جبروت حبك

24

جـبروتُ حبـكِ
الكاتبة mareimkazm
الجزء الرابع وعشرون
******************

طلع الممرض وهو صار يرزل بيه
وإني ساكته وأحس بدوخه

سكت وكال بخوف...شبيج حبي
همست...دايخه
...هاي لأن اتبرعتي راح أجيب شي تأكلي
راح شويه وإجه جايب عصير وكيكه أكلت وشويه صرت أحسن شفت ورده تبچي رحت يمه
...شبيج حبيبتي
...اريد ماما
...هسه تجي حبيبتي
كلت الـ أركان روح جيب سما وإني أبقئ اهنأ لأن حسن اخو أركان ب الدوام فـ محد يكدر يجيبه كوه سكتت ورده ع ما أجت سما أركان كال تعالي اوديج البيت لأن شكلج تعبانه رحت ونمت جفي من التعب
،ثاني يوم طلعت ورده من المستشفئ وصار البيت خبصه وهوسه ونرگض وما نلحك ع الخطار والطلبات
مشت الأيام عادي بلو بدت تمتحن

بس أركان اتغير ما أعرف أختلف كلياً عن قبل صار دائماً لآزم تلفونه ويجي تالي ألليل من اسئله لو يجاوب
عندي شغل لو أنتِ تضغطين عليه ويتعارك ويطلع بره
البيت وما يجي غير ثاني يوم بالليل، كلت جوز صدك دا أضغط عليه فـ صرت ما اسئله بس الصار كامت تكثر
طلعاته ما يقلن وإني ملتزمه الصمت وعلاقتنه نعدمت
بـ الفراش أصبر والله كريم

اليوم بلو خلصت امتحاناته فـ كلت أروح أشوفه
و أشوفه شنو تجهيزات العرس طلبت من أركان
وقبل أروح واستغربت ما كال شي ع لبسي ولا علق
رحت البيت شفت بس ماما موجوده

سئلت وين بلو كالت راحت ويه خطيبه ومبين ما عاجبه
...شبيج ماما غير هو خطيبه
...والله ما أكدر انسئ هو كأن زوج بنتي الثانيه
خوفي لا أكو علاقه بينهم
ضحكت..ماما صدك تحجين بلو تسوي هيج شنو علاقه
...قصدي حب لأن معقوله أختج تزوج شخص ما تحبه
...أي أني هم انصدمت لأن بلو عنده الحب مهم
بقهر...اخخخ بس لاا قبل لا تموت اختج هاي تحبه
...لا مو الهاي الدرجه هي كأنت تحب مازن رغم بينت
ما مهتمه من فصخت الخطوبة بس حسيت ذبلت
...ما أدري بهاي أختج شنو تفكر لأن ما تستشير شخص ولا تسمع الكلام أحد وما تعرف بشنو تفكر
...ههه هي غامضة

بقيت احجي ويا ماما ويلو ما بينت لحد ما أجه بابا
كلت إله يرجعني البيت لأن سما يم أهله

رجعت البيت الدنيه مغرب تقريباً
دخلت المطبخ ما كو أحد بس هوسه
كلت أبدل وأعزله وأحضر العشئ

شفت جهال صفا شنو عندهم هنا
ومنو جابهم رحت الاستقبال شفت خالت أركان
وأمه سلمت عليه وهي تضحك وعمتي هم
شبيهن ذني ترخصت أروح أبدل

أركان حاصر صفا ويبوس بيه
فتحت عيوني مصدومه والنفس ضاك عليه

انتبهو الـ وجودي وباوع عليه
رجفت شفتي وكوه نطقت ؛
...شـ نننوووو دا يصصصيرر
جاوبت صفا بصلافه...شنو مثلاً زوجين ويتباوسون
تنفست بقوه ..هاا شنو تتككول اااركان

أركان...اي...سكت وباوع عليه لزم أيده وأبتسم وكمل كلامه...أي زوجتي عاجبج ما عاجبج الباب تندلي