ونيسة ادم
(الحلقه 10...حقيقيه) ❤️🔥🧡مَــــــــرْيــــــٰـــوومـــٰــــههٌ🧡
عبدو:أيات
أيات:شنو
عبدو:نحبك ❤️
أيات قامت راسها و تلاقو عيونها بعيونه:ها
عبدو قرب منها و قعد يلمس في شعرها:ن ح ب ك
أيات:بس اني....قاطعها عبدو و حط صبعه ع فمها
عبدو:اسسسس خودي وقتك و فكري و صدقيني لما نحطك بين عيوني
أيات قلبها يدقق:منقدرش لانه معاش نتحمل ننجرح زي الاول، قلبي معاش يتحمل ينزفف من جديد معاش عندي قدره ان نحب اسسفه عبدو
عبدو:عارف وربي عارف شن حاسه توا، بس اعطيني و اعطي لروحك فرصه راهو مش كلهم زي بعض ذكر ع ذكر يفرق
أيات:اني عارفه انت شنو بس خايفه نظلمك معاي و منقدرش نحبك زي متحبني انت😔
عبدو:مع الوقت تو نخليك تحبيني و مش ح تندمي❤️
أيات:نفكر و نرد عليك يعني موضوع زي هادا مش ساهل😔
عبدو بعد عليها و ابتسم:اوكِ بس متعطليش عليا
أيات:انشاء الله.... خدت الحفاظات و طلعت و هيا قريب يغمى عليها من الصدمه😂
ــــــــــــــــــ
مروى:هههه شفتت هادا الي كان واقف هني لو يقولي موتي نموتتت ع خاطره و ندير اي شي ع خاطره...و معاش تتصل بيا و لا تضايقني ت شنو هاادا دير لروحك قيمه و معاش تتلصق و تتصل قصديي مش معقوله نهزبك و نديرلك حظر تلحقني ب رقم تاني النمم ياسر.. لم كرامتك هه هادا لو عندك....و لوو انت راجل معاش تكلمني و هادا اخر كلام عندي...و مشت و خلاته
محمد واقف مصدوم من الكلام الي زيي السسمم نزل ع قلبه💔.. حبيبت قلبه البنت الي اول ما شافها طول حبها و خشت خاطره و كان يدير اي شي عشانها و كان ناوي الحلال معاها تططلع في النهايه تحب صاحبه رفيق عمره..و متوقعش في يوم ان تقوله كلام زي هادا و تقلل من قيمته و من رجوليته🔥؟.!!الساعه 2 في الليل💞
ونيسه تتصل ب ادم بس مع الأسف مفيش اي رد منه حتى ب رساله....أيات مقعمزه و شاده هاتفها و مش عارفه شن ترد عليه
اسماء:اني بنخش نرقد خلاص عيوني تسكرو
ونيسه:بري به
اسماء وقف:نوضو حتى انتم نايضات بكري اليوم
ايات:اي انشاء الله... طلعت اسماء رقدت و قعدو هما مقعمزين و كل وحده تفكر
ونيسه:حتى انتي تفكري
أيات هزت راسها
ونيسه:ادم ليه ايام مش ع بعضه متكلمنيش بكل و مسكر هاتفه و لما نتصل ميردش مشعارفه خيره
ايات:خيره هادا هكي من غير سبب؟
ونيسه:اي شفته قبل مانروح لحوشنا و كان متعصب خدي هاتفي و شاف مكالمتي اني و سلمى بس مصدقش ان سلمى و بعدها معاش لا شفته لا سمعت صوته
أيات:بسس هادا مش سبب يخليه ميكلمش بكل
ونيسه تنهد:تو يبان كل شي... وانتي شنو الي شاغل تفكيرك؟
أيات:عبدو🥺
ونيسه ضحكت:متقوليش اعترفلك😂
أيات:كنتي تعرفي
ونيسه:به شنو بطريقه رومنسيه اعترفلك؟ 🌚😂
أيات:يا تافها ت اني خشيت في بعضي و طلعت
ونيسه:به شن رديتي عليه
ايات:قلتله تو نفكر..
ونيسه:انتي عندك حد في بالك؟
أيات:لا يعني اي... اففففف هواا كنت علاقه مع ولد عمي و طلع عيييل خاين و تو خطب و اني كررهته لو نلقى نقتله لانه تعذبت من وراه وربيي
ونيسه:هادا أصيل الي مره قلتيلي عليه؟
ايات:اي
ونيسه:به انتي نسيتيه
أيات:كمية الحب الي مش طبيعيه الي كانت ليه كلها تحولت لكره... بس خايفه نظلم خوك و منقدرش نحبه زي ما هوا يحبني خايفه نحبب من جديد و نندم و قلبي معاش عنده حيل😔
ونيسه:عبدو يحبك ره و اصلا واضح من عيونه و بداتت الايام الي فاتو يخش ميلقاكش يبدا يدور عليك بعيونه زي المجنون يعني متخافيش مستحيل يجرحك او يبكيك في حياته❤️
أيات:انشاء الله خير تو نفكر نزيد
ونيسه:شن تحسي لما تكوني معاه؟
ايات:يعني بججد وقتي يفوت كله ضحك معاه ننسى همي و كل شي... ابتسمت و سرحت ب تفكيرها...نحسس ب شعور حلوو هلباا اول مره نحسه لو نلقى الوقت يوقف في اللحظه الي هوا فيها❤️
ونيسه ضحكت و ضربتها ع كتفها:خلاص طحتي يا بت😂
أيات:ونبي نوضي من قدام وجهي 😂🙂
ونيسه وقفت و مشت للسرير: اسمعي بالله جيبيلي ميه من لوطه
أيات:اهيا قدامك🙄
ونيسه:ااء ت هادي شربو منها صغار اسماء بكري جيبيلي بري
أيات:امتا؟ مشفت حد منهم خش هني
ونيسه:ت بري جيبيلي بلا بخل🙂
أيات:به اهو مشيت🙄.... و ناضت نزلت للمطبخ
كيف بتفتح الضي حست ب ايد لفت على خصرها و جبدتها حسست ب أنفاس سخونه تضرب على خدها
عبدو بصوت واطي:لو نلقى الوقت يوقف في اللحظه الي انتي فيها
أيات قلبها يدق بقوه:انت ش ششن اتدير ابعد
عبدو لفها ليه و قرب منها هلبا لدرجة وجهه في وجها...ايات مغمضه عيونها و قريب يغمى عليها
عبدو بصوت واطي:ليش مصره اتعبيني
أيات:اا أنني ششنو درت
عبدو يحرك في خشمه بحنيه ع خدها:اعترفي انك تحسي بشعور حلو لما تشوفيني
أيات تحاول تبعد فيه قبل متذوووب فيه رسمي🤤
عبدو شدها من ايدها يتكلم و خشمه ع خدها:قولي نسمع فيك
أيات رخت ايديها:شش شنو
عبدو:قولي انك تحبيني زي منحبك
أيات قلبها قريب يطلع:بطللل تلعبي ب اعصابي
عبدو:نبي ردك توا
أيات:قتلك تو نفكر
عبدو بعد شويه:ليش تكابري وانتي لو تلقي ديما معاي سمعت كل شي بينك و بين ونيسه ره
أيات خدودها ولو حمر:خلاص اطلقني تو ينوض حد ابعد
عبدو:توا نبي ردك تووووا مش قققادر نصبر مش مخليك تمشي الا ل......قاطعاته أيات
ايات:باهي عادي موافقه اي نقبل
عبدو ضحك ع جنب و بعد عليها و فتح الضي
عبدو:لما نقولك تقبلي تتزوجيني قولي نقبل😂
أيات:طلعت تجري و وجهها االوان الوان😂😂😂
ركبت للغرفه و سكرت الباب و ايدها ع قلبها
ونيسه تضحك:سامحيني هددني ب بجهاز النت😂
أيات طول خشت لمكانها و تتفكر ف الموقف و تضحك بس قررت اتدهشه شويه
أنت تقرأ
ونيسة ادم
Romanceروايه حقيقيه تحكي ع الغدر يلي دمر ناس ،وقلة التقة يلي دفنت حب،والصحبه الغلط يلي من وراها غير المشاكل،والناس الأنانيه يلي تفكر غير في مصلحتهاا،والناس الي عندها نعمه ومش مقدرتهاا،والناس البريئه ،يلي انظلمت من اقرب الناس ليهاا،وغيره وغيره لكن اهم شي ان...