مۘــنۨ ا̍نۨــٺــڦــٰٱ̍مۘ ٺــحۡــﯡڸ ا̍ڶــۍۧ حۡــب

P.A.R.T 02

بديعة راحت عند جمال او بدات تطلق في روحها بديعة: جمال ياك غدوى نديرو واش تفهمنا

جمال: ولله ماعلبالي ،او راكي تشوفي رشا كيفاش راهي هاد اليمات بديعة: معنتها بنتك خير مني اه جمال: لا لا مي لوكان تعرف متقبلش او هلبالك بديعة:وعلاش تقبل ولا لالا واش راح نسقسوها وقيل جمال: علبالك بلي لزهم هي تقبل

بديعة: جمال انا ونتا نعرفو صلاحها خير منها او لوكان جات تعرف صلاحها كانت قرات كي لبنات ماشي يحوزوها مالمسيد

جمال: خلاص يلالة غدوا نروح انا وياك او نفرو هاد المشكل بديعة: ههه هاوليك راجلي لعزيز كي يخمم في مصلحتنا كامل

جمال: موهيم ترداي علينا

بديعة: غدوا ياك نروحو لوكان تبدل رايك او منروحوش غدوا نساني نرفد حوايجي او نروح لدارنا

جمال: علاش هاد لكلام قوتلك غدوا معنتها غدوا بديعة: ههههه نحبك جمال: تشوفي انا نموت عليك ايا نرقدو (جمال رقد كلي كلب ليخلا برى ماشي بنتو رشا كانت رقدا او حست يد تحطت عليها او تسمع صوت ايقوللها)

..... _ختي ختي راكي مليحة ، رشا حلت عينيها او قعدت تخزر فيه جامي شافتو فقت مع روحها

رشا: ونتا واش دخلك راني مليحا ولا لالا

أدم : شوفي وجهك مضروب كامل ادم حط يدو على وجها

رشا: نحي يدك عليا متمسنيش

ادم: اي قباحتك خليها عندك راني قلتلك

رشا: اوووه راني ميتا بالخوف

ادم: مي نتي مهبولة انا نسي نعاونك او نتي تهدري معايا هكدا

رشا: واش دخلك فيا انا قلتلك عاوني هدرت معاك ااه ادم : متقوليليش ليلة كاملة ونتي راقدا هنا حتى طلع النهار

رشا: معندو مادخلك بديعة سمعت الحس برى خرجت لقاتو ادم راحت تجري عندو

بديعة: ايه عسلامة عسلامة سي ادم

ادم: لله اسلمك ، مي قوليلي شكون هاد الطفلة

رشا: واش دخلك ادم: هههههههههههههههه

بديعة : ايه سي ادم ههه خليك منها مهبولة

رشا: نتي المهبولة ، ونتا علاش راك تدحك كلون هنا ادم: لالا راني ندحك خاطش ملي جيت ونتي تعرفي غير واش دخلك ماعندو مادخلك ،متعرفيش كامل تهدري

رشا: ايه مدخلش روحك ادم: هههههههههههه

خرج جمال كيسمع الحس جمال : ايه عسلامة سي ادم وشراك كيفاش حوالك

ادم : الحمدلله مي قلي شكون هادي جمال تلفتلو الهدرة كيفاش ايقول لمعلم ديالو بنتي او هي مربوطة هكدا جمال : ايه بنتي ادم: بنتك؟؟ اه بنتك ديرلها هكدا؟ فهمني!!

جمال تلفتلو الهدرة او بديعة باش تبين بلي عندهم الحق كي دارولها هكدا

بديعة: يا سي جمال لوكان تعرف هبطتنا رسنا لتراب

ادم: مفهمتش! بديعة: هربت مع وليد الجيران ليمتستحيش بهدلت بينا او قعدت عندو بلى زواج حبطتنا ريسنا ،او ربطناها باش نربوها شوية جمال خلع كيفاش هدرت بديعة هكدا، مي لقا هكدا خير باش اسلك روحو، رشا كيسمعت بديعة تهدر هكداك بدات تدحك بهيسترية

رشا: ههههههههههههههههههه😂😂 ادم قعد يخزر في رشا او عينيها ليباين الحزن فيهم، مي كانت تدحك او مسياتش تكدب كلام بديعة ولا دافع على روحا ، ردت فيعلها كانت الدحك _(باين بلي دارت هاد الشي لوكان بديعة كدبت كانت دافعت على روحها)

جمال: راك تشوف سي ادم واش دارت كامل فينا او مزالها فرحانة او تدحك

ادم : اممم مي سي جمال متنساج مرا دخلت لنار خاطرش ربطت قطة او خلتها بلا ماكلة ، فما بالك في انسان نتمنى منزيدش نشوف هاد الشي عند الخدامين ديالي جمال: نشالله سي ادم بديعة: سي ادم غير الخير واش جابك عندنا