كلام كتبته ماله بداية ولا نهاية واختصر شي بسيط لگل شخص ضد الثورة ضد الحرية لطعن وسب شهداء وسماها جوكرية ولاننا عراقيين لو نحجي للسنة مانختصر گل مرينا بي "'!
اذكر كل شخص كال ذوله بطرانين وجوكرية ولد سفارة
تتذكر بايام طائفية اذا طلع واحد من اهلك تخلي ايدك ع كلبك تخاف اخر مرة تشوفه او بعد يختفي وماتعرف وين جثته
تتذكر من كل يوم انفجار تتذكر من فقدت عزيز او شفت شباب واطفال ونساء انكتلوا وماتنعرف جثثهم
اذكرك بكل يوم نسمع خطابات وكره وتحريض وقتل ونخاف لا نطلع ويصكونا ع هوية ويگتلونا
تذكر من جنه نطلع ونريد تغير حكومي لان ملينا شيسوون بينا وكم مرة وعدونا
تعرف شباب حشد وسبايكر فقدناهم بسبب حكومة والاحزاب ودمهم بركبتهم
تدري نحن ببلد مابي امان وسلام وابسط حقوق مواطن معندنا تعرف نحن بسنة 2020 وبعدنا نريد مي وكهرباء
تدري العراق بلد حضارات متقدم بكلشي والاول جان صار من اسوء بلدان بالتعليم والصحة '" اذكرك من. يتخربط واحد منكم ترحون للمستشفيات وزين اذا استقبلوكم ويعاملوك معاملة كانك عار
تدري نحن ندرس مناهج صعبة ومعقدة وكل تعب وسهر نتعبه تالي مايعترف بشهادتنا بينما تلگه واحد مامخلص شهادة ابتدائية معنده وهو ضابط ومسؤؤل بينما مهندس صيدلي محامي كل شهادتهم مامعترف بيها وظل تتوسل وتبوس الايدي يله يعينوك او بواسطة واذا كلش انسدت بوجهك صير عامل وتكعد من صبح بالبرد وحر ومحد يحترمك ويتامر عليك واحد وميحترم شهادتك وتعبك
اذكرك من اتفقت حكومة ودخلت داعش وراحت شباب من عندنا وكل يوم نشوف واحد بعمر وردة يكطعون راسه ونحن كلوبنا محتركة ابكع حكومة دتبوك ومرتاحة وهي تزرع طائفية وحقد بينا باسم الدين
تدري فلوس عندنا ونفط جان كل واحد بينا عنده بيت وسيارة وظيفة محترمة ومجان ولا فقير عندنا بس فلوسنا وخيراتنا تروح للدول جوار وحكومة فاسدة '" ونحن مانحصل غير حروب وقتل
سؤال وانت دتسقط بشهيد وتسبه تدري هالشهيد ضحى بروحه وعمره وشبابه لاجل بالمستقبل ابنك ماينذل ويبوس الايدي ومحد يعترف بشهادته ضحى بروحه لاجل تعيش بعراق نظيف وامن وحلو ومحترم. ضحى بروحه حتى من تكون مظلوم ينوخذ حقك مو بكن رشوة من فاسد وظالم ينوكل حقك وتموت ظلم. ضحى مستقبله لاجل مستقبلك ومستقبل اولادك واحفادك لتمسي جوكري انطى اغلى مايملك علمود عراقه ليحبه "' اذكرك بشي. هالثورة صارت مو لان هم طالعين بطرانين وعايشين بعراق وردي ومتوفر الهم ابسط حقوق انسان طلعوا لاجل يردون كرامة العراق طلعوا لاجل حرية وكرامة ماتوا بشرف وغيرة وماعاشوا بذل وعبد شباب تشرين الاحرار وحيدين من حقهم يبجون ع الامام حسين ويصيحون هيهات من الذلة لان مارضوا يعيشون بالذل تدري العراق من افضل بلدان جانت بالاقتصاد زراعة وتعليم وصحة بس بسبب سميهم تاج راسك دمروا وسوا اسوء بلد اخذوا حقك كتلوا احبابك وساهموا وحرضوا ومن قررنا نثور بوجه طغاة ومانرضي بالذل وعبودية كتلونا وقمعونا وسقطوا بينا ليش لان رعبناهم وبينا الهم لعباتهم خلصت وتجارتهم بالدين انتهت بس انت سويت طعنت بولد بلدك سقطت بيهم ماهمك ولا هزك رؤؤس شباب طشرت لا همك تاير يحترك واشاعات واكاذيب وصور مفبركة من قبل الاحزاب وذيوله حتى ينهون الثورة وانت صدكت ونسيت كل شباب ضحت وانطت عمرها لاجلك. اريد تسأل روحك بكل للحظة تطعن ثوار وتكول بطرانين. ليش بطرانين وجوكرين ياترا لان رادو وطن لان رادو كهرباء لان رادو مي لان رادو كرامة وحرية. وحقوقهم مسلوبة. انت مقتنع بالوضع عايش بي بعد تتحمل تفقد عزيز تتحمل يجيبون ابنك بنتك لتحبهم بالتابوت تتحمل بعد كل يوم يروح حقك وتعبك للحكومة فاسدة تذب كل فلوسنا ع ملاهي ودول تاخذ فلوسنا وتكتل ولدنا بفلوسنا تتحمل بعد انفجارات قتل خطف تدري انت ببلد ممكن تموت باي لحظة وتنخطف وماكو قانون ياخذ حقك وقاتل يسرح ويمرح انت ببلد ممكن ينهدر دمك ع ايد جاهل وذيل كل تعبك ودراستك تتعبها راح تروح ببلاش ويستفاد منها ذيل جنت تعبده وتقدسه وينرفع ويصير ضابط ممكن ومن تريد امان من ناس مفروض يحموك راح يكونون هم خوفك وعدم امانك انت ببلد ينوكل حقك وتعبك ويروح للناس ظالمة وحرامية تدري انت بلد واشخاص تقدسهم وتعبدهم وتطعن بولد بلدك لاجلهم هم ميعرفوك منو انت اصلا مايهمهم اذا متت او عشت مجرد ورقة يتاجرون بيك وتوقع تموت بيدهم باي لحظة وسفة تاكل من خيرات بلدك وتطعن بيهم وتطبل للدولة متهمها منو انت وسفة سقط بشباب بلدك تحملوا برد وحر وجوع وطلق وقنابل وضحوا بمستقبلهم لاجلك ولاجل تعيش حر. علمود لا يكون كل همك تهاجر من العراق وتروح بلد لا تتوقع يحترموك ويلمك مثل بلدك هم ضحوا وراح يظلون يضحون لاجلك بس انت سويت ""!!؟
.
.
#ابن_ثنوة_مايموت
