حب حلال
بقلم Shahd
مراد قال ليه بس هي حاليا بتي وانا وشهد ح نتزوج أو م تطلقها انت فتحت خشمي خوورشوميه متر اتخلعت يجماعه تاني فهمت الحكايه قلت ل رياض اظن سمعت وبتمني بعد ارجع بعدين القاك جهزت لي ورقتي 😏 رياض دا وشو جاب اربوعمييه لون يجماعه روميو بغير🌚 اها دخلنا القاعه وانتهت محاضراتنا ورجعنا البيت رضعت شفعي هم يداب ليهم شهرين (ب النسبه لاني قلت يزن ماشي ب الأرض في البارت الفات ف دي غلطه مطبعيه يجماعه تمام) المهم غيرت ليهم الحفاظات ونومتهم طلعت اعمل لي شي اكلو لقيت رياض في وشي عاينت ليه كدا قلت بسم الله دي أشكال تنشاف بس مسكني من معصمي وبقى يقرب لي ويقول لي ليه بتعزبيني ليه بتعملي فيني كدا هااا وباسني بوسه عنف كانو بعاتب فيني ليه اعمل كدا المهم فصلها عشان ياخد هوا وانا هنا اتصمغت في مكاني بعدها اتذكرت الخطه قلت ليه ابعد مني مراد لو عرف ح يشاكلني يلا هنا حسيت ب عروقو ظهرت قال لي بتخافي من زعلو هاااا وضرب الحيطه عاينت ليه كدا 😒 ومشيت منو سخنت لي قيمة اكلتها وجيت نمت مع أولادي بقيت بتامل مزن شديييييد بتشبه ابوها شبه مبااااااااالغه وبقيت اتكلم معاها واقول ليها ابوكي مغرور وشايف نفسو انا بحبو بس لازم اعلمو درس م ينساه وانا ومراد عاملنها خطه عشان كدا لازم ارجع ابوك انا خايفه اخسرو لو ضاع مني والله بموت انا اكتشفت اني بحبو ومسحورة بيه من عرس َ الغدا وجيت لقيتهم يللللعبو حبيتهم حب طوالي شلت تلفوني وصورتهم من غير رياض يحس صورتهم كتييييييير م معروف يمكن تحت أي لحظه يطلقني طق دموعي نزلو قشقشتهن ومشيت ختيت ليهم الأكل أكلنا كلنا بعدها لملمت صحانتي وغسلتهم اتصلت ل امي قلت ليها ح اقعد معاكم لحد الاجازة ماف زول بمسك لي أولادي قالت لي راجلك عارف قلت ليها بوريه تمام اها وريتو قال لي لا قلت ليه ي اما اسوقهم معاي والجوطه ويسحروهم ي اما امشي ل امي وتمسكهم سكت مساااافه بعدها قال لي تمام العصر كدا لملمت شنطي ووصلنا ل البيت حصني وحصن اولادو وشرب مع ابوي شاي المغرب وطلع اها هاك ي ونسه وجوطه مع لمار طبعا لمار بقا عندها توأم بنتين وحدة شهد والتانيه وعد حبيبات عمتو انتو اها عدت الايام عادي ماف اي جديد غير البيت الجامعه البيت الجامعه ماف موضوع ورياض م شفتو تاني اها مرة يزن ولدي مرض اتصلت ع رياض جا وديناه العيادة طلعت ملاريا والتهاب ورياض فترة مرض يزن كان معانا لانو مرات بتجيه حمة بليل هو بقول م يتعب اهلي اها عدت الايام ويزن بقى كويس ورياض رجع اها في يوم م مشيت للجامعه كان عندي قاب يلا قااااعدة ماسكة يزن ب جاي ومزن في حضني وبلعب فيهم عادي ومستكينة اها تلفوني ضرب عاينت للمتصل لقيتو رياض م رديت تأني اتصل م رديت تالت مرة لمن اتصل قلت معقول يتصل اكتر من مرة رديت جاني صوت غريب الو مرحبا وعليكم السلام ايوة زوجتو شننننننننو مستحيل انت بتتكلم جد وين طيب طيب ناديت مهند قلت ليه سوووووووورعه مستشفى..... شلت ولدي وبتي وركبت ومهند سايق ب أقصى سرعتو قال لي في شنو قلت ليه اتصل علي واحد وقال لي انو بتاع التلفون دا عمل حادث وهسي في العمليات في مستشفى... اها وصلنا دخلنا جوا وفعلا لقيتو في العمليات انا انهرت شديد واعصابي باظت وموضوعي استحمي بعد شويه طلع الدكتور قال لينا الدوام لله يلا انا اعصابي باظت يجماعه وخلاص الفيني كملت قلت ليهم مستحيل دفرت الدكتور ودخلت مع دخلتي الممرضات طلعو ولقيت رياض جثه هامدة وقلبي وجعني وبقيت اقول ليه ليه ليه تمشي تخليني ليه تعمل كدا ليه ليه قبل اكشف ليك مخططاتي تعمل كدا ليه تمشي تخلي البنت البتعشق التراب الانت بتمشي عليه انا من اول يوم حبيتك لا انا ادمنتك ليه تخليني ب السهولة دي ليه تمشي قبل تسمع مني كلمة بحبك ليه م سمعتني ليها لييييييييييييه م اعترفت ليييه اااااه ي رياض معقوله تسببني بطل عوارة وقوم حرااام عليك قوم لقيت مهند ماسك يزن وفي وشو شبح ابتسامة اول م شافني قبلت عليه مثل دور الحزين اها شلت يزن ومزن وانا بببكككككي قلت ليه اولادك ال م شافو للدنيا حاجه عايز تخليهم م حرام عليك اربيهم كيف انا اعيش بدونك كيف عليك الله قوم وبقيت حاضناه وابكي ومنهارة ولسسسه ابكي واوصف كان نفسي نعيش زي اي زوجين كان نفسي كل يوم اتصبح ب وشك يعني خلاص مافي لي ليه بعد تعلقني بيك تمشي ليه عملت فيني كدا ليه رضيت تتزوجني مدام ح تسيبني ليه جاوبني وبقيت اهزو واصرخ مهند قال لي شهد اهدي قلت ليه أهدى أهدى كيف وحياتي جثه قدامي اهدا كيف ووتيني مرمي قدامي وعايزني اهدا رياض رياض الله يرضى عليك قوم الله يرضى عليك قول لي انك بتكزب الله يرضى عليك اصحى الله يرضى عليك اصحى نرجع بيتنا والله كنت بهظر والله دي لعبه بيني وبين مراد والله هو اخوي عليك الله ارجع عليك الله قوم انا انا بموت وراك والله بموت ااااه ي رياض م تخليني والله الحقك والله اموت وراك والله اندفن جمبك بموت والله بموت م بعيش من دونك وربي ليه ليه لسه بمثل مهند مهند قول ليه قوم مهند صحيهو حلفتك صحيهو هو مش صحبك مهند قال لي شهد استغفري الدوام لله قلت ليه لاااا بس م بعرف صحيه ررررب وقعت....
يتبع......
اصلا طولت الكلام والردحي تبع شهد
بفكر م اقتل ليكم رياض 😂😂 يجماعه كان رياض مات انا زاتي بموت 😂😂😂😂😂
