مۘــنۨ ا̍نۨــٺــڦــٰٱ̍مۘ ٺــحۡــﯡڸ ا̍ڶــۍۧ حۡــب

P.A.R.T 03

•••••نكملو وين توقفنا •••

ادم: اايه جيت عندك جمال سمحلنا لبارح عيطتلنا او قولتلنا بلي تدي نهار او قبلنا، مي طاحتلنا خدمة او لازمك تجي ، جمال خزر في بديعة لقاها تخزر فيه خزرة تع متنساش واش تفهمنا البارح !!

جمال: سمحلي سي ادم مي منقدرش

ادم: جمال خدمتنا متستناش

بديعة : سي ادم واش لازم ايجيب اليوم

ادم: سلعة ماشي بزاف 3 كراطن برك بصح نسحقوهم اليوم

بديعة: سي ادم حنا عندنا شغل مهم ،بصح معليش تروح رشا

رشا: وشنو هههههههه راكي تنومي

ادم : ايه راني قابل المهم السلعة تلحق فالوقت جمال خلاص رشا هي تدي بلاصتي اليوم

رشا: هههه استناو دوك نروح نجري واقيل هبلتو تبعتوني نخدم عليكم جمال راح عندها او نار تخرج من عينيه او بدا ينحيلها فالحبيلة نحاهلها ،وققت رجليها او ضهرها يسطرو عليها

ادم: خلاص فريناها مدموزال رشا هي لتوصلنا السلعة

رشا: ههه قالي مدموزال هههه شوف يالي معلبليش شكونك متستنا مني والو او منجيبلك والو

جمال: سي ادم متتقلقش دوك نوليلك دقيقة

•• جمال جبد رشا من يدها دخلها لدار قعد يهدر معاها ،ادم كان حاب يعرف واش راو يصرى بيناتهم ، خرج جمال او رشا موراه بسنا مقلقا

رشا: سي ادم اعطيني لدراس (عنوان) باش نجيبلك سلعتك

ادم : هاكي او تروحي بالموطو تع السلعة ليراهو عند باباك او كي جيبي سلعة جبيها لهنا لادراس

رشا: داكوغ سي ادم

•• رشا دخلت لدار او ادم قعد حاير كيفاش قبلت، قالهم بقو على خير او راح او هو يخمم في رشا او سبة لي خلتها تقبل ، جمال او بديعة وجدو رواحتيهم باش يخرجو ، رشا خرجت مدار رفدت الموطو(هدا موطو تع الخدمة فيه بلاصة وين تحط سلعا لجيب) ، بديعة او جمال وصلو لبلاصا ليكانو ريحين ليها

بديعة: دوك نترفهو😍 نتهناو من الفقر

جمال: ولله راني مقلق او خايف تسمع رشا

بديعة: خايف من هاديك صافي نعيشو فقراء وحنا نقدرو نكونو مرفهين

جمال: لالا مي لوكان قلنالها

بديعة: واش بدلت رايك بديعة بدات تحس بدوخة

بديعة: جمال شدني شدني حاندوخ

جمال شدها او رفدها لطونوبيل مي هي كانت دايخا جمال: بديعة بديعة افطني بديعة مفطنتش ،خاف عليها او طار بيها لسبيطار لقاوها رفدت بالجوف جمال قريب مات بالفرحة او بديعة تنيك

جمال : يا بديعة نحبك نحبك نموت عليك كي فرحتيني

بديعة: ايه لتحبني او تحب وليدك ليراهو جاي ، دير الشي ليبديناه او خلينا نتهناو او وليدنا يعيش مهني جمال : ندير كلش على جالك او علجال وليدنا

•• رشا جابت السلعة او راحت وين لازم تديها مي كيكانت تسقسي على لادراس كامل قالولها على أوتال(فندق) هي دارت في بالها بلي تديهم لشريكة ، وصلت قدام لوتال لقات ليجوغناليست فكل بلاصة او غير طونوبيلات بشوفوغ ديالهم او ليهبطو منهم غير نساء لكلاس او حطا مع رجالهم ولا صحابهم او يمشو على طابيغوج (سجادة الاحمر) او لڨردكور في كل بلاصة رشا حبت تدخل او تعرف واش كاين بدات تمشي او تقرب لدخلا تع لوتال، او كانت حابا تمشي على طابيغوج حبسها الكاردكور

..._اي وين داخلة رشا: لداخل ...._مكاش دخلا هنا ماشي اوتال تع حومتك ايا ولي منين جيتي رشا: اي وشبيك راني معروضة لهاد لبلاصة

... _ههههههه نتي راكي معرودة هنايا شفتي روحك😂

رشا بدات تعيط او تعلي في صوتها او تضرب مع الڨردكور او هو يطبع فيها و يحاوز فيها او هي تماك ليتزيد تعيط دارت تبهدايل بعياطها كامل قعدو يخزرو فيها او يقولو شكون هاد المهبولة.