Totoy's Birthday (On Going)

Ang Talambuhay ni Totoy

   Si Anthony o mas kilala sa alyas "Totoy" ay isang tipikal na mag aaral sa kolehiyo. Mapagmahal sa mga kapatid at masipag na anak sa kanyang mga mabubuting magulang. Maalaga sa kasintahan at matulungin naman na kaibigan at kaklase.

  Simula noong siya ay tumuntong sa antas na ito ay wala na siyang ibang ginawa kung hindi ang mag aral at mag trabaho sa sakahan upang makatulong sa kanyang pamilya.

   Kapos man sila sa pera ay hindi nila alintana ang kamahalan ng tuition fee sa kanyang paaralan sa kadahilanang siya ay isang full scholar sa pagtitiyaga niya na maging consistent with Highest Honor sa kanyang batch. Siya ay talagang pinalaki ng kanyang magulang na tutok sa pag aaral.

   Marami siyang naging kaibigan sa loob ng eskwelahan at labas ng kanilang tahanan. Dahil sa kanyang katalinuhan sa akademiya at magaling siyang makihalubilo sa lahat ng mga taong nakapaligid sa kanya.

     Ipinanganak si Totoy ng kanyang ina sa bahay lang nila sapagkat kapos sila sa pera na gagamitin sa pampa hospital. Panganay siya sa mga anak nina Helen at Anton Magpantay. Tulad ng isang karaniwang binata, siya ay nabuhay ng may simple, masaya at puno ng pangarap na pamumuhay. Lumaki si Totoy sa probinsya ng kanyang mga magulang. Sanay siya sa mga gawaing bahay kahit lalaki at nasa murang edad pa lamang.

Tumutulong siya sa sakahan na pag aari ng kanilang butihing Mayor. Marunong siya magsaka at magpastol ng mga alagang hayop tulad na lamang kambing, baka, kabayo at kalabaw na madalas alagaan sa bukid. Ang kanyang kinikita mula sa rito ay ibinibigay niya sa kanyang Nanay pandagdag pambili ng kanilang mga kailangan para sa pang araw araw na pamumuhay.