... .. .. الحلقة (11)
من #رواية
#عروس_طرابلس
#كاتبة #أميرة_سليمان
ولاء.... في حلول شهر التوبه و الغفران في أول يوم من صيام انويت الصلاة بعد ما كانت قاطعتها من صف السادس...
في ساعات توبتها و بكاءها من ثل ذنوبها في كل سجده تدعي لي ربي يغفرلها.... فجأة 😲
زين..... ابديه ايصرخ ولاء يا ولاء زودي....
ولاء.... من رعشتها قطعت الصلاة تحساب حد مات....
أم يحي... برعشه مجنونه... تي شن فيه شن....
زين.... بي عيون يلمعوا و مشاعر الفرح.... يحي يمه بيطلقوه اليوم عفوا على خاطر شهر كريم...
ولاء... دموعها أبدوا ينزلوا من الفرحة...
أم يحي.... أبدت تزغرط في الجنان....
ولاء...تهمس بعبارات سبحانك ياربي سبحانك...و شكر و الحمد ليك...
زين... ركب أمه و ولاء و اتجهه لمكان الحبس...
ولاء... طريق كلها اتهز في رجلها و توتر ايزيد بي قوة...
زين.... درس قدام الحبس... بتفنيصه.. مافيش نزول راهو استنوا أهنا...
ولاء... فتحت الباب و نزلت..
زين... اسمعي انتي يا بنت أرجعي لي مكانك..
ولاء... ركبت للسيارة في حالة غضب...
زين... انزل بيشبح القصة...
ولاء... ياربي صبرني ياربي صبرني...
أم يحي....بي اسلوب استفزاز غير أن شاء الله تعرفي قيمته توا.....
ولاء.... مش في بالها كلام أم يحي.. َسرحانه في الروشن تستنى في طلعت يحي من الباب....
زين... اطلع الأول من الباب وجهه اصفر....
يحي... طالع معصب في وضع طالق لحيته و ضاعف...
أم يحي... شهقت في السيارة..
ولاء... فتحت الباب نزلت.....
يحي..... يشبح لي ولاء و ساكت...
ولاء... حمد الله على سلامتك يا غالي...
يحي... كح...
ولاء.... دمعتها نزلت...
يحي... و انتي فاش فالحة غير في دموع...
ولاء... خيرك ضاعف....
يحي... ضم أمه ما باش ايعدل على ولاء...
ولاء... جتها صدمه من ردت فعل يحي....
_______________________________________
يحي... طريق كلها ساكت...
أم يحي.... تصفق و تزغرط...
يزن... ايبيب ايعيط من الروشن...
ولاء.... اتحس بي الخوف ملتزمة الصمت...
يحي... أهمس بعبارات.. زين حطنا في حوشي...
زين... بوك يبي اشوفك يحي....
يحي... زين قوتلك حطني في حوشي ضروري...
أم يحي.... خليه براحته يا زين..
ولاء... حطت عيونها لوطه...
يحي...طريق كلها يتنفر...
والد يحي... في هذا الوقت يستنى في شوفت ولده قاعد على أعصابه....
زين.... في نفس الوقت هذا درس قدام حوش يحي...
يحي.... بتفنيصه انزلي هي....
ولاء... نزلت...
زين.... اخديه أمه و امشوا....
يحي... أرقى على الدرج يجري و خلى ولاء...
ولاء.... طلعت المفتاح من الشنطة فتحت الباب...
يحي.... قعمز على الصالون...
ولاء... بنظرات شفقة زعلان مني حبيبي 💔..
يحي.... بصرخة مجنونه اقلب الطاولة....
ولاء... يحي اهدى با الله عليك هدى روحك اهو بنأخد روحي بنمشي غير با الله اوخي أعصابك....
يحي..... اس اس مانبيش نسمع كلمه منك و لا من حد...
ولاء... قعمزت لوطه أبدت اتعيط...
يحي... اخديه التحفة لوحها على الحيط....
ولاء.... ناضت أبدت تتقرب من يحي تبي تهديه...
يحي... اخنق ولاء من ركبتها و ارفعها للدار...
ولاء....بنظرات شفقة... يحي شن بتقتلني..،؟!
يحي.... عيونه أبدو حمر...
ولاء.. يحي خيرك مش طبيعي...
يحي... تعرفي انا شن صارلي في الحبس انا انتهيت خلاص..
ولاء... شن صارلك ياروحي ياريته فيه لا فيك... كله مني طلقني خلاص....
يحي....اليوم بنخليك عروسة بي الدم...
ولاء.... طلعت تجري اخدت شنطتها من صالون.... طلعت الهاتف...
يحي... الحقها شد شعرها ابديه ايدف فيها...
ولاء.... هربت للحمام صكرت على روحها...
زين. الو نعم....
ولاء...بصرخة مجنونه لحقوني يحي بيقتلني....
زين... شن اتقولي انتي..
ولاء... تعاله بسرعة زين تعاله.....
زين... اطلع يجري هو بوه من الحوش....
ولاء.... يا ناس تعالولي يا ناس...
يحي.. قريب ايكسر باب الحمام...
ولاء... اتعيط...
يحي... صار بوك يبيك احلى عروسة في طرابلس...
ولاء.... طلقني يا ولد الناس طلقني نمشي في حالي...
يحي.... معاش فيه حسه..
ولاء.... معاش تسمع في صوت بكل... فتحت الباب 😲😲
ألقت يحي طايح....
زين... درس سيارته انزل يجري...
والد يحي... خش للحوش يجري....
ولاء.... زودلي اغمى عليه معاش يبي اينوض بكل....
زين... قام خوه هو بوه ركبوه للسيارة....
ولاء... ركبت معاش بعقلها بكل...
_________________________________
بعد مرور ساعة من لصار 💔....
الدكتور.... دمه ولدك مش نظيف من تحاليل باين عليه يأخد في حاجة جسمه و بطنه كلهم فيهم علامات أظافر ضغط امتاعه نازل عنده هبوط من قلت الاكل....
والد يحي....تي كيف ولد يأخد في حاجة...
الدكتور.. يتعاطى يا عمي نفسيته تعبانه باين عليه شن تبيه يعني كان في الحبس..
زين.... الله يا دنيا يا سبحان الله اخ وخلاص....
والد يحي.... شن الحل توا يا دكتور....
الدكتور... توا بنعطوه تغذيه و شويه فيتامين اما الباقي افهموا منه هو....
ولاء.... دموعها ينزلوا حاطه عيونها لوطه.
والد يحي... شن بنقول لي امك يا زين توا...
زين.. ما بعده يا بوي مسكين اوخي.....
ولاء... واقف في زاوية ترتعش.....
والد يحي.... احكلي شن صار...
ولاء...اخنقي بيقتلني غير أهربت..
زين... تكذبي...
ولاء... كان هذا علاش اتصلت بيك..
والد يحي.... هبلوه ولدي الله لا تربحهم أن شاء الله...
مع حلول أذان المغرب في الوقت هذا الناس اتصلي و تستعد لي الإفطار تستعد لي اول ليلة في رمضان كلهم ملتمين على السفره و العائلات متجمعة و الناس تتسارع للوصول للمنزل في هذا الوقت نفسه.....
أم ولاء.... مش قادرة تفطر من زعلها من بنتها...
ولاء... مكسور خاطرها...
يحي... ارفض ايروح مع أهله روحوا بيه لحوشه...
ولاء.... امشت معاه للحوش هي خايفه...
زين... رقد يحي على سرير... و امشي...
ولاء... بتروحوا يا زين...
زين... خليه يرتاح بنروح بي بوي بعدين نولي...
ولاء.....تمام
___________________________
ولاء.... في الوقت لي الناس اتصلي في التراويح مقعمزه تبكي تتحسر على أيامها...
يحي... ابديه اينادي فيها...
ولاء... جت تجري...
يحي... شد ايدين ولاء...
ولاء... خافت...
يحي... بهمسات متخافيش يا قلبي و انا اسف ما كنتيش واعي بكل....
ولاء... خوفتني يحي...
يحي... ضم ولاء...
ولاء... قولي شن هي الحاجة با الله عليك احكلي شن صاير معاك داخل انا مرتك...
يحي... مستعده للكلام لي بنقوله...
ولاء....قولي هي قلبي نار...
يحي... انا اتعرضت... لي. تابع..
الناس لي مش متفاعله ↗️↗️ كلهم نطلع فيهم.....
تعليقات خارج الحدود حظر ↗️
بندير بث بعد شويه تابعوني
٠
أنت تقرأ
عروس طرابلس ( روايات ليبية )
AksiMBC LIBYA 🇱🇾 تقدم هذه الرواية تجمع بين الحب و الشجاعه والتشويق 🔥 للكاتبة :- اميرة سليمان MBC LIBYA 🇱🇾 تتمنى لكم قراءة ممتعة
