الحلقة 5 ما قبل الأخيرة🔥
# عودة المتمردة🔥
كريمة: روحت لي الحوش.... بنتي انتي استريحي شويه بعدين عندي محاضرة
نبيك تقعمزي بحدانا بلكي تقدري تذكري حاجه
جيداء: تمام
⏳فات الوقت وخشت منال الحوش مع خمسة بنات
كريمة: مرحبا تفضلوا قعمزوا في الصالة شوية ونجيكم ... ومشت لي جيداء... بنتي تعالي معاي
جيداء: مشت معاها لي الصالة وقعمزت جنب البنات
كريمة: اليوم حنديروا مقارنة بين الأديان
في معتقد الإلـه علاش اخترت الإلـه لأن أساس الدين الإلـه صح ولا بما ان مفيش وحده يهودية بينكم فأنا حنتكلم اعلي اليهودية كيف معتقدهم في الإلـه طبعا إلـَـه اليهودية يأمر بالقتل ويأمر بالانتقام
وان كل متخش لي قوم اقتلوهم بالكامل يقتلوا حتى الحيوانات هادي عقيدة الثورات الي هما اليهود مفيش حد يخش لي دينهم يعتقدوا انهم شعب الله المختار وان إلاَههم هما بس والباقي كلهم عبيد و خدم تمام هكي عندكم صورة اعلي اليهودية ان إلاَههم قبلي إلـَـه خاص بي بني اسرائيل ومفيش حد يخش اليهودية الا الي امه يهودية ،.. إذاً اليهودية قومية اكثر من انها ديانة توا نبوا نريمان تنوض تحكي اعلي تجربتها في الدين المسيحي قبل ما تخش الاسلام تعالي نريمان بحداي.
نريمان: مشت جنب كريمة ...... انا طبعا مش مقتنعة بالمسيحية من وانا عمري عشرة سنين نسأل و نبحث اعلي الحاجات الغيبية فبحث هلبا لين لقيت الإسلام فيه كل شيء اني محتاجاته
كريمة: باه قولي لي صاحباتك أعلي معتقد المسيحية في الإلـه
نريمان: معتقدهم ان سيدنا ادم أخطأ ان أكل من الشجرة في الجنة فتوارث أبنائه هذا الخطأ أصبح كأن خطأ جيني فاللّه _سبحانه وتعالى_ بعث إبنه الي هوا السيد المسيح عيسى باش يرفع اعليهم هذا الخطيئة ، عندهم أن اللّه قوي و محبة فمن رحمة الله _ سبحانه تعالى_ باش يرفع الخطيئة بعث إبنه باش ينقذ سلالة ادم وبعث إبنه وضحى بيه في سبيل البشرية .
منال: كيف ضحى بولده و هوا إلـَـه ، معقوله الإلـه يضحي بولده ميقدرش يغير فيهم منغير مايضحيش بولده كان ملك مخلوق لي مخلوق يقدر يقتل الشعب كله ميضحيش ، هذا ضعف مش الإلـه من صفات الإلـه هي القوة والسيطرة المطلقة
نريمان: أيه صح وهذا الي خلاني نبحث في الديانات
كريمة: قعمزي يا نريمان وشكرا ليك
جيداء: تسمع فيهم ومستمتعة😊
..وتحاول تذكر في شن صار معاها
كريمة: توا عرفنا الإلـه عند اليهودية إلـه قبلي و عرفنا ان الإلـه عند المسيحية ضعيف مش قادر ينقد إبنه
تعالوا لي معتقد الإلـه في الاسلام الإلـه من خلال صفاته_ ليس كمثله شيء _{قل هو الله أحد الله الصمد لمـ يلد ولمـ يولد ولمـ يكن له كفؤا أحد } ان الله على كل شيء قدير الله محيط الله هو الرزاق الله هو الرحيم كل صفات الألوهية في المنطق وفي القوة في جميع منظومات البشرية وخبرات البشرية إلـَـه المسلمين في كل صفاته واسمائه تليق بالإلـه
ولاحظوا ان اكثر ناس أقرب للإسلام هما العلماء وفي أية قرأنية تقول
{ انما يخشى الله من عباده العلماء} علاش العلماء بالذات لأن العلماء يشوفوا في دقة الكون يشوفوا في شساعة الكون وسعة ودقة القوانين يقولوا ان الارض لو فى المجال متعها شوية جاذبية زيادة او حاجة في نسبة تلخبطة من اي مادة طبيعية تطربق الكرة الارضية مع بعضها يشوفوا في الضبط الغير عادي يشوفوا في المايكروا الي هيا الكائنات الدقيقة الي في الأرض ويشوفوا في المايكروا الي هو الفضاء والكواكب يقولوا معقوله الكون هذا كله معنداش حد خالقه فيبحثوا يلقوا في الإسلام احسن دين توا في اكتشافات جديدة اكتشفوا ان في طرق في السماء ف استغربوا وقعدوا يدورو اعلي مصدر هذا الطرق القوى فأكتشفوا ان مصدره نجم في الفضاء امتى تسمعوا صوته تحسي كأن طرق اعلي خشب ف العلماء سموه مطرقة الكون حاولوا يبعتوا اقمار وحجات تقرب منه فكل مايبعتوله حاجه تتفترش لين جاهم عالم مسلم قاللهم هذا موجود في القران فكلهم استغربوا القران ليه1400 سنه كيف موجود من 1400 في القرآن وحني توا كيف اكتشفنها
قعد يفسرلهم في سورة الطارق( والسماء والطارق وما ادراك ما الطارق النجم الثاقب ) العلماء تأكدوا من كلام الراجل هذا الي جابلهم الأية وتأكدوا ان كلامه مزبوط مقارنتاً بالأديان الدين الإسلامي اقوى دين ف أسلموا__ اهني وصلنا لي ان الله موجود .
