الحلقة 6 والاخيرة🔥
من رواية عودة المتمردة❤
جيداء: مشيتلها ... خالتي نبيك شوية
كريمة: أن شاء الله خير
جيداء: اذكرت كل شيء اسمي جيداء لكن .....اه مش عارف كيف بنبدالك
كريمة: احكي اعليك الأمان ح نسمعلك لي النهايه مهما كانت قصتك
جيداء:احكيتلها اعلي امها وخوها وطريقة تعاملهم معاها وكيف بجوزوها بالغصب
و أعلي حناها كيف متعرفش تتعامل معاها
واعلي صاحبتها الي شجعتها تهرب وأمنتلها كل شيء وبعدين خانتها.....الخ
كريمة: باه كملي
جيداء: اني بصراحة عندي عقدة من الحجاب حياتي الي يشوف فيها مجتمعي عاديه كانت سجن يضيق اعليا حريتي حياتي كانت كلها يمشوا فيها عيلتي كيف مايبوا عمرها أمي ماجت فهمتني الإسلام شن يكون ولا ربي مني نصلي ونصيم من غير منعرف علاش وشن الفايدة كانت أمنيتي ان أمي تجي تقولي الحاجات الي تعلمتها منك ان ربي عنده قوه مكنتش نعرف.... كل شيء بالضرب كانت أميتي ان حناي تكون زيك في تقافتك مكنتش نعرف شيء كانت امنتي أمتى تقولي الله أكبر نعرف ان الله أكبر من كل شيء هيا كانت زمان تشوف في الله أكبر من السانيه الي عندهم ولا الله اكبر من الجبل ولا اكبر من المدينة الي هيا فيها مكانش عندهم تلفزيون ومشافوش العالم الي نشوف فيه خلوني نطلع من ديني .. تتكلم وهيا تبكي...
كان مفروض نكون انسانه طيبة هدا الي صليتله في الغيب علاش فيلم حياتي كله مشوش وين كل التضحيات الي مكسبتش منها شيء .. وقعدت تبكي بحرقه ع الشيء الي دراته وان هربت من عيلتها
كريمة: انتي طلعتي من الإسلام
جيداء: ايه..... منقدرش نوصفلك شعوري ياخالتي من امتى جيت لي كندا جتني كأبة عندي الجمال والتحرر لكن غابت اعليا راحت البال غاب الجانب الروحاني الي يربطني بربي وغابت عيلتي
كريمة: معنها هادي عودة المتمردة
جيداء: كيف
كريمة: بنت صغيرة تمردة وطلعت من دينها وطلعت ع القانون وتوا تبي تولي
جيداء: حياتي كلها ادمرت.....حضنتها وهيا تبكي .....خالتي عندك مصحف
كريمة: ايه بري اغسلي وتوضي وخوديه
جيداء: تمام ..نضت أغتسلت و جيت لي خالتي
كريمة: ابتسمتلها❤
جيداء: اشهد ان لا اله الا الله واشهد ان محمد عبده ورسوله❤❤
كريمة: اعطتها المصحف ..وطلعت
جيداء: خديت المصحف وفتحته عشوائيا أنفتح اعلي سورة الاسراء وجت عيني أعلي الاية (37) { ولا تمشي في الارض مرحا انك لن تخرق الأرض ولن تبلغ الجبال طولا} ......قعدت نبكي بشدة قعدت نردد في الاية ونستشعر في معناها انا درت ذنب بعدين شني حرية مزيفة ومتعة زائلة كل الي درته هوا تقصير في حق نفسي وتجاوز لي تعاليم ديني خديت لاب توب وبعت رسالة لي خوي علي ندمي وبعتت رسالة لي امي لكن منلتش منهم الا حظر لي حسابي رفضوا ان نوليلهم و معاهم كل الحق لأن الي درته كان ذنب مينغفرش شوهت سمعت عيلتي في اليوم هذا قعدت راقده ومابيتش نطلع من الدار خفت ان تلزني خالتي كريمة مع ان كان تعاملها كويس لكن خفت ان تفكر وتقول تجيبلي العار …
