ونيسة ادم
(الحلقه 11....حقيقيه) ❤️🔥🧡مَــــــــرْيــــــٰـــوومـــٰــــههٌ🧡
ونيسه ناضضت تجري فتحت❤️
مروى سلمت عليها:شنجو....اسمعي هيا بري معاي
ونيسه:وين؟
مروى:عند سلمى كلمتني قالتلي تعالو هدرزو عندي
ونيسه:اها تمام هي نوتي روحي و نخطم عليك
مروى ابتسمت بخبث:تمام هي باي
خشت ونيسه و سكرت الباب
صالحه:خيرها شن تبي
ونيسه:بنمشو ل سلمى نهدرزو و مع المغرب تو نروحو
صالحه:به تو يوصلك واخد من خوتك
ونيسه:لا لا نمشو بروحنا مش بعيده هي اصلا
عبدو:مسمومه صاحبتك هادي زي مروى بنت عمك
ونيسه:سبحان الله كيف عرفت
عبدو:نظرتي في البنت نظره... و هيا و بنت عمك نفس الخبث🙃
ونيسه:به الهى في روحك🙂
منذر:هي نوصلك اني اهو بنطلع
ونيسه:لا لا
منذر وقف:هي يما اني ماشي
صالحه:سلملي ع نوره
منذر:انشاء اللهمروان:وين ماشيه؟
سلمى تحط في الميك اب:بنطلع
مروان:وين؟
سلمى:بتجيني اختي بنطلع اني وياها
مروان:اها تمام....اني بنرقد
سلمى ابتسمت:تمام..... خدت تليفونها و طلعت اتصلت ب ونيسه
ونيسه:اها سومه
سلمى:شنجو حبي
ونيسه:تمام
سلمى:تعالي انتي و مروى باهي نستنى فيكم
ونيسه:اي تمام اهو نبدل و جايه
سلمى:هي بايطلعت ونيسه مشت لمروى و طلعو مع بعض ع رجليهم لانه سلمى مش بعيده عليهم تسكن وراهم
مروى تفتش في شنطتها:حيي نسيت تليفوني
ونيسه:عادي مش مهم
مروى:لا لا نبيه اسمعي كملي بروحك و تو نجي اني
ونيسه:مصحك منقدرش بروحي لقطه مش حلوه
مروى:ت بري عادي نجيبه و نجي منعطلش
ونيسه:باهي هي بري......مشت ونيسه كملت طريقها اما مروى ع اساس روحت بسس ع طول غيرت طريقها و مشتـــــــــــــــــــــــــــــ
سلمى جتها اختها و طلعت و مروان خش رقد....وصلت ونيسه لحوش سلمى مدت ايدها خبطت ع الباب بس محد رد
طق طق
مروان:اكيد سلمى.... فتح الباب
ونيسه ابتسمت
مروان قلبه يدق ابتسم:اهلين
ونيسه مدت ايدها و سلمت
ونيسه:سلمى وين
مروان يحك في راسه:والله جتها اختها طلعت
ونيسه استغربت:كيف... كلمتني اني و مروى قتلي تعالو
مروان:مش عارف خشي متقعديش واقفه في الباب
خشت ونيسه و جبدت تليفونها اتصلت ب سلمىترن ترن
سلمى:ههه مزال بترني هلبا يا ونيسه😏
مروى:هههههه هي توا وصليني بسرعه
سلمى:به كلميه شوفيه وين الاول
اخت سلمى:لو نعرف شن تخططي انتي وياها
سلمى:سوقي و اسكتي
مروى اتصلت ب ادم
ادم:اهلين شنجو
مروى:تمام وانت
ادم:ماشيه اهو... والله نستنى في اتصالك استغربت اليوم مكلمتينيش
مروى:والله مقدرتش نكلمك..لانه عارفه روحي مش ح نسكت
ادم:شن فيه
مروى:تو نقولك بس وين انت لازم نتلاقو
ادم:تمام تعالي قدام كافي(......)
مروى:تماممروان جاب معاه طاسة عصير و شكلاطه و مدهم
مروان:تفضلي ونوسه
ونيسه ضحكت:ع اساس اتضيف و هكي😂
مروان:بارده😂
ونيسه:تدكر ايام الجامعه.... ايام كل يوم تجيبلي الفطور😂
مروان:هههههه اي احلا ايام والله
ونيسه:هههه اي..... كيف حال امك و العيله
مروان:باهيين والله
ونيسه شدت هاتفها اتصلت ب مروىمروى:ايوا
ونيسه:وينك.... و حتى سلمى مهناش
مروى:اهو جايه غر حصلت بابا عنده ضيوف
ونيسه:حقق به و سلمى نكلم فيها متردش
مروى:لقيتها باعتتلي رساله قتلي استنوني في الحوش شويه و نجيكم
ونيسه:اها تمام هي
مروى:تو نجي اني... بايــــــــــــــــــــــــــــــــــ
🧡مَــــــــرْيــــــٰـــوومـــٰــــههٌ🧡عند ادم
ادم يتصل:وين
محمد:اهو مكسدد والله
ادم:مرات نمشي اليومين هادم لصحراء
محمد:بجديات
ادم:اي والله
محمد:تمام تو نجيك ف الليل
ادم:تمام بروي سلام.... و سكر الخط
مروى:ادم
ادم تلفت و ابتسم:اهلين مروى
مروى مدت يدها سلمت
ادم:انشاء الله خير شغلتيني
مروى:ااء اء والله شن بنقولك
ادم:شن فيه
مروى:و ونيسه
ادم ناض وقف:خيرها ونيسه
مروى وقفت و نزلت راسها:اتدير في حاجات غلط و اني لما لاحظت اليومين هادم حاولت نكلمها بس مسكره راسها
ادم:احكي بسسرعهه شن اتدير
مروى قعدت تبكي:والله متحشمه حتى نقولك حاجات غلط حتى في حقكك و هيا توا مخطوبه وربي مش مصدقه انها ونيسه
ادم:ممروى متعصبيش امميي تككلمي بسسرعه
مروى:ونيسه علاقه مع مروان راجل سلمى و و و...
ادم دمهه يغلي:و شن تاني
مروى نزلت راسها و قعدت تبكي
مروى:تطلع معاه و توا تلقاها عنده
اددمم حطط ايده ع راسه:كككيففف ميسستححيل اتدير هكيي مني قالك
مروى:ه هيا كلمتني و قالتلي.... حاولت نوقفها و اكتر من مره بس هيا متسمعش مني قلتلها به ع خاطر ادم قتلي ميهمنيش
ادم:مسستحيل نصدقككك مسسستححيل
مروى:ببرا شوف براا تواا و تأكد
ادم خدي بعضه و ططلعع و ع طول ل حوشش مروان و بسسرعهه جنونيه قرييب دار حادث... يعيط و يضرب ب ايده ع الدومان💔في الوقت هادا ونيسه تستنى فيهم و قلبها ينخص حاسه ب شي ح يصير و مروان بعد ما ضيفها استأذن منها و خش داخل لغرفته خلاها ع راحتها.....أما سلمى ع طول لحوش اهل مروان و مروى روحت خدت تاكسي و روحت لحوشهم🤷🏻♀️!
ــــــــــــــــــــــــــــــــــــ
طق طق
ونيسه وقفت و قلبها قريب يطلع
ونيسه تفكر: حطت ايدها ع قلبها ليش خايفه اني وااكك
مروان فتح الباب
سلمى شافتله بنظرة استفزاز
مروان سلم ع خوه و تلفت لسلمى
مروان:وين كنتي
سلمى:كنت عند اهلك خطمت عليهم و قلت لاحمد يوصلني
مروان شك ب شي:اها
سلمى:خيرك واقف في الباب ابعد بنخشو... دفاته و خشت
ونيسه ساوت وشاحها:باهي الي جيتي من بكري نستنى
سلمى فاتحه عيونها ع وسعهم و ساكته (مصدومه ع اساس😒)
ونيسه:خيرك
سلمى تلفتت ل مروان و دموعها نزلو
مروان:خيرك تبكي سلمى
سلمى قربت منه:متوقعتش توصل بيكم ل هني
مروان:شن تقولي؟؟
ونيسه:خيرها هادي
سلمى:وصلت بيك تجي لحوشي معقوله معاش لقيتي حد الا راجلي يا ونيسه
ونيسه نصدمتت من كلامها
مروام:ششن تقولي انتي
سلمى:قلتلي انك تحبها بس عادي مشيتها و قلت تو ينسى بسس تعععببت والله تعبت كل مره نشوف عليك حاجه رسايل و مكالمات و كله من نفس الرقم، و الرقم متععع منيي يا انسه ونيسه؟؟؟
مروان:رسايل شنو و رقم منو؟ انتي عارفه شنو الي اتطلي فيه من فمك
سلمى بصوت عالي و دموعها ع خدها:ت مشششييهاا ع غيييري انننني تعععععببب و تععععبب هههلببباااا مرهه تحسسني ان اني كل شيي عندك و مررره تقول مش بني آدم عايش معاكك و مررهه تعترفي ب حبك لصصاحبتي و مرهه تجيني سسكران تحسسابني هيا، ت نححسسس راني عندي قلب و نحسس زيني.... قاطعها مروان ب كفففف... يتبع
ــــــــــــــــــــــــــــــــــــــــــ
🧡مَــــــــرْيــــــٰـــوومـــٰــــههٌ🧡
أنت تقرأ
ونيسة ادم
Romanceروايه حقيقيه تحكي ع الغدر يلي دمر ناس ،وقلة التقة يلي دفنت حب،والصحبه الغلط يلي من وراها غير المشاكل،والناس الأنانيه يلي تفكر غير في مصلحتهاا،والناس الي عندها نعمه ومش مقدرتهاا،والناس البريئه ،يلي انظلمت من اقرب الناس ليهاا،وغيره وغيره لكن اهم شي ان...