عشقها المستحيل

الفصل الثامن والعشرين

الفصل الثامن والعشرين

وقفت عليا برفقة ثلاثه من زملائها بالعمل بالاضافه الى مدام ناهد رئيستها المباشره في العمل في غرفة الاجتماعات الرئيسيه
وهي تستمع بانتباه للتعليمات التي تلقيها عليهم بسرعه وصرامه
= مش عاوزه اي غلط مهمتنا اننا هنقف بعيد متوزعين على اركان الاوضه ومعانا كل التقارير الخاصه الي حضرناها
زائد اللاب الخاص بيكم اي سؤال يسئلوه اي معلومه تتطلب منكم تكونو مستعدين ..مخكم وعنيكم ميغفلوش لحظه عن متابعة الاجتماع في حالة طلب اي تقرير او معلومه هتسلميه للسكرتيره التنفذيه الموجوده قدامك
في اربع سكرتيرات هيكونو موجودين وهما الي هياخدو المعلومات الي اتطلبت منكم وهيوصلوها للمديرين الخاصين بيهم
لتتابع بصرامه اكبر 
= احنا موجودين وكأننا مش موجودين مش عاوزه صوت او حركه او حتى نفس 
تنفذو المطلوب بمنتهى الحرفيه والسرعه والدقه اتفضلو كلكم على اماكنكم واستعدو

عليا وهي تتجه بصمت وتوتر للركن المخصص لها
= ايه ده احنا والا الي في الجيش ربنا يستر

لتمر لحظات ويفتح باب غرفة الاجتماعات و يدخل مجموعه من الرجال يرتدون البدل الانيقه 
ويتبعهم دخول سليم وبرفقته سيده غايه في الاناقه في الثلاثينات من عمرها ومعها رجل يقاربها في السن يتميز بالوسامه والاناقه
سحب سليم الكرسي بكياسه للسيده لتجلس اولا
لتضيق عينيه بتوعد وهو يلمح عليا تقف في ركن الغرفه وهي تلبس فستان ضيق انيق يصل طوله الى ركبتيها من الحرير الازرق بلون عينيها 
يظهر جمال قوامها وشقرتها الواضحه وترفع شعرها من الخلف بعقده انيقه من الحرير 
وتزين شفتيها بلون ثقيل وفاتح من احمر الشفاه مع القليل من زينة الوجه لتظهر في صوره شديدة الاناقه والجمال
  ابتلعت عليا ريقها بتوتر وهي تحاول تجاهل نظرة سليم المتوعده لها
بدء سليم الاجتماع بعمليه وعينيه تتجه بتوعد بين الحين والاخر لعليا التي وصلت لزروة توترها

سليم بصرامه وهو يوجه حديثه لسكرتيرته الخاصه 
= فين بقية المعلومات الي طلبتها

السكرتيره بتوتر تخفيه باحترافيه
= المعلومات كلها في التقارير الي قدام حضرتك

سليم وهو يقلب في الورق الذي امامه بحده
= المعلومات دي ناقصه ومش كامله

ليتوتر الجميع حول طاولة الاجتماع
المدير المالي بتوتر وهو يحاول تدارك الامر 
= سيادتك قسم المعلومات كله موجود هنا واي معلومه تحب تعرفها هما هيوفروها لينا فورا

سليم وهو يهز رأسه بعدم رضا 
= هنشوف

ليبدء الاجتماع والمفاوضات بين الجانبين وتتدفق المعلومات بين الطرفين..
وعليا تتابع مايحدث امامها بانبهار وتركيز وهي تكتشف جانب اخر من سليم لم تكن تعرفه.. جانب رجل الاعمال الزكي والمحنك
نظرت عليا بحب واعجاب لسليم لتلاحظ فجأه السيده التي بجانبه تضحك بدلال وهي تمرر يدها باغراء على يد سليم الممسكه بالورق
= براحه علينا يا سليم بيه احنا عارفين انك رجل اعمال شاطر اوي بس راعي ان شركتنا ليها خبره واسم كبير في السوق بلاش تنزل من سعر اسهمنا اوي كده