مۘــنۨ ا̍نۨــٺــڦــٰٱ̍مۘ ٺــحۡــﯡڸ ا̍ڶــۍۧ حۡــب

P.A.R.T 28

رشا راحت عند بديعة او جمال ،كي فتحت بديعة الباب لقاتها رشا

تعمرو عينيها بدموع او هبطت راسها

رشا: راو هنا راجل

بديعة: ايه ادخلي ادخلي

•دخلت رشا او شافت طفل الصغير قاعد فالقاعة او ياكل مورسو خبز او يخزر فيها، 

حست بالقنطة او عينيها تعمرو بدموع مي سيات تحبسهم باش ميشوفوهاش تبكي

بديعة: هادي بنتك

رشا: اااه، واش من مرحلة راهو

بديعة : مفهمتش

•دخل جمال مهبط راسو

جمال: المرحلة اللولة بصح لوكان ميداواوش في اقرب فرصة راح يمشي فيه او يولي صعيب يداوا او نقدرو نخسروه

••بديعة طرطقت بالبكا

•رشا قعدت تخزر في ياسين عندهم شبه كبير مع بعداهم ⏬

تعمرو عينيها بدموع ، عطات ايلين لبديعة

،او هي قعدت فالقاعة تلعب معاه او دغدغ فيه كانت عندو ضحكة تهبل

رشا مقدرتش تحكم روحها وبكات

رشا: تكاليف تع العلاج ديالو عليا او ويدا طلب الامر ندوه للخارج انا نديه او غدوا نجي نديه يقعد عندي ، خير من هاد الكوري.

جمال: هاد الكوري تربيتي فيه او كبرتي فيه

رشا: ايه و انت خليتو اورحت شريت دار بدراهم لحرام بعت تراب تع يتيمة او شريت دار،

مي فالخر عاوت وليت لوين كنت ربي مينساش عبدو

جمال: الله غالب غرني الشيطان مكنتش علبالي واش كنت ندير

رشا: هههههههههه انت هو الشيطان انت او مرتك

بديعة: سمحيلنا يابنتي ولله راني ندمانة ،وكلت وليدي دراهم لحرام ملي كان في كرشي او دوك راكي تشوفي ربي راو يخلص فينا

رشا: ندامة متنفعش في هاد الوقت

بديعة: نكون خدامة عند رجليك داويلي وليدي او رديهولي لحجري

جمال: مراناش نطلبكنز . والو غير داوي خوك

رشا: بشرط

بديعة: اشرطي لي تحبي راني قابلة

رشا: كي نداوي ياسين متزيدوش تشوفوه نربيه انا او يكبر معايا

بديعة: علاش يابنتي هاد المنكر كامل

رشا: هادا هو شرطي جمال: رانا قابلين داويه برك يديعة: يابنتي رشا متحرمينيش من وليدي

رشا وقفت نحاتلها ايلين او خرجت ،خرجت موراها بديعة طايحة فالقاعو او شادة رجل رشا او تبكي

بديعة: يابنتي داويلي وليدي راني قابلة بالشرط ديالك راني قابلة

رشا جبدت رجلها او طلعت في طونوبيلتها راحت لدار لقات كمال فدار راحت عنقاتو اوبدات تبكي او هو يمسح على راسها

كمال: واش صرا علاش هاد لبكى

رشا: ياكمال لوكان تشوفو مايستاهلش راهو صغير باش ايموت، ملزمش نخليه ، م

ي جمال او بديعة راح يخلصو كلش.

كمال: خلاص هدني روحك ايه اخلصو كلش متقلقيش روحك، اطلعي ريحي شوية او مبعد نحكو.

رشا طلعت البيتها او نسات صاكها