... .. الحلقة (7)
من #رواية
#عروس_طرابلس
#كاتبة #أميرة_سليمان
ولاء... سمعت صوت امها فتحت الباب جت اضم فيها و تبكي..
أم ولاء...تف عليك يا قليلة الادب...
يحي...اجمد في مكانه.
أم ولاء... شدت ولاء من شعرها دخلتها للدار...
يحي... ممكن نفهم شن فيه عمتي....
أم ولاء.... اطلع يحي مشكلة بين الأم و بناتها...
ولاء... في حالة صدمة...
أم ولاء...دفت يحي صكرت على ولاء...
ولاء.... بدمعات خيرك يمه شن فيه... شن اهبلتي...
أم ولاء.... طلعت من الكيسه الجهاز...
ولاء... شهقت شهقه مجنونه....
يحي... يتسنط على الباب...
أم ولاء... كل شي الا هذا شن قصته هذا...
ولاء...بي صوت خفيف... يمه تبيه ايطلقني علاش جايبتيه أهنا...
أم ولاء... ياريت ايطلقك..
ولاء... اس اس يمه...يسمع فينا...
أم ولاء.... شدت ولاء من وذنها...
ولاء... 😭😭😭😭 يمه حولي شن جاك با الله عليك ما اتزيدها عليه...
أم ولاء... شن هذا يا فرخه...
ولاء... توا انفهمك قصته في حوشنا....
أم ولاء... تشرحلي في الماسنجر يا تافهه...
ولاء.... أبدت ترعش من خوف...
أم ولاء... حطت الجهاز في الكيسه فتحت الباب بتطلع..
يحي... بعصبية مجنونه... عمتي شن فيه...
أم ولاء... التزمت الصمت كيف بتطلع من الباب...
يحي... عيط عيطه مجنونه...
أم ولاء... رعشت من العيطه طاحت الكيس اطلع منها الجهاز..
يحي... انصدم بجهاز الحمل...
ولاء.... شدت قلبها من الخوف...
يحي... هذا شني هذا مش جهاز كشف الحمل شن ايدير عندك فهميني...
أم ولاء.... اتفنص في ولاء..
ولاء... يحي طلقني الماضي أغلبنا...
يحي.... دقيقة بس... فهموني....
أم ولاء.. اناااا يا نسيبي لي جاي بنضم دار بنتي و ألقيت هذا في درج امتاعها ايه اهو نقولك بنتي معاش فيه منها امل يا ابعتها ليه يا اتحمل شن ايجيك....
ولاء... مصدومه من قلبت امها عليها...
يحي.... عمتي بنتك طلعت عفيفه باهي هذا جهاز شن قصته...
ولاء... امشت لدار نوم تلبس في عبايتها بتروح مع امها..
يحي... ولاء مافيش طلوع من أهنا الا لما تقوليلي قصته... ولاء...ماليش راح انقول و اقعد فيها طلقني أو دير رأيك انا هاذي هي ولاء...
_________________________
ولاء... يا سيد يحي هذا شريته لي صاحبتي زانيه لي كنت انتبع فيه لما شكت عندها حمل با الأسف دارت تحليل في حوشنا و طلعت حامل َ اقعد جهاز املوح في الدرج تسلمي يا ماما اعرفتي شن قصته توا و اخربتي حوشي...
يحي.. اس يا بنت اتحشمي اتكلمي في امك راهو..
ولاء... بدمعات حارقة و الله ما توقعتك هكي ناقمه عليه يا ماما يا ناس و الله كنت انكلم في اولاد ايه لاكن و اللهي ما صار لي في بالكم بدليل اني اطلعت بنت.....
أم ولاء... طلعت من الحوش هي ملتزمت الصمت...
يحي... قعمز على صالون...
َولاء....فتحت الباب لحقت امها... يمه شن جاك خيرك انقلبتي عليه...
أم ولاء... اكرهتك ايه تعرفي علاش كل ديما على اعصابي بسببك كل اليوم اتجيني مصيبة من تحت رأسك تعرفي انتي شن انتي ذريه مش صالحه نهائي لي الأسف كان شاده عليك و نكسر في عظامك كان ما صولتيش لي أهنا لاكن انا ساهمت..
ولاء... واقفه فاتحه فمها في كلام امها..
يحي...دخل ولاء للحوش و أهمس بي انا قررت خلاص....
ولاء.... ايه احسن حاجة طلقني و اتشوف بنت الحلال...
يحي.. اس يا بنت مش هكي بنقول....
ولاء... آمالا شن...
يحي.... توا تعرفي هاتي جواز امتاعك في ليل تعرفي...
ولاء.... شن بدير يحي...
يحي... خلاص معاش فيها يا ولاء..
ولاء...اعطت جوازها لي يحي..
يحي... اطلع من الحوش حكم يجري..
______________________________
مع حلول ليل.....بتحديد ساعة 2
رشيد... وضعه استقر شويه....
ولاء.... مقعمزه على اعصابها تستنى في يحي و تفكر في وضع رشيد في كلام امها... منهاره بكل......
يحي... خش للحوش بسرعة مجنونه...
ولاء... شن فيه شن مات 😮😮..
يحي.... وتي ملابسك في شنطه صغيره غدوا الفجر ماشين تميت كل شي اليوم..
ولاء... وين 😮
يحي.... بنهجوا من أهنا غدوا ساعة 6 لازم انكون في زوارة...
ولاء....ضمت يحي همست بي عبارات.. سامحني يا عمري قلبت كل حياتك...
يحي.... نبي بداية جديده لي كل حياتنا نبي انروح بي ولاء جديده من غاذي نبي انباعدوا على كل شي...
ولاء..... باهي سامحني حبي....
يحي.... خاطري انكسر منك معقولة واصله حته في رشيد..
ولاء... ايه لأنه صاحبك..
يحي.. 😮😮😮 شن اتقولي انتي...
ولاء... انشم في اخبارك منه كنت...
يحي.. خش لدار افتح الدولاب بي عصبيه مجنونه ابديه ايحط في ملابسه في الشنطه..
ولاء... مسك أيدى يحي...
يحي.... بعصبية قاتلة نحي كسرتك...
مع حلول أذان الفجر....
ولاء.... اتصلي و تبكي في صلاة...
يحي.. ناض مخلوع من النوم ابديه ايعيط بعبارات تي فاتنا الوقت خيرك ما نوضتنيش...
ولاء... نحسابه مازال 😭😭
يحي... تي نوضي بسرعة قريب يطلع القارب...
ولاء َ...لبست و اخدت شنطتها ركبت في السيارة...
يحي.. ولع السيارة و يجري في طريق زي المجانين.
صاحب المركب.... تي وين عطلت يحي....
يحي...انا كيف طالع من طرابلس 😭😭😭 فاتني الوقت..
صاحب المركب... احنا بنطلعوا توا و انت اطلع مع الأفارقة..
يحي.... صكر الخط لوح الهاتف...
ولاء.... تشبح لي عروس طرابلس و تودع فيها بدمعتها...
_____________________________💔
ولاء..... نزلت لي زوارة في حدود ساعة 8....
واحد من العاملين.... سامحنا خوي ساعة 2 في ليل بيطلع مركب الأفارقة استنى معاهم...
ولاء... قعمزت جنب الأفارقة تشبحلهم أبدت تبكي..
يحي... ايفنص فيها...
ولاء... بنظرات شفقه.. يحي انا خايفه 😌...
يحي... ما تخافيش انا معاك....
ولاء..... مع غروب الشمس زاد خوفها أكثر مع حلول الظلام دامس و اقتراب الموعد شدت ايدين يحي بي القوة....
يحي.. ركبها للمركب...
ولاء... مع انطلاق المركب اتصرخ بي واك عليا واك...
يحي... اسكتي يا بنت افضحتني....
الأفارقة... يضحكوا على ولاء....
ولاء...اوه عليا اوه يا يحي....
الأفارقة... انسوا خوفهم أبدوا يضحكوا بشدة على ولاء..
ولاء... مع ارتفاع الموجه.. ضمت يحي شادته من رقبته...
يحي... ايهدي فيها هو الأفارقة...
ولاء... أبدت اترجع....
يحي... ☹️💔 لولو انا معاك خيرك عاد
ولاء... بعد مرور ساعة من تواجدهم في عرض البحر...
يحي.. حي حي شوره بيغرق بينا..
ولاء.... اتصرخ واك علينا واك...
الافارقه... ايعيطوا....
المركب.... مائل...
ولاء... انقلبت طاحت في البحر....مش لابسه شي يحميها..
يحي....و الصدمة.... 💔💔💔😮😮😮
تابعوا الأحداث الأقوى في الحلقة 8 ليلا...
أنت تقرأ
عروس طرابلس ( روايات ليبية )
ActionMBC LIBYA 🇱🇾 تقدم هذه الرواية تجمع بين الحب و الشجاعه والتشويق 🔥 للكاتبة :- اميرة سليمان MBC LIBYA 🇱🇾 تتمنى لكم قراءة ممتعة
