مۘــنۨ ا̍نۨــٺــڦــٰٱ̍مۘ ٺــحۡــﯡڸ ا̍ڶــۍۧ حۡــب

P.A.R.T 07

••رشا نسات روحها او هي ترسم لماكلة او مكلتهاش قعدت ترسم او تخمامها كامل فالخيال ديالها باش ترسم كيتكون ترسم تنسى حتى روحها شكون. جليل راح رضى صاحبو ادم او قالو يروح يخلص رشا باش ميحصلوش بيها،

••لحقت 20:00 حتى سمعت رشا صوت ضحك فدار عرفت بلي باباها او بديعة دخلو لدار خرجت عندهم رشا: يااه واحد الراحة بلى بيكم فدار ، لبغومياغ فوا ليدرتوها لوكان خير تولو ديروها ديما

جمال: راني فرحان لدرجة نتي متقدريش تخسريلي فرحتي

بديعة: ولله تقول مراهيش كامل تهدر

رشا: باباباباباه اهيه تحكولي وشنو هاد الفرحة بديعة: راني بالجوف قريب نجيبلك خوك

رشا: ههههههههه خويا ههههههه امم مليح مبروك عليكم 😔

جمال: لله يسلمك

بديعة: لعقوبة لزواجك رشا شافت القديان او ساشيات او شافت غير لمواكل الغاليين او الخضرا مكل نوع الفاكية ،

خزرت في باباه

رشا: منين كامل هاد الشي

جمال: منعندي

رشا: هههه ايه مي منين جاوك الدراهم

بديعة: يا طفلة احشمي هكدا تهدري مع باباك

رشا: راكي قولتيها بابا معنتها معندو مدخلك فيا نهدر كيما نحب معاه

جمال : اي رشا قادري روحك او خلي روحك تباتي بلا ضرب ،، رشا خزرت في بديعة او شافت في يدها براسلي ذهب خشين او عريض لعبت عليها الدوخة، راحت تجري مساتو بش تتاكد بلي ذهب او بديعة تسيي تجبد يدها ناضت رشا او بدات تعلي في صوتها

رشا: منين جاوك الدراهم دوك تقول منين جاوك الدراهم؟

جمال: دراهمي بديعة: ياطفلة هبلتي

رشا: راني نقولك منين جاوك الدراهم

جمال: قلتلك دراهمي،، رشا بدات تخبط في وجها او تبكي او تعيط خبشت كامل وجها ولا كامل دم

رشا: دوووك تقول منييييين جبتهم ، ولله ويكون الشي ليدرتو ليراهو في راصي ولله نقتلك نتا ومرتك او وليدك ولله يابابا او تكون خدعتني او درت هاد الشي

جمال: بلعي فمك مادرت والو دراهمي

رشا: ولله لمندمتكومش كامل كيما راكم منتسماش ••خرجت تجري مدار حتا جبدتها يد ••

بديعة: متحشمش بنتك متحشمش اجري اجري دخلها لدار قريب مديرنا تبهدايل

جمال : دوك نضبحها او نشرب من دمها خرجو يجرو لبرا لقاو جليل شاد يد رشا

رشا: أطلقني أطلقني

جليل: وشبيه وجهك😯

بديعة: يعطيك الصحة سي جليل كي شديتها ، كانت حابة تهرب مع صاحبها، او تحط راسنا فتراب

جمال: سي جليل😨😨😨 ، قعد شاد يدها نجي نربيها ..

جليل قعد مخلوع فيهم، خزر في رشا شافها تبكي او وجها المندوب او تترجى فيه

رشا: طلقني تعيش طلقني خليني نروح ،،جليل قعد يخزر في عينيها لمعمرين بدموع او كيفاش تترجى فيه باش يطلقها بلى محس طلقلها يدها او هي هربت تجري

جمال: سي جليل علاش تطقتها

جليل تكاكا مع روحو او خزر في جمال

جليل: لالا هي هربت

بديعة : راك تشوف ياسي جليل حبت تهبلنا هاد الطفلة

جليل: علاش هربت او وشبيه وجها

جمال: هي ندبت وجها بروحها

بديعة: شحال من مرة تهرب مع صاحبها او ليوم كي مخلينهاش تخرج دارت هاد شي كامل

جمال: اولي تخرج على 8 تع ليل وين رايحة من غير صاحبها

جليل: اااه ربي يهديها ان شاء لله جمال: امين بديعة: نشالله مي واش شقاك السي جليل

جليل: ااه صاح جيت باش نعطيلها حقها تع السلعة ليوصلتها البارح، هاك جمال مدهوملها

جمال: ايه ان شاء لله يعطيك صحة

جليل: بقاو على خير

بديعة: بسلامة خرج جليل يجري طلع فالطونوبيل او بدا يحوس عليها ،حوس في كل بلاصة ملقاهاش_(اااووف وين راهي سور كان يستنى فيها صاحبها او راحت معاه، او انا واش دخلني علاش نحوس عليها اوووف) رشا راحت قعدت فالبحر تبكي على حياتها_(ولله لوكان نلقاه دار واش راه في راصي غير نقتلو)، قغدت تخمم واش دير دوك كي خرجت مدار