رشا: ههههه مزية قولتيها او هنيتيني ههه تقول انا كنت ميتة على لقرايا
المديرة : اخرجييي علياااااا خرجت راشا او هي تتبسم
¶¶ رشا طفلة في عمرها 18 سنة تقرى سنة 3 زيام فاليسي جوز الباك ، طفلة بلوندة عينيها خضورا كبار ومشفرين يسحرو ، نيفها صفير وشواربها منفوخين ، شعرها طويل فلكحل . لطاي ديالها تهبل او هي متوسطة فالطول مربوعة القد ¶¶
هذه هيا رشا⏬⏬
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بديعة : بهدلتي بينا هادي هيا تربيت يماك
رشا: شوفي متزيديش تجبدي يما ، يما خاطياتك بديعة : راك تسمع في بنتك لي ماشي مربيا
رشا: صح كي مربية عليك شدها جمال او بدا يضرب فيها قدام كامل ليزيلاف( تلاميذ) رشا دمعة ماطاحت من عينيها
جمال : ولله غير نربيك يالكلبة امشي لدار
رشا: ههههههههه
بديعة : شوف لي متحشمش لي تقادر باباها
رشا: نزيد نقادرك وقيل مام نتي
جمال : شدي فومك يالكلبة شدها جمال مشعرها او كركرها لطونوبيل هي كانت تمشي او متحس بحتا وجيعة ، الوجيعة تع صح ديالها في قلبها وصل لدار ربطها فالشجرة تع ساحة دارهم او بدا يضرب فيها او يعيط او يسب هي دمعة ما طاحت من عينيها او حتى الخزرة مخزرتش فيه ، شي هدا لي خلى جمال ميحبسش من الضرب ضربها حتى عيا
جمال : يابنت الكلبة ولله غير نربيك ، ليوم تباتي هنا برا ، ونتي يا بديعة بالاكي يحن قلبك ليها او تقوليلي ندخلها لدار
رشا: هههههههههههه شكون احن عليا
بديعة : انا طول عمري ونا نحب نكون كي يماك بصح نتي لي تبعديني عليك ، جمال تعرفني بلي نحب بنتك بصح شوف معاملة ديالها ليا
جمال : علابالي علابالي مي نربيها ، امشي ندخلو خليها كي الكلبة هنا. دخل جمال او بديعة او خلاو رشا للبرد ، رشا محستش بالبرد كانت تحس غير بالنار لي شاعلة في قلبها ، لي متطفا حتى تموت. ¶¶ جمال هو اب تع رشا ميستهلش كلمة اب ، هو ضالم همو برك يرضي مرتو لي هي بديعة😈 مرا تبين الحب ديالها لرشا قدام ناس او قدام جمال ، او في صح العكس ، جمال تزوج ببديعة مور ما ماتت مرتو (يمات رشا )او خلات رشا في عمرها 10 سنين.
••••••••••••••••••••••••••••••••••••••••••••••• هاذ لحكاية بزاف شابة طفلة هاذي صلبة يقتلوها متبكيش غير تضحك في وجوهم معلابالها بحتى واحد
