صراع مع الماضى

الفصل السادس (فلسطين)

ثق ان الله لم يخلقَ لك طريقاً صعباًإلا وخلق فيك القدرة على اجتيازه.، 🌸 😌

.........................

(الموضوع بإختصار ان ماما هربت من تركيا بعد ما اتجوزت هى وبابا من ورا اهلها)
فغر مازن فاهه _من الصدمه_ بعد ان سمع تلك الكلمات من دهشه وهى تقولها بكل بساطه
بعد ان آفاق مازن من الصدمه نظر إلى دهشه نظرة استغراب وتعجب واردف قائلاً
:-(دهشه انتى كويسه،  انتى سمعه نفسك بتقولى ايه)
ثم نظرت إلى رُبى
:-(انتى صحبتك سخنه ولا ايه )
رُبى:-(يا بنى الموضوع مش مستاهل كل ده  ،
كل الموضوع ان اهل ممتها دول مكنوش كويسين معاها،وبعدين ه
ما مش اهلها اوى يعنى )
نظر مازن إلى دهشه  ومعالم الاستغراب لم تترك وجهه بعد
دهشه بعد ان اطلقت تنهيده منزعجه
دهشه :-(بص وركز معايا عشان انا مش هشرح غير مره وحده و بس ؛الموضوع وما فيه ان ماما اهلها ماتوا فى حدثه  وهى عندها بتاع عشر سنين كدا . و مكنش عندها اخوات وبالتالى بقى المسئول عنها حد من قرايبها)
صمت دهشه قليلا لتستجمع افكارها  ثم قالت والانزعاج واضح على وجهها
:-(الناس إل ماما كانت قاعده عندهم مكنوش بيعملوها كويس  وكانوا ميحبوهاش ولا طيقين وجدها اصلا )
قالت كلماتها الاخيره وابتسامه ساخره ترتسم على وجهها
دهشه مكمله:-(ماما عانت كتير قوى طول فتره وجدها عندهم.............وحتى لما راحت الجامعه وقابلت بابا وحبوا بعض وقرروا يتجوزوا)
انهت دهشه حديثها وهى تبتسم
وفجأة تغيرت معالم وجهها وكساها الحقد
:-(وماما لما راحت تعرفهم عن حبها
خربوا الدنيا  عليها وازى عايزه تتجوزى واحد منعرفوش .......لا وكمان مكفهمش الجحيم إل هى عايشه فيه دول منعوها من الجامعه وحبسوها فى البيت عشان متشفش بابا) عم الصمت لبعض الوقت وتوتر ة الاجواء
قطع مازن ذلك الصمت وهو يردف
مازن:-(  انا اسف يا دهشه بس انتى ايه ال خلاكى متأكدة من حاجه زى كدا)
دهشه:-(احنا عندنا فى البيت فى قانون ان الكلام عن الماضى ممنوع والماضى دا اقصد بيه حياه ماما وبابا قبل ما احنا نتولد .........المهم واحنا صغيرين كان كل صاحبنا _انا وأثر_ عندهم اخوال وعمات وعندهم اهل كتير )
أكملت دهشه حديثها وهى تبتسم بألم
:-(وفى مره روحت من المدرسه وانا بعيط عشان فى بنت معايا فى المدرسه كانت بتعيرنى ان انا
من غير اهل........فابابا كان بيسئلنى مالك ومين عيطك وكان بيحاول يحيلنى  ؛روحت انا اتعصبت عليه جدا وقتلوا ان انا مبحبوش عشان هو معندوش قرايب كتير زى أهالى صحابى )
نظر مازن ل دهشه ببلاها عندما رأى دموعها أثناء سردها لما حدث
دهشه بإنزعاج وإحراج من الموقف بأكمله  
:-(مالك بتبصلى كدا ليه انا كنت طفله حساسه جدا على فكره والموضوع ده كان مأثر جدا فيا
.......
المهم بعد الموضوع ده بابا قعدنى انا وأثر وحكالنا على إل حصل معاهم زمان وقد ايه هما عانوا كتير  عشان يبقوا مع بعض
وعلى فكره زى ما ماما سابت تركيا عشان بابا هو كمان انفصل عن اهلوا عشان ماما)
انهت دهشه حديثها وهى تزفر كمن انزاح ثقل كبير عن قلبه
عم الصمت على ثلاثتهم  لبعض الوقت  ؛قطع مازن ذلك الصمت وهو يوجه حديثه ل دهشه
:-(دهشه ممكن اسئلك سؤال خاص شويه ان مكنش فيه تطفل يعنى)
دهشه ببساطه:-(لا عادى اتفضل)
مازن :-(هى ممتك بعد ما قريبها منعوها من الخروج والجامعه وكدا قدرت تتجوز بباكى ازى وتسافر معاه  )
رُبى باستغراب:-(صح يا دهشه انا سئلتك قبل كدا بس انتى مجوبتنيش)
دهشه بتنهيده منزعجه
:-(بصى انا مبحبش اتكلم فى الموضوع دا كتير بس على العموم هغذى فضلكوا.....
يا ستى الناس إل ماما كانت عايشه عندهم دول كان فيهم بنت قد ماما بس دى كانت صحبه ماما شويه
بس ماما طلبت مساعدتها
وكانت جدعه مع  ماما وسعدتها عشان تتواصل مع بابا وهى كمان إل سعدتها فى الطلوع برا تركيا خالص)
مازن:-(طيب انتى متعرفيش اسمها اى)
دهشه باستغراب:-(لا معرفش طبعا ؛
إذا كنت معرفش اسم عيلة ماما إل كانت عايشه معاهم هعرف هى مين صحبه ماما إل كانت فى تركيا ....وبعدين انت بتسئل ليه )
مازن بتوتر حاول أن يخفيه:-(لا ابداً فضول بس مش اكتر)
رُبى :-(احنا انشغلنا فى اهل دهشه ونسينا الموضوع الاساسي اصلا)
دهشه :-(اه صح،  انا هسافر تركيا ازاى ،وهقول لأهلى اى فى البيت)
مازن :-(الموضوع سهل جدا ومش مستاهل ........
اذا كان على ازاى انا جهزت كل حاجه
وزى ما قلتلك عيله صاحبى دى عيله محترمه جدا وناس معروفه فى تركيا وبرا تركيا كمان)
حاولت دهشه ان تقاطعه فاوقفها بإشاره من يده
(خلينى اكمل للاخر وبعدين اعترضى زى ما انتى عايزه
...........بصى يا ستي انتو إل الاتنين محدش هيقول لاهلكول ان انتوا هتسفروا تركيا اصلا  ولوا  سئلوكوا هتقوللهم ان انتوا فى المانيا )
رُبى:-(ازى يا ناصح واحنا كنا بنبعتلهم صور فى كل مكان بنروحوا وبنتصل بيهم على طول  عشان يعرفوا احنا رحنا فين وجينا منين)
مازن :-(يا ستى سيبى الموضوع ده عليا .......انتو دلوقتى يعتبر هتبدئوا الدراسه بجد وبالتالى مش هتعرفوا تتوصلوا معاهم على طول........وكمان انتى مش معاكى موبايل حاليا يارُبى فدى هتبقى حاجه فى مصلحتك
واهلك مش هيعرفوا يتصلوا بيكى ولو عايزين يتصلوا بيكى هيبقى عن طريقى او عن طريق حد من المشرفين
وبالتالى هما هيتحرجوا اصلا يتكلموا معاكى كتير)
رُبى بإنزعاج :-( يا ناصح هما هيغلبوا يكلمونى عن طريق دهشه ..... وبعدين مش انا المشكله اصلا )
مازن وهو يزفر بتعب:-(يا حاجه  لو صبرتى دقيقه بس انا هقولك كل حاجه .......المهم الموضوع سهل جدا انتوا لسه نقلين دوله جديده
ولسه معكمش احداثيات المكان الجديد والموبايل لسه هيتبرمج على نظام الدوله دى.......و بعدين انا مش فاهم انتوا ليه مكبرين الموضوع كدا )
دهشه:-(انت فعلا معاك حق الموضوع مش مستاهل ......بس بالله عليك لتخلصلى موضوع السكن ده على طول انا قلقانه اوى من ان انا هقعد عند ناس معرفهاش وكمان لوحدى )
مازن بتوتر بسيط:-(اه .. اه طبعا الموضوع هيخلص بسرعه ان شاء الله اصلا)
رُبى وهى تمسك مازن من القميص_من الخلف بطريقه مسرحيه_ :-(ايوه تخلص الموضوع بسرعه وبسرعه جدا كمان انا معرفش اقعد بعيد عن البت دى اصلا فأنا بحظرك انك تتأخ...
قاطع حديث رُبى نظرت كلا من مازن الناريه ودهشه المصدومه مما يحدث
رُبى وهى تنظر لمازن ببلاهه
:-(هههه اى دا انت اكيد فهمتنى غلط دانا كنت بعدلك اللياقه حتى اسئلك البت دهشه )
أنهت حديثه وهى تبتسم بخوف وتوجس واضح من نظراته
دهشه بتهكم :-(هو انا ممكن اعرف انتوا ختوا على بعضكم كدا ازاى )
ثم وجهت حديثها لرُبى:-(رُبى على فكرا مستر مازن مش ابن عمتك رجاء عشان تخدى عليه اوى كدا )
أنهت حديثها بذات النبره المتهكمه
وقبل أن تجيبها قاطعها مازن وهو يمسكها بنفس الطريقه التى كانت تمسكه بها منذ برهه صغيره
وقال وهو يصيح بها بنبره مخيفه:-(نعم ياختى ابن عمتك مين ده إل بتتكلمى معاه)
رُبى بيتسامه متوتره:-( ابن عمتى عادى يعنى مش حد غريب)
أكملت رُبى حديثها بتلعثم واضح
:-(وبعدين انا مش بتكلم معاه اوى دانا كنت بحاول اطفشوا اصل هو رخم اوى ويبقى لزقلى زى القراضه والله حتى اسئلها)
انهت رُبى حديثها وهى تلكز دهشه بجنبها بحده
دهشه :-(اه بالراحة يا رخمه .....وبعدين هو فى اى ، انا اسفه يعنى يا مستر مازن فى وقحتى بس انت اى إل مضيقك اصلا ) قالت دهشه ذلك وهى تنظر لمازن بإنزعاج واضح  
نظر مازن لرُبى نظره حارقه ثم انتقل بنظراته لدهشه وهو يقول بلا مبلاه
:-(ايه إل مضيقنى ؟ ؛ ابقى أسئلة صحبتك )
انهى مازن حديثه وهو يستعد للذهاب
:-(بعد اذنكم عشان الرحله انتهت واحنا عندنا سفر بكرا بدرى)
وبهذه الكلمات انهى مازن رحله الفريق بأكمله
وعاد القارب إلى المرفأ مره اخرى ليبدأ الجميع فى تجهيز حوائجهم للسفر