ونيسة ادم
(الحلقه 9.... حقيقيه) ❤️🔥🧡مَــــــــرْيــــــٰـــوومـــٰــــههٌ🧡
أيات جت تجري داهشه:تعببب هي نقعمزو
عبدو يضحك:مش منك هي تعالي نقعمزو هني
أيات ضحكت و مشو قعمزو و يهدرزو و يضحكو و جووهمم يييههبللل
الشاب:أيات
أيات تلفتت و نصدمت
أصيل:هههههههههه شن اتديري هني....و شاف لعبدو من فوق للوطه و بعدين رجع عيونه على أيات
أيات نزلو دموعها بس مسحتهم ع طول و تلفتت لعبدو:نمشو؟
عبدو يشوف و مستغرب:اي هيا...و ناضو بيمشو
أصيل شد ايدها:استني بنوريك حاجه
عبدو رفع حاجبه و شاف لايديه
أيات ماسكه دموعها متبيش تبين انها ضعيفه قدامه....سحبت ايدها و تلفتتله:شنو بسرعه
أصيل قرب منها و بصوت هادي:شوفي غادي...و أشر على بنت
أيات شافتها كانت بنت حلوه هلباا جمالها فاااتتنن
أيات حاولت تشد دموعها بس ع طول دمعتها خانتها💔
عبدو:مني انت....ايات انتي بخير
أصيل:ممكن تمشي شويه نبيها في شي
عبدو شاف لأيات....أيات هزت راسها بمعنى امشي
عبدو ماسك اعصابه مش فاهم شي بعد عليهم و هوا في رأسه الف سوال
أصيل حاط ايديه في جيوبه و باتسفزاز:شن قلتيلي انت؟ قلتي ح اتدور تفاصيلي عند غيري....بس شفتي الجمال هادا كله ميجي شي بحداك
أيات دموعها ينزلو:ربي ينتقم منك و يحرق قلبك زي محرقتني و مشت لعبدو
أيات:عبدو هيا نروح بسرعه نبي نطلع من هني
عبدو شاف لاصيل و عيونه نار:شن قالك
أيات مطبسه راسها:نبي نطلع هيا بنتفجر
عبدو كيف بيمشي لاصيل شدت أيات في تيشرته:لا عبدو طلعني بسرعه💔
شدها عبدو من ايدها و طلع بيها لسياره و ولع و طلع
أيات اول مركبت لسياره طوللل تفجرت بالبكي و عبدو طول الطريق مسألها على شيونيسه مقعمزه تبكي و شاده تليفونها تستنى في ادم يتصل
ترن ترن
ونيسه:ايوا
عبدو:فيه حد في الحوش
ونيسه:لا لا اني بس
عبدو:تمام.... سكر الخط و درس جنب الحوش و قعد مقعمز و أيات تشهق ب البكي
عبدو شد ايدها:أيات خلاص اهدي ليش هادا كله مني هادا
أيات قامت راسها فيه:ه هادا.....
ــــــــــــــــــــــــــــــــــ
محمد وصل قدام حوش خوه نزل و قعد يخبط ع الباب
محمد:ت خيرهم الزحح ميفتحوش
جي ياسين يجري فتح الباب:عمممي😍
محمد:اوو حبيبي شنجو
ياسين:به....نجيب حوايجي و نجي باهي
محمد:به برا بسرعه
مرت خوه:اهلين سلفي كيف حالك
محمد:حالي باهي😒
مرت خوه:ياسين هيا ماما متعطلش عمك
جي ياسين يجري جاب شنطته و طلعو ركبو السياره
في الطريق ولع محمد الاغاني و زاد فيهم و يغني معاهم و ياسين يضحك 😂
ياسين:عمي نقص شويه بنقولك حاجه
مد ايده محمد نقص:نسمع فيك شنو
ياسين:خاطري نخش الجنه عشان نسأل فرعون كيف بني الاهرامات
محمد:لكن فرعون في النار😂
ياسين:اااا حق😮
محمد:اي
ياسين:به ماله اسأله انت باهي عمي🥺
محمد:😳😳يا كلب
ياسين:خيرك ماهو انت بتخش النار
محمد:من قالك
ياسين:ماما تقولي هكي
محمد:ماما هادي جمرهه🙂
ياسين:جمره يعني فحم الي يولعو بيه في النار؟
محمد:اي
ياسين:اااا يعني.....قاطعه محمد
محمد:خلاص سكر فمك اسكت يا راجل😂🙂
ــــــــــــــــــــــــــــــــــ
أيات قامت راسها:هادا ولد عمي....و شهقت بالبكي
عبدو قاعد مش فاهم شي:به كملي متقعديش تبكي
أيات مسحت دموعها:كك كنت علاقه اني و هوا بسس بعدين سيبني و........نزلو دموعها.... و خطب وحده تانيه كك كاان يخون ف فيا معاها😭💔
عبدو يسمعها فيها و ساكت
أيات:عشان هكي جيت قعدت هني لانه خطبها و اليوم كان في الملاهي يشوف فيها💔💔
عبدو يشوف قدامه و يسمع:عشان هكي كنتي تبكي امس؟
أيات تبكي مش قادره توقف:مقدرتش قاعده مش متعوده يومي بدونه.....كنت محروقه منه كان قلبي ينزفف منه مقدرتش منبعتلاش رساله....بعتله رساله بسس يا ررريييتت مبعتله يا ريييت.....حطت ايديها ع وجهه و قعدت تشهق بالبكي
عبدو حط راسه ع الدومان مش قادر يسمع شهقاتها
عبدو:شن رد عليك
إيات:تعرف شششن قالي قاللليي معمريش حبيتك و لا فكرت انك انتي الي بتكوني مرتي و مستحيل نفكر ندور على تفاصيلك عندها.....و بعتلي صورهم مع بعض.... و بدت تبكي و تشهق بالبكي
أيات:اني يا عبدو ششن ذنبي شن درتله😭💔
عبدو:اسسسس خلاص اسسس... جبدها حضنها و هيا تبكي
ايات:شعور يوجع لما يكون أكبر غلط درته انك حبيت بس💔!
عبدو:خلاص اسس معاش تبكي ياسر
أيات مكانتش تعرف ان كل دمعه تنزل منها كأنها جمره على قلب عبدو🤷🏻♀️!
ــــــــــــــــــــــــــــــــــ
🧡مَــــــــرْيــــــٰـــوومـــٰــــههٌ🧡
أنت تقرأ
ونيسة ادم
عاطفيةروايه حقيقيه تحكي ع الغدر يلي دمر ناس ،وقلة التقة يلي دفنت حب،والصحبه الغلط يلي من وراها غير المشاكل،والناس الأنانيه يلي تفكر غير في مصلحتهاا،والناس الي عندها نعمه ومش مقدرتهاا،والناس البريئه ،يلي انظلمت من اقرب الناس ليهاا،وغيره وغيره لكن اهم شي ان...