يت . دموعي يصبن .
ماما كلي لبابا خل نشيل ونخلص والله خلص كلبي راح اطككككك ...شبيج ولج شبيج .
يوم الله يخليج والله راح يسوي بيه حاله نفسيه هلولد هذا مروتج ....
لبست امي عباتها وراحت الهم واشتكت لامه . ورجعت كالت : هسه حتكل لابو يتصرف وياااا
شيصرف هاي صار كم مره يعني شلون ...
شسويلج ما يعجبج بطلي . والله اكل لابوج نشيل ونخلص .
الساعه ب ٨ بلليل والدنيا الشته وبرد يدك بلضلوع برد الشهر الواحد ولا صوبه ولا كهرباء كاعدين ع الصوبه النفطيه . بس خوف كلوبنه الي مثلج اجسامنه ومخلينه عباره عن جثث مجمده .
اندك الباب قوي .
كام تحسين وامي تركض وراه وتكول * وجعلنا من بين ايديهم سدا ومن خلفهم سدا فأغشيناهم فهم لا يبصرون *
وتردد ايه * صم بكم عم فهم لا يفقهون *دخل ابو لواء بملابس مهيوبه وكام ابويه بلسلام الحار وكأنما طابله الملك فيصل بذاته .
اني وامي واخواتي اذاناتنه وره الباب ومنتظرين تحسين وايمن يطلعون حته نستغسر من عدهم .
بس صوت ابو لواء الجهوري الي تارس الاستقبال مالتنه ويحجي بلهجه على ما اعتقد بدو ويكول : يا اب تحسين انت ملك شغل . البيك بس كولي والله لاقتلو كدامك وافني من علوجه هلارض الحاملتو ...
بصوت ناصي : يمه يمه ...
اشرتلي بأيدها غمتني : وقز القرط . شتردين ...
هذا شيكول منو يقتل منو ...
بصوت ناصي : ابنه يقتل ابنه .
ههههه خوش كلاوجي ....
انفتحت الباب واطافرنه من الباب . تحسين وايمن وابويه طبو يصبون عرك وسألناهم كولنه فرد صوت : شبيكم اشو تصبون عرك .
وجاوبونه كولهم فرد صوت : شعدجن تصنتن متستحن .
ابويه : الرجال اجه يعتذر . واحنه مكبرين القصه .
تحسين ( ودافع صدره ) : قابل شيسولنه شنو ماكو قانون ...
ايمن : هههههه همه القانون اكلك بويه هذا الرجال مو بغدادي مو ....ابويه : اضن من الرمادي ..
تحسين : اضن كالو من تكريت ، .
ايمن : اشو ناس تكول من الانبار ...
امي بعيطه : لا سيد ياسري من بيت رسول الله ( تحجي بأستهزاء عليهم ) هسه شنو التهيتو بحسبع ونسبه وما كلتو شكال ؟؟؟؟
ابويه : علويه مكال شي بس كال اذا يأذيكم اكسر راسه كسر واقتله واذبحه واصلخه .،.
اي خوش . خيردون ابنهم ....
امي : واذا هيج كاتل روحه عليش جاينه بهذولي الملابس جنه يريد يطب مداهمه .
شو سدن الموضوع بلا وانتي بويه بعد ما لج شغل بي لتخليني ازعل وياج وابطلج ...
اشو ياهو الاحاجي يكلي ابطلج صلو على محمد هو اني شمسويه .
مسويه ممسويه لو يحجي منا لباجر الصبح مالج شغل بي .
صار بويه تأمر امر ...
.
ليلى : حسيت شويه وراح غبار الخوف عني وعن اهلي ونضرات امي الي تتوعدني انو تبطلني اذا شافني مره ثانيه ..
.
.
.انتقلت للثاني متوسط .واني بأيام العطل اشكال اشتغلت يوميه امي تعلمني ع الحياكه يوم ع الطبخ يوم ع الخبز يوم ع العجن وايدي بأيدها وهيه شتكلي اني اسوي ابها حته اضيع وقتي .
والي شد فكري شغله الشبج . شبج للصيد جانو هواي يشتغلوها ويتحاج الها فنان بلشغل كون نسوي فتحاتهن على كد الاصبع الصغير يعني كون كلش صغيره والي تسوي اصغر يكون افضل . واني ذبيت روحي عليها كمت اشتغل بيها وصرت فنانه بيها . وكامت امي تسوي سلف وتشتريلي بيهن ذهب خلال ٣ ايام اسوي شبجه كلش جبيره وابويه ياحذها ويبيعها .
قبل ايام عن بدايه السنه الدراسيه للثاني متوسط تزوح اخويه ايمن تزوج حماة زينب اختي . وهذا الي خلانه سافرنه لطوريج مده يومين وفرحانين كاش عشنه هناك احواء تخبل . واني المميزه بيهن بذهبي النازك الي اشتريته كله بهاي السنه من فلوسي وملابسي الانيقه والمرتبه الي تختلف عنهن جميعا .
وامي هم جانت جايبه لخواتي وجهالهن واحد واحد ملابس مناسيه بيهم حته الي بلكماط وبلاخص زينب . امي جانت كلش تعتني بيها هواي لان خلفتها بنات وعدها بس واحد .
حته متحسس عمتها انو هيه مقهوره او تحسر ع طفل ولد ثاني فداةما تكول الها البسي والي يحاحيج كليله القاضي راضي .
وزينب اطبق نصائح علويه بشوشه بلتفصيل . عكس حميده الي مكيفه عليها ومتخاف عليها لان ولدها كبار وكولهم على كلب امهم وحته رجلها هم على كلب حميده ..
....... احداث العرس .....بعد ما وصلنه من بغداد تلكونه بيت جدي وصرنه عدهم .
التقينه كل احنه بكعدت البنات وكلهن ابدن اعجابهن بيه خاصتا جمالي الي زايد هلايام واناقتي . وطبعا هلشي خلاني فوك النخل .
زوجه ايمن اسمها محاسن .
محاسن اسم على مسمى . علويه بت عمي تصير اخت احمد زوج زينب الي هو هم ابن عمي ههههه
حبابه كلش بس امها مسمومه . بس مع هذا ما كدرت ترفض قسمه الها زينه لبتها مثل ايمن . لان ايمن معروف بلعائله افضل الاحفاد هو وتحسين الوحيدين الي خلصو دراسه ويشتغلون وهاي جانت افضل مواصفات الرجل بلعشيره . يعني يكدر يفتح بيت بدون مساعده السيد الوالد .فهذا جان محط انظار الجميع . وبما انو تحسين طلع شغل على كتر . فمن المرجح ايمن هم يستقل بشغله وهذا الي يخلي المصرف يكثر فتلعب بي لعب الزوجه .
طبعا