صراع مع الماضى

الفصل الاول(حلم يتحقق)

الجميع فى ترقب وانتظار فاليوم هو موعد ظهور نتيجه الثانويه العامه لأبنه العائله المميزه
_دهشه_ كل من بالمنزل وكذلك الجيران واصدقاء العائله فى تواصل دائم معهم لمعرفه النتيجه
ثم :
قطع ذلك الترقب والانتظار والمحيط المتوتر
صوت صرخات  سعيده تصيح( نجحت يا بابا نجحت وجبت ٩٩.٨واخيرا حققت حلمك وحلمى يا جو وهدخل طب )واخذت تصيح بتلك العبرات بنبره سعيده  بل فى أقصى سعادتها
فقد حصلت دهشه _مدللت الجميع_ على مجموع ٩٩.٨  بالمئه وحققت حلمها أخيرا فهى الآن ستستطيع دخول كليه الطب التى تحلم بها هى ووالدها
....................
اسرع  جميع من بالمنزل الى غرفت صغيرتهم المدللا_دهشه_
فمنذ معرفتها بموعد ظهور النتيجه فقد طلبت من الجميع الخروج
وأنها هى من ستأتى بنتيجتها من موقع التواصل الاجتماعى أولا
فهى كالعادة تحب أن تواجه كل مواقف حياتها بمفردها
وها هى الآن قد حققت حلمها.

اسرع إليها والدها وقام بضمها اليه فى عناق ابوى فخور
(الف مبروك الف مبروك يا روح جو ونن عينه كمان  مبروك يا دهشه مبروك يا فخر ابوكى)

هتف والدها تلك الكلمات فى سعاده و فخر
وهو يضمها اليه أكثر فقد حققت صغيرته  حلمه وستصبح طبيبه مثله  _ وذلك بعد رفض أخيها الكبير(أثر)دخول شعبه علمى علوم التى ستئهله فيما بعد لدخول كليه الطب
وفضل دخول شعبه علمى رياضه التى ستئهله لدخول كليه الهندسه التى ستحقق حلمه فى ان يصبح واحد من اشهر المهندسين المعمارين كجده لوالدته الذى سمع عنه الكثير ولكن لم يستطع مقابلته ابدا _
قامت والدة دهشه السيده إيلول بإبعاد زوجها يوسف عن ابنتها لتستطيع هى أيضا المبارك لصغيرتها _كما تطلق عليها دائما_
(يوسف كفايه كدا انا عايزه ابركلها انا كمان دى بنتى برضو الله)
هتفت السيده إيلول بتلك الكلمات لزوجها بنبره
ساخطه
(خلاص يا ستى متزقيش  دهشه كلها اهى اشبعى بيها زى منتى عايزه ، بس متشبعيش اوى يعنى احسن تخلصيها سبيلى حته )
قال والد دهشه تلك الكلمات لزوجته بنبره ضاحكه فى محاوله منه لإغاظتها كالعاده
(ملكش  دعوه انت كمان باصص فى  الحضن اليتيم ده مش مكفيك انها هتبقى معاك كل يوم فى الجامعه عايز اى تانى)
قالت والدة دهشته تلك الكلمات بنبره مغتاظه لان صغيرتها المدللا ستذهب إلى الجامعه التى يكون والدها دكتورا بها فى قسم حراجه الأعصاب وستكون معه طوال اليوم بعد ان اعتادت على وجودها شبه الدائم معها وذلك أثناء دراستها فى الثانويه العامه فهى لم تكن تأخذ دروس فى كل المواد فقد كانت تأخذ فى اللغات فقط وتساعدها  والدتها وآخيها أثر فى باقى المواد فقد كانت دهشه معروفه بتفوقها الدراسى 
ابتسم والد دهشه لرؤيته لغيره زوجته
(انا حاسس ان فى نبره قر فى كلامك مش عارف ليه يا إيلول )
قال يوسف تلك الكلمات وهو يضحك وضحك معه كلا من دهشه وأثر

إيلول:_(وانا هغير ليه بقى هى هتفضل معاك كام ساعه بس وهترجع البيت تانى وهنفضل قاعدين مع بعض زى ماحنا عايزين  )
 
أثر:-  (لو حضرتكوا خلصتوا خناق على مين هيفضل وقت أطول مع دهشه ممكن تسمحوا ابركلها وانتو كملوا خناق بعدين)
دهشه :-( يا سلام وهو انا عندى اغلى منك يا أثور يا عسل انت ،تعالى فى حضن أخوك يا فواز)
قالت دهشه عبارتها بطريقه كوميديه
أثر :-(أثور،انا مش قلتلك ميت مره متقليش أثور يا كلب البحر انتى)
دهشه:-(تصدق انا غلطانه عشان بدلعك ، بعد مجهودالعظيم معايا فى الفيزياء والكمياء يا احسن مستر فى الدنيا كلها  )
رد أثر بنبره مغتاظه
أثر:-(يعنى أخلص من أثور تقولى مستر ، تعرفى انتى متنفعيش دكتور أنتى اخرك سواق توكتك)
اغتاظت دهشه من كلماته بشده
دهشه:-(تكوتك سامع يا بابا بيقول عليا سواق تكوتك ابو ٩٥ فى الميه)
قالت دهشه تلك الكلمات بنبره مغتاظه للغايه ثم وجهت كلامها لأثر
دهشه:-(تعرف اى انت اصلا عن طب خليك فى المثلثات بتعتك انت وملكش دعوه بالطب)
ضحك كل من يوسف وإيلول على عراكهم فهم يبدو كألاطفال حين يتشاجرو على قطع الحلوا
............................................................

قاطع شجار كلا من دهشته وأثر صوت جرس الباب
حيث أتى الجيران ليباركوا لدهشه على مجموعها
فتح والد دهشه الباب وهو يرحب بجيرانه
يوسف:- (اهلا وسهلا يا جماعه اتفضلوا)
أحد الجيران (مبروك يا استاذ يوسف لأبله دهشه على المجموع وعقبال التخرج ان شاء الله)
يوسف:-(الله يبارك فيك يا حج احمد )
أردف بها والد دهشه فى حبور
...................
ظل منزل عائله دهشه على ذلك الحال_ جميع جيرانهم  الطيبون يباركون لها ولوالديها_ لبضعه أيام

ثم بدأت بطلتنا فى الإعداد لدخولها لكليه الطب البشرى التى يدرس بها والدها لتحقيق حلمها بأن تصبح طبيبه فى جراحه القلب
ولكن هل ستستطيع بطلتنا ان تحقق حلمها حقا ام هنالك ما سيقف فى طريق ذلك الحلم .
        
         .......................................................

وبكدا يكون خلصنا برت النهاردة
وبتمنى يعجبكم💕
ومن البرت الجى ان شاء الله هتبدئ ملامح
الروايه تظهر اكتر  والشخصيات كمان

برجاء الدعم فضلا وليس أمرا😍
سلام 👐🙊