... الحلقة (15) الجزء الثاني الأخيرة...
#من
#رواية
#عروس_طرابلس
#كاتبة #أميرة_سليمان
ولاء....هي كيف قعمزت في دارها و الصدمة 😮😮.....
انقلبت الدنيا و طرابلس متحركة و صواريخ أبدت اطيح في المنطقة..
أم ولاء.... اتصرخ....
الجيران... أبدوا أيلموا في أرواحهم بيطلعوا...
يحي... نقز يجري لي حوش ولاء...
ولاء... حاطه ايديها على بطنها و تهمس بعبارات يارب اتلطف بينا....
خوه ولاء... ايدور في المفاتيح من الخوف معاش اعرفهم وين..
يحي.... وين ولاء بسرعة اطلعوا...
ولاء... من 4 شهور معاش سمعت يحي لي اينادي في اسمها دموعها أبدوا ينزلوا معاش مركزه مع الوضع....
أم ولاء.... غبر فيهم أن شاء الله صواريخ ايطيحوا في كل مكان...
ولاء... معاش قدرت اتنوض من مكانها من الخوف شاده بطنها بي القوة...
يحي... ولاء بسرعة هاتي ايديك خلي نطلعوا....
ولاء.... مش قادرة يحي معاش قادرة...
زين.... الحق يحي ابديه ايصرخ بعبارات اطلعوا هي يحي بسرعة...
يحي... قام ولاء ابديه يهمس بي زين برا ارفع العيلة انت...
زين.... تمام هي بسرعة الحقوا...
ولاء... اتصرخ بعبارات يحس ولدي بيموت...
يحي... يجري بي ولاء للسيارة....
زين... اركب من قدام...
يحي... ولع السيارة و اطلع يجري من المنطقة...
أم ولاء... شن يا بنتي شن حاسه...
ولاء.... ولدي يمه بيموت ولدي...
يحي... ولاء با الله شدى روحك مازال بكري راهو...
قذيفة.... طاحت في طريق....
ولاء... صرخت صرخة مجنونه....
يحي... ابديه ايصب عرق من الخوف و التوتر....
السيارة.. انضربت العجلة امتاعها...
اخ ولاء... حي يا حي جتها رصاصه أو شن 😮
يحي... انزلوا بسرعة خلي نمشوا لين نحصلوا حد ايركبنا...
أم ولاء.... واك عليه واك....
يحي... قام ولاء و امشوا يجروا في الشارع.... و الصدمة 😮
ميلاد.... فايت درس السيارة انزل يجري....
رتاج... راكبه من خلف ركبت فيها النار...
ميلاد... شن فيه وين سيارتك ياراجل...
يحي... العجلة اطربقت و المرأة تعبانة...
ميلاد... اركبوا بسرعة راهو خاشة بعضها...
يحي.... سيارة ما اتسديش ارفعوا ولاء بسرعة للمستشفى و احنا نلحقوا..
أم رتاج...ركبت ولاء معاهم من خلف..
رتاج.... دمعتها نزلت....
يحي... مش قادر يشبح لي رتاج من قوة الموقف.....
أم ولاء.. ادير في باي لي ولاء...
ولاء... ماشيه في عالم أخرى..
ميلاد... اطلع بسرعة....
_______________________________
يحي.... يجري هو أم ولاء و خوها ايدوروا في سيارة و الصدمة 😮😮
رصاص ابديه يقوى و الدنيا متحركة كلها....
أم ولاء...في لحظة خوفها و قلقها على بنتها جتها رصاصة في رأسها انهت حياتها....
اخ ولاء... ابديه ايصرخ يمه خيرك يمه لا...
يحي.... 😮 عمتي..
اخ ولاء... يمه لا يمه ارجوك ياروحي انتي با الله عليك يا ميمتي...
أم ولاء... فارقت الحياة وقتي..
اخ ولاء.... ابديه يندب و ايبوس في امه...
يحي... يجبد فيه يبي يهرب معاه...
اخ ولاء.... أي كيف بنخلي أمي ياراجل...
يحي.... فكر معاي ولاء من بيها كان بنموتوا حته احنا مش بتقعد اختك بروحها....
اخ ولاء.... و الله ماني ماشي و انخلي امي في طريق ملوحه.
يحي.... حط أم ولاء على ظهره امشي بيها...
زين... ايدور في يحي بسيارة لين ألقاه انزل يجري...
اخ ولاء.. َيبكي زي النساوين من حرارة موت أمه...
ولاء... في الوقت هذا وصلوا بيها للمستشفى....
رتاج.... تدعي في داخلها عليها...
ولاء.... 💔ولدي يا ناس الحقوه....
رتاج.... اتفنص في ولاء...
ميلاد... اخديته رتاج طلعها من المستشفى...
رتاج... بنموت خوي...
ميلاد... اعتبرها حالة إنسانية سلم اوخيتي... 💔
في هاذي الأوقات...
زين.... نزل هو يحي أم ولاء للمستشفى و هي مغطيه...
اخ ولاء... نازل ايعيط بعبارات واك عليا اوه عليا راحت الغالية راحت ست الكل راحت نبع الحنان...
رتاج.... شهقت شهقه مجنونه...
ميلاد.. امشي يجري...ايدخل معاهم...
أم ولاء... دمها عبه المكان...
اخ ولاء... قعمز على الدروج يبكي بي العبرة....
رتاج.... جابتله ميه و اتهدي فيه بعبارة قول لا إله إلا الله سلم خوي 💔😭...
أنت تقرأ
عروس طرابلس ( روايات ليبية )
حركة (أكشن)MBC LIBYA 🇱🇾 تقدم هذه الرواية تجمع بين الحب و الشجاعه والتشويق 🔥 للكاتبة :- اميرة سليمان MBC LIBYA 🇱🇾 تتمنى لكم قراءة ممتعة
