حب حلال
بقلم Shahd
امي الشاي جاهز؟!
امي:اي جاهز تعالي اشربي
انا: طيب؛ امي الليله ح اتأخر في المدرسه ح نراجع مع البنات
امي: طيب بس م تتأخري شديد اوك
انا:اوك
انا شهد عبد المنعم عمري 17 ممتحنه السنه 💪☝️ لوني قمحي م طويله ولا قصيرة صحتي حلوه جمالي طبيعي يعني م الملفت دااااك ولاااا بكضب ولا عندي شعر انا من شعبه ال مخاوي الاضان ومجافي الرقبه 😂☝️ اها خلونا في المهم شربت شاهيني وبقيت متخارجه طلعت مع مهند اخوي بعربيتو (ح اعمل ليكم بارت تعريفي للناس ديل) وصلنا لقيت لمار صحبتي فباب المدرسه منتظراني تعاين ل مهند ومهند بعاين ليها عرفناها هي متيمة في مهند اخوي لكن اللخو دا مالو يلا م علينا اها شلت من مهند قروش الفطور وك العادة اداني وقال لي أدى معاك ديل لمار اجييييش م لاقاني جنس دا اها مشيت اديتها قالت لي واااااااي اداني ليهم انا انا واااااااي م بصدق قالت لي ديل ل يوم الدين م بهبشهم قلت ليها اللهم لا تعولقنا لا تخوزقنا ي بت انقشي قدامي الطابور دخلنا سوا حضرنا الطابور وحصصنا م يفوتكم انا ولمار بندرس الاتنين تالت علمي أحياء كيف م تسألوني اها انتها اليوم ملل زي الملل قلت اتصل ل مهند يجينا م يفوتكم انا ولمار بنشيل تلفوناتنا المدرسه ب الدس م تورو المديرة مفهوم😒☝️ اها عايزة اتصل كان اسمع ليك الملعونه بتقول (عفوا ليس لديك رصيد كافي ل إجراء هذه المكالمة الرجاء إعادة التعبئه ثم المحاوله لاحقا😒💪) ياخ انا كان لميت فيها بضضضضضضضضضبحها ياخ بضضضضضضضضضبحها اها قلت ل لمار خلص اتصلي انتي مليتها الرقم ادتني التلفون اتصلت ل مهند الو مهند كيف
مهند: مرحبا منو معاي؟!
انا: عرفنا م ح تعرف الرقم صوتي بغباك؟!
مهند: شهد هااا كيفك دا تلفون منو
انا: دا تلفون لمار م علينا ها تعال سوقنا
مهند: سوقنا ليه حسوق معاك منو؟!
انا: تسوقنا انا ولمار الليله حتمشي معاي
مهند: اااه طيب تمام جاي عليكم فصلت منو لمار قالت لي هيييييييي الماشي معاك منو قلت ليها لمووورتي حوووبي علييييييك الله قالت لي طيب بس م بتاخر قلت ليها تمام بعد نص ساعه كدا جانا مهند ساقنا يعاين ل لمار سااااي والخليقه تقرص فيني سااااي اها وصلنا سلمنا ع امي ولمار حبكانيات شديدة مع امي وونسه وكلام من يجي مهند بتتبكم اها بعد اتونسنا حبه طلعنا غرفتي قلت ليها دقيقه اجيب لينا اكل شلت تلفوني ونزلت
الو خالتو منال علييييييك الله خلي لمار تبيت معاي والله اسي انا جريتها جر عشان توافق خليها تبيت معاي قالت لي ها المجنونه دي سمح خليها تبيت قلت ليها احوووووووبك انا انتي الزيك منو قالت لي مجنونه قلت ليها سمح سمممح ي خالتو منال اهي اهي قالت لي والله غااااايتو قفلت منها مشيت شلت اكل وطلعت ل لمار اديتها بجامه قلت ليها امشي غيري عايزة تغير خطرت في بالي خطه طووواااالي جريت الحمام وقفلتو على قالت لي لماااار خليني استحمى يوووخ عارفاني م بقعد من غير حمام هااا قلت ليها هيييييييييييي امشي استحمي في غرفه مهند انا م طالعه اسي قالت لي كيف يعني قلت ليها والله ب طريقتك انتظرتني كدااا وبعدها قالت لي طيب ولو مهند جا قلت ليها انتي عويرة مهند طلع اسي قال م ينتظروه للعشا ح يتأخر قالت لي طييييب أمري لله انا بس مشت اول م اتاكدت انها مشت طلعت من الحمام ونزلت تحت فتشت كل الغرف م لقيتها معناها مشت حمام مهند يييييس بعدها نزلت تحت اتصلت لمهند قلت ليه مهند علييييييك الله جيب لينا نوتيلا قال لي م جاي قلت ليه علييييييك الله هي صحي وجيب معاك ل لمار كت كات قالت مشتهياها قال لي طييب أمري لله اها خمسه دقايق ماف زولكم وصل وصحبتكم ديك انا عارفه ثقالتها ياخ بتستحمى في ساعه اها اداني الحاجات وطلع غرفتو (نحكي ليكم الحصل مع مهند ولمار بلسان لمار طبعا 🌚) كنت بستحما ومندااااحه شهد قالت انو مهند م ح يجي أسي واغني ساااي اها بعدها لبست البجامه وكانت تلات أرباع ومع الحسم وانا صحتي حلوه اها جيت طالعه كدا والغرفه ضلاااام سامعه صوت الباب قلت ليها شهدد والله اخوك دا حمامو روووعه ياخ كل يوم ح اجي استحمى عندكم اااخ منو ال مكسرني بس كان النور فتح وووووووب علي دا مهند بقيت متنحه فيهو مخلوعه لا عرفت أجرى لا عرفت اقعد لا عرفت اتكلم وهو جاي علي ويتبسم وانا راجعه لحد م ضربت الحيطه بقيت شغاله ا ا ا ا انا هناي م م مهند بس وقفني وهو ببوسني مسااااااافه ياخ انا دايرة اموت بعدها ضماني وقال لي انا بحبك انا هنا الخجل قتلني اها بقيت متنحه فيهو ابتسم ب خباثه وقال لي مكسرك ياخ نزلت راسي وهمست هو انا مكسرة فيك وبس انا بعشقك اظنو سمعني قال لي لمار انا بحبك وفي أقرب وقت عايزك مرتي فاهمة وشالني وبقي لافي بي قلت ليه مهند لو شافونا ياخ فكني اتفكيت منو وجرررريت ل غرفه شهد وانا خايفه ع خجلانه ع مبسوطه شهد بقت منططه عيونها وتضحك (يلا نسلم المنصه ل ست الرصه شهد💪😇) احم بعد نفزت خطتي دخلت غرفتي وبقيت اقابض في تلفوني لحد م جاتني لمار ترجف والخجل داير يشقها قلت اكيييد شافت مهند بس م اتوقعت تحصل دراما اها قلت ليها ي بنت الايه تعالى احكي وحكت لي الحصل ووجع المفصل اها حضنتها وقلت ليها بجججد تستاهلي مهند بلجد قالت لي اها وانتي سرحت كدااا قلت ليها انا انا........
يتبع.....
دي اول روايه انا ح استمر فيها سواء لقيت دعم أو لا ف شنو اتمنى تعجبكم 😙💪
