اشعار

لو تعلمين كم أحبك
وكم أغار عليكي
اغار عليكي
من احلامى
من لهفتى واشتياقى
ومن خفقات قلبى
اغار عليكي
من لحظة صمت بيننا
قد تبعدك بافكارك عنى
أغارعليك
من لفتة نداء
قد تبعد عينيك عن عيونى

أغار عليكي
من كل كلمة تقوليها
إذا لم أكون انا
حروفها و ابجديتها

حبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك

يم بيتك شغل ماعندي بلعباس
تاخذني على بابك كوة رجليه

شجاني او من جديد انوب حبيّت

جنت عاقل ، واكيد اوياك جنيّت

تبت توبه نصوحه امن العشك دوم

او على فيض المشاعر حرس خليّت

إقفلت كلبي قفل مرعوب وبليل

عجيبه اشلون كلي الكلبي طبيّت

للعشرين جن ارجعت وياك

انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
*****

انا اشتاگيت يالماخذ الروح
ولا ادري بغيابك راح اهم بيك
شسولفلك عليه شلون مشتاگ
خل اسكت حبيبي خاف ابچيك
وحق حبك ياغالي ضايج هوااي
وماارتاح والله الا من احاجيك

تبجي كربلاء لو طاحت الانبار
واحس كلب النجف مشمور بديالى
مشت بابل تعزي البصرة عالصار
وتكلهة شلون فاوج عطشت اطفالة
سمعت القادسية بصوت عالي تصيح
يا بغداد ليش دموعي همالة
اثاري ابن المثنى بذاك اليوم زعلان
جي كَرصة خبز ما عندة لعياله
بمضيف الناصرية مسيرة تكريت
وعند هور العمارة دهوك وجبالة
… واذا كركوك صاحت حيهم اهل الزود
كل الكوت تفزع بهمة ارجالة
والموصل وكف يتغزل بأربيل
يالخصرج قضية والنظرة كتالة
هذا احنة العراقيين وهاي اطباعنة للموت
والي يندك بينة خلي يشوف شراح يصير حاله