.. الحلقة (3)
من #رواية
#عروس_طرابلس
#كاتبة #أميرة_سليمان
ولاء... فتحت الصندوق و الصدمة ألقت رسالة تحتوي على يوم لقاءنا يوم موعدنا.... فجأة أبدت تسمع في صوت ضحكة وراءها أتلفت و الصدمة... 😮😮
حمزة..... واوووو شن الجسم هذا ايهبل....
ولاء... شن جابك انت يا حقير...
حمزة.... ما حقيرة الا انتي.
ولاء... اخدت المنشف غطت روحها...
العاملة.... طلعت صكرت عليهم...
بنات عم ولاء... ايغنوا برا ما يندوا على شي...
ولاء.... اطلع يا ساقط اطلع من أهنا...
حمزة... أي زيدي عيطي مش بنات عمك ايزيدوا يسمعوك..
ولاء... خلوني نفرح خلوني نولي عروس....
حمزة.... انا كنت نبيك عروستي انا اخدمت ليل نهار على خاطرك لدرجة ضهري انعاني منه لليوم في لحظة سيبتني لأني كنت راجل معاك هذا علاش ارخيتي فيه كأني فرخ حرام كان ما صاريش هكي توا تبي تولي عروسة غيري...
ولاء.... دموعها ابدوا ينزلوا بشدة...
حمزة.... جيت مش انقولك معاش نبدأ حمزة كان ريحتك في حياتك...
ولاء.... اطلع من أهنا برا اطلع 😭😭😭 أن شاء الله تلقاه في خواتك..
حمزة... اطلع يجري من باب الخلفي للحمام...
العاملة.... خشت تجري لي ولاء..
ولاء... أبدت تتضرب في العاملة و اتصرخ بي يا كلبه تي واللهي لما تشوفي..
العاملة... هو هددني يا أختي و الله...
ولاء... لبست ملابسها طلعت برا لي امها..
أم ولاء... خيرك 😮 تبكي شن مسرع كملتي.
ولاء... حاسه روحي تعبانة روحي بيه بسرعة 🤦♀️..
أم ولاء... شبحت لي بنات عم ولاء همست بي هذا كله من العين قل أعوذ برب الفلق...
ولاء. أغمى عليها...
أم ولاء.. أبدت اتعيط...
__________________________
بعد مرور ساعة من لصار و الصدمة 😮🤦♀️
ولاء... راقده على سريرها في الحوش دموعها ينزلوا..
يحي... لولو حبيبتي خيرك غير قوليلي بس السبب..
ولاء... ملتزمة بي الصمت ترتعش..
أم ولاء... لاحول ولاقوة الا بالله...
يحي... حبيبتي هكي بتزعلني منك ياروحي شن مزعلك بس..
ولاء.... خناق العرايس هذا مافيش شي ثاني...
يحي... 😂😂😂 اياه خناق العرايس كان هكي باهي..
أم ولاء... اتحشمت طلعت...
يحي.... صار خناق العرايس..
ولاء... نبيك توعدني يحي😔💔
يحي... بي شن..
ولاء... ما اتصدق حد غيري و انك ثقتك ديما عاليه بيه..
يحي... علاش اتقولي هكي توا..
ولاء... وعدني 😔وبس.
يحي... وعد يا قلبي...توا ارتاحي مش غدوا بنمشوا بنكملوا الورق مش اتوتي روحك لي يوم الأربعاء و يوم الخميس 😂..
ولاء.... تمام 😂
مع حلول الساعة 8 صباحا..
ولاء... لبست عبايتها و خمارها ركبت مع خالها و يحي...
يحي... راكب من قدام...
خال ولاء... و اخيرا بنزفوك يا ولاء ثقلتي...
ولاء... شن ثقلت يا خالي...
يحي... ابديه ايكح...
خال ولاء... انبصر...
ولاء... نزلني على المحل نبي ميه...
خال ولاء.. درس قدام المحل..
ولاء... نزلت معصبه...
يحي.. انزل معاها...
ولاء.. فتحت الثلاجة ما القتيش الميه.. سألت لي مقعمز على الماكينة و الصدمة.... 😮😮🤦♀️
_________________________
صاحب المحل.... اسمع صوت ولاء... ازبطها.. و قعد يشبحلها في نظرات استغراب...
ولاء... لو سمحت انكلم فيك خوي وين الميه مافيش في الثلاجة...
يحي... اخديه المشروب من الثلاجه جاي لي ولاء
صاحب المحل... انطق بي انتي ولاء صح كان مش غالظ..
يحي... طاح المشروب من ايديه.... ابديه ايصرخ انت منين تعرفها...
صاحب المحل.. ابديه يرعش..
ولاء... فتحت باب المحل طلعت تجري...
خال ولاء... شن فيه..
ولاء.. زود يا خالي زود
يحي... يضرب في صاحب المحل
صاحب المحل... اضرب يحي بوكس...
يحي... جبهته اتنفخت...
ولاء... اتعيط..
خال ولاء... ايحز...
صاحب المحل... ياودي يا خوي البنيه هاذي كانت تقرأ معاي بتريس لا أكثر لا أقل و أعرفتها من صوتها بس سبحان الله عندها بحه نادره...راهو ما فيش شي ثاني..
يحي... اطلع معصب من المحل...
خال ولاء...عاجبك توا يا فرخة جبتي العار لينا...
ولاء... نحت الخاتم اعطاته لي يحي..
يحي.. ..بعصبية مجنونه... شن هذا..
ولاء... كان كل مره.. بدير هكي 😔💔 بلاش منه الزواج هذا..
يحي.. خرفي
ولاء.... هذا الماضي و فات و انا افتحت صفحة معاك و توبت و انوينا الحلال علاش اتخلي في مشاكل تافهه اتخش بينا..
يحي.. باهي اركبي صلى على النبي...
ولاء... ركبت هي دموعها ينزلوا بشده..تهمس بداخلها كان تعرف انه هذا بايسني من قبل شن ادير 💔😔كنت..
_________________________
مع حلول يوم الخميس..... يوم موعد الزفه....
اتجملت ولاء بفستان ابيض ملسع بي الفضة مع تسريحة شعر مطلوقه و رشات عطر أصبحت جاهزة لي الزفة تحت سماء طرابلس قد اضيت السماء بتنوير و زفت ولاء للصالة هي في قمة السعادة مع رقصات الأحباب و تصفيق الاحبه خش يحي للصالة هو عيونه يلمعوا نحى طرحه سمى با الله اخديه ولاء ركبها للسيارة هي دموعها ينزلوا من الفرحه و الصدمة 😮😮😮
أنت تقرأ
عروس طرابلس ( روايات ليبية )
AkcjaMBC LIBYA 🇱🇾 تقدم هذه الرواية تجمع بين الحب و الشجاعه والتشويق 🔥 للكاتبة :- اميرة سليمان MBC LIBYA 🇱🇾 تتمنى لكم قراءة ممتعة
