التوأمتان (الجزء الأول).....الروايه الأولي من سلسله عشق الفرسان

الحلقه التانيه

تذكرت همس شيئا ثم بكت
فزع يوسف من بكائها
يوسف بقلق:في ايه
همس ببكاء:رهف رهف عندها مشكله في القلب ولازملها عمليه وهي مش عايزه تعملها وكمان عندها ضيق تنفس
يوسف:تمام ده ايه علاقتو بأنك تعيطي
همس بسرعه:لما بتتعصب ممكن تموت فيها لو ملحقنهاش انا لازم اروحلها لازم
ثم قامت لكي تخرج بسرعه
يوسف:انا هاجي معاكي
همس وهي تحضر هاتفها:مينفعش انت لسه تعبان
يوسف بأصرار:لاء انا جي معاكي
امام اصراره وافقت
خرجوا من المستشفي سريعا
وصلوا لجهتهم ونزلوا سريعا ودخلوا
قابلوا في وجههم جاسر وعمر الذي عندما رأها هرول ناحيتها
عمر:بتنيلي ايه هنا يخربيتك
جاسر:يوسف بتعمل ايه هنا مع البت دي.فقد اعتقدها رهف
عندما استمعت لصوته عرفته فورا  فهي سمعته بالهاتف
همس بغضب:هو انت فعلا والله عندها حق انت فعلا حيوان
عمر:في ايه
همس وقد تذكرت وبسرعه:عمر رهف رهف اكيد تعبت
فزع عمر :ايه يخربيتك انتي وهي انتوا بتطلعوا منين بس يالا يابلوه تعالي معايا
ذهب عمر وهمس ويوسف بسرعه لمكتب رهف اما جاسر فلا يفهم شئ كيف تقول ان رهف مريضه اذا فمن هي(الواد اتجنن)ثم ذهب خلفهم
دخلوا مكتبها وجدوها واقعه علي الأرض  تحاول التقاط انفاسها
صدم يوسف ايضا فلم يكن يعلم انها تشبهها
ذهبت همس نحوها بسرعه هي وعمر
همس بدموع:رهف حبيبتي اهدي اهدي خدي نفسك هات مياه ياعمر
جاء عمر بالمياه وقامت همس بجعل رهف تشربها وماتبقي اخذت تضعه علي وجهها وأخذت تهدئها حتي هدأت وانتظمت  انفاسها
همس:رهوفتي انتي كويسه
اومأت لها فأخذتها همس بأحضانها
يوسف بصدمه:انتوا شبه بعض اوي ده الواحد يتلغبط
قامت همس بأسنادها واجلستها علي الكنبه ثم ذهبت لجاسر
همس بغضب:اسمع يابتاع انت كله الا أختي فاهم اختي تعبانه وقسما بالله لو فكرت تضايقها بكلمه انا هموتك فاهم
ابتسم عمر علي حبها لأختها
نظرت همس له راته يضحك
همس بأبتسامه :بتضحك علي ايه
عمر بضحك:اصلك كنتي هاديه جدا ومره وحده قلبتي سبحان الله
ضحكت عليه ثم توجهت لرهف
همس :رهف انتي هتيجي بكره المستشفي وانا اللي هعملك العمليه انتي فاهمه
هزت رهف رأسها بلا
همس :يووه يابنت الناس الكويسه انتي عايزه تموتيني انا دكتوره وفاهمه ان العمليه مش هتأذيكي.دي نسبه نجاحها 90في الميه
رهف بدموع:هموت لو عملتها ومش هشوفك تاني
قامت همس بمسح دموعها:ياقلبي والله هتعيشي صدقيني
اخذوا يحاولوا اقناعها ولكن دون جدوي
همس بنفاذ صبر:رهف انتي لو ماعملتيش العمليه انا هقول لبابا تمام وانتي حره
رهف بسرعه:بابا مينفعش يعرف
لم تعيرها اهتمام
همس ليوسف:اتفضل معايا عالمستشفي عشان جرحك فتح
أوما لها وذهب معها
عمر:هروح اجيب حاجتي وهاجي عشان اوصلك
خرج وبقي جاسر فقط معها
جاسر بندم :اسف مكنتش اعرف انك تعبانه
لم ترد عليه
جاسر بجديه:بس انتي لازم تعملي العمليه
نظرت له ثم قالت بهدوء:انا مش هعملها لو عملتها ممكن اموت
جاسر :ولو روحتي مهمه وخدتي طلقه مش هتموتي.
نظرت له بصدمه
جاسر:مش دي الحقيقه خايفه تموتي من عمليه نسبه نجاحها90في الميه ومش خايفه في غفله ان ممكن طلقه تموتك صمت ثم اكمل عارف انك اكيد بتكرهيني وعندك حق مشوفناش بعض غير امبارح وشوفي حصل ايه بس بجد انتي لازم تعملي العمليه في ناس حواليكي بيحبوكي وعايزينك معاهم فممكن مره من المرات تبقي لوحدك ومحدش يلحقك ولقدر الله يحصلك حاجه ساعتها هتندمي وهتقولي ياريتني عملت العمليه وصدقيني ربنا لو كاتبلك انك تموتي النهارده هتموتي مع تعدد الأسباب(تعددت الأسباب والموت واحد)لازم يكون عندك ايمان كافي بربنا وتبقي عارفه انه اكيد كاتبلك الخير فكري في كلامي كويس عن ازنك.
جاء ليذهب ولكن اوقفه صوتها
رهف بندم:انا اسفه عالطريقه اللي اتكلمت بيها معاك بجد
ابتسم لها:ولا يهمك ثم اكمل بمرح صافي يالبن
ابتسمت :صافي
ابتسم لها وذهب لمكتبه وجاء عمر وهمس مره اخري وذهبوا جميعا للمطعم.. تناولوا غدائهم وذهبوا لمنزلهم .
ظلت طوال الليل تفكر في كلامه فلا تنكر فقد اقتنعت بما قاله هي فقط كانت تحتاج لدعم مثل هذا.
نامت من كتر التفكير وهي قد قررت خود التجربه
رهف بعزيمه:انا هعمل العمليه واللي يحصل يحصل(تصجيفه👏)