#الحلقه 3 🔥
من رواية عودة المتمردة🔥
جيداء: كيف هكي ماما أنا منبيش نتزوج راه عمري 20 خيرك
مآب: هدا قرار حناك وأنا موافقه وخوك موافق مش لازم توافقي
جيداء: باهي باه خلاص معش نبي نتكلم معاك ديروا الي يريحكم منغير شوري وتفرجوا اعلي يلي بصير
مآب: صكري أعليا فمك هذا كله لي مصلحتك
زُهرة: في ياماتنا نتزوجوا من 15 وكان وحده قعدت لي 20 تعنس جدك بوعجيله الله يرحمة أمتى خطبني و بعدين شفته واقف جنب السيارة البيضة الي مش عارف شن لونها و...سكتت...وقعدت هايمة تتفكر🌸🌸💥
جيداء: شن تخرف هيا 😒
•*•*•*•*•*•*•*•*•*•*•
أحمد: شاد الشنطة متع السفر.....أمتى بتلحقني لي كندا
زياد : الأسبوع الجاي .... أقعد نمشوا مع بعض
أحمد: عيلتي كلها تستنى فيا في المطار منقدرش
زياد: توصل بالسلامه
•*•*•*•*•*•*•*•*•*•*•
مر اليوم أعلي جيداء وهيا تخطط وتفكر شن أدير ومصدومة كيف قاعد يبيها بعد كلامها معاه💔
•*•*•*•*•*•*•*•*•*•*•
أما عند مروان يشوف فيها تحدي ليه وفهم انها متبيشي بس يحب الحاجه الواعرة🔥 الي متجيش بالساهل و اكتر حاجه خلاته يتمسك بيها عيونها
وشكلها😍
•*•*•*•*•*•*•*•*•*•*•
للـكـاتــبــة:
أُمْ الْـــــخِـــيــــرْ🔥❤عــــائـــشـــــةخـــالـــد الـــمـجـــراب❤
*•*•*•*•*•*•*•*•*•*•*•
تاني يوم⛅
عند نور في المدرسة🏫
أبلة العلوم: تخبط ع الطاولة وقالت بصوت عالي...... علااااش مزال نسمع في صوت😠
نور: لأن عندك وذان😂
أبلة العلوم: يا قليلة الادب اوقفي ع الحيط
نور: معندكش الحق توقفيني اصلا انتي سألتي وأنا جاوبتك بس ... نسحابه جزء من الدرس ......
•*•*•*•*•*•*•*•*•*•*•
بعد ماروحت نور من المدرسة ✴
مآب: نور تعالي انتي وجيداء
نور :شويه بس خلي إنادي أعلي جيداء وأنجي ... ومشت لي جيداء ...تعالي تبينا ماما
جيداء: توا نجي بري انتي... ومشت وراء نور
مآب: جيداء نور .... أساور حامل وأمها وخوتها بيجوا تعالوا طيبوا أنا بنضم الحوش
جيداء: وااك باه
