تعاي امشي وياي . لبست جواريبها واخذتني دكت الباب .
فتح الباب لواء ....
تفضلي حجيه ...
يمه صيحلي امك بلا زحمه . طبينه بعتبه الباب وهو راح صاح لامه . واجتي *سوزان *
تفضلي ام تحسين ....
لا خيه بس اني ردت اكلج بتي معيبه على ابنكم وابنج كايل الها نذبكم بلسجن وهيه تدرين بيها هو والله ما عايفها من دمومه يصيح الها البرصه ...
منو هذا !! جاسر هيج كايل ؟؟؟
التفتت اليه وشافت عيوني حمر وخدودي مبينات مضروبه .
ام تحسين ليش هيج ضاربتها على هاشي التافهه . هو شنو بكيفه جاسر اني اعلمه الج اذا ما ملصت اذانه اليوم واللهي يا ام تحسين هذا الولد شلع كلبي وكلب ابو .
امي بوكتها دمعتها بعينها متكدر ترجع . لمن تطمئن يلا ترجع .
تفضلي ام تحسين ليش واكفه بلباب . ابو لواء على جيه .
امي طبت جوه واجتي بت اختها اسمها جيهان . وكالتلها : باعي هذا جاسر شمسوي . مهدد هلطفله هاي . وسولفتلها القصه .
بت اختها كالت *جيهان* : لا خاله ما يسويها يتشاقه تره جاسر شقاوجي بس قابل هو صغير .
امي كالتلها : لا اني بنتي راح ابطلها من المدرسه . وهاهيه حته نخلص .
ام لواء : ام تحسسسن صددددوووك تكسسسرين مسستقبل الطفلههه على حساب حجااايه . دخل يجي ابو لواء واني اعرف شلون يتصرف وياااا . واللهي هذا مدلل اني اعلمه .
ترخصت منهم امي بس طلعت مكسوره الخاطر . صارت بطلعتنه جيت ابو لواء امي دارت وجهه وطلعت للشارع وشافت جاسر . بعد متحملت : ليش هيج خاله ليش مباوي بنيتي شلك شغل بيها ...
خاله تقلد على حجي ابويه تكلي اله اخلي يقوتلك ...
التفتت اليه امي بخزره قويه معناتها اليوم اموووتج . وكالتله يلا حته هيه ترتاح وانت هم نشيل من هلمنطقه ونخلص .
هو ضل صافن ويبلع ريكه واني حسيت ركبته كامت تتحرك بيها تفاحة ادم تصعد وتنزل .وحواجبه انطبكن .
سحلتني امي سحل للبيت وطببتني بعدني بلطارمه نزعت
