وعد الليث (الجزء الثاني من عشق الانتقام )

الفصل الثالث

الجزء التاني (وعد الليث )الفصل الثالث
تصنم مكانه أيعقل تفعل كل هذا وتتركني بعد هذه السنوات الماضية تترك رفيق دربها لاجل هذه !
ليث :ماهي ايه الي انتي بتقوليه دا انتي عارفه بتقولي ايه طب عاقله
ماهي بعصبيه :اه عاقله يا ليث بس واضح انك انت الي مش عاقل انا وانت عارفين كويس اوي ايه الي حصل كونك مش عايز تشوف او تعرف الحقيقه يبقى انت حر لكن مش ذنبها البت الي فوق دي مش ذنبهاااااا انت فااااهم دي امها ماتت بعد ليليان وكانت لوحدها بعد محضرتك قفلت في وشها كل الطرق عارف يعني ايه بنت لوحدها
ليث :اه عارف مانتي اهو اقرب حاجه وقفتي زي الجبل الي متهزش
ماهي :وانت بقا عايز وعد تكون نسخه مني مش كده عايزها تنام مغمضه عين ومفتحه عين عايزها تخاف لو حتى سمعت صوت قطه معديه تفضل طول عمرها حاطه في ضهرها سلاح تحمي بيه نفسها انت عارف الحادثه دي الي حصلت اول امبارح ليها كانت بسبب ايه كانت بسبب أن الكلب السواق دا كان بيتحرش بيها طلعت بخاخ من شنطتها وهي خايفه ورشته في عنيه لما حسيت بالخوف
انت بقا عايزها تفضل كده لولا ستر ربنا الله اعلم كان ايه الي حصلها هو انا يعني عدله اوي انا اتظلمت كتير بس انا كنت مصره اجيب حقي حتى بعد كل السنين دي هي بتحاول بدليل أنها بتحاول تفهمك الحقيقه الي انت مش عايز تسمعها
ليث بغضب جحيمي :اخرررررسي بقاااااا انتي ليه مش حاسه بيا ها عارفه كان ايه احساسي لما عرفت انها السبب في كل الي حصلي انا امي ماتت غضبانه عليا ومراتي ماتت هي والي في بطنها بسببها برضه جايه بعد كل السنين دي جايه تقولي حقيقه حقيقه ايه ها حقيقه ايه الي تخلي اخت تكون السبب في موت اختها تؤامها تؤام روحها
ماهي :طب مانا عمي عمل كده وقتل اخوه ومراته عشان شويه فلوس اقتربت منه وضعت ييديها على كتفيه ليث انت اكتر من اخويا وانا حاسه بيك بس متخليش غضبك ونارك يخليك متسمعش غير نفسك وبس متسبش نفسك لغضبك كفايه
نظر إليها ليث نظره فهمتها جيدا :ماهي انتي عارفه حاجه مش عايزه تقوليها صح مستحيل تكوني بدافعي عنها كده من غير متكوني عارفه حاجه
ماهي بهدوء :ايوه ياليث عارفه بس مقدرش اقول لازم تعرف بنفسك اطلع اعتذرلها واسمعها
ليث :مش ليث الي يعتذر لست يا ماهي انا مقولتش حاجه غلط سلام
تركها وخرج خارج المنزل نظرت خلفها لتراهم جميعا مزهولين مما حدث منذ قليل ومما سمعه أما ماهي نظرت لزوجها نظره تفهم الأمر وهز رأسها لتطمئن
ماهي وهي تنظر لأعلى الدرج :تعالي يا وعد هو خلاص مشي
نزلت وعد وقد انتفخت عينيها من كثرة الدموع نزلت لتحتضن ماهي بقوه شديده
وعد وسط بكائها :مش قولتلك عمره مهيسمعني انا غلطانه اني جيت هنا
ماهي وقد اخذتها لتجلس على الكرسي والجميع جلس أيضا أمرت ماهي الخادمه بأحضار العصير والماء حتى تهدأ من روعها
شهاب :ماهي في ايه احنا مش فاهمين اي حاجه
سليم :انا هفهمكو قص عليه مشكلة ليث منذ سنوات فتعاطفو معه جميعا ولكن ما قصة وعد !
وعد :انا ابقى تؤام ليليان للاسف حصل غلطه كبيره اوي زمان ابتدت بهزار ؟
فلاش باااااك
وعد وقد كانت عائده من المدرسه قد تعرض لها بعض الشبان الطائشون فظهر هو من العدم ليلقنهم درسا قاسيا
هو:انتي كويسه يا انسه
وعد وقد رفعت نظرها إليه فصدم ليث من جمال عينيها
وعد بخوف :انا كويسه شكرا ليك اوي
اخذت حاجتها بسرعه وذهبت ولكن وقع منها محفظه المال فأخذها هو وقد رأى بطاقتها وفيها اسمها والعنوان فعزم على إرجاعها لها صاحبت العيون الخضراء  عادت الي المنزل دخلت الي المنزل كالعاده
وعد من على الباب :يااااا أهل البيت يا اهل المنزل ياامااااااماااااااي يااااالي لي
دريه وهي والدة وعد :يخربيتك دوشه متنقله روحي صاحي اختك يلا عشان الغدا
وعد :يا دودو ياحبيبتي بذمتك تعرفي تعيشي من غير دوشتي هي فين الهانم دي
دريه بضحك :نايمه من الصبح
وعد وهي تدخل الغرفه بهدوء شديد جاءت بجانب اذن اختها ليليان حرييييييقااااااا البييييت بيوووووولع
ليليان بذعر وهي تجري في انحاء الغرفه :حريقه ماما ماما حريقه وقد فاقت على صوت ضحك عالي من دريه ووعد على منظرها
ليليان بغضب :حيواااااانه والله مهسيبك
وعد وهي تجري وليليان تجري ورأاها
دريه :بس بقا عشان الجيران الجديده طب القديمه متعودين الجديده كمان استغفر الله العظيم
توقفو فجأه ونظرو لبعض وتحدثوا في نفس اللحظه :جيييران جداد
في هذا الوقت رن جرس الباب فراحت ليليان لتفتح لتجد أمامها حائط بطل من ابطال السينما ماهذا الجماااال
هو:انتي وقع منك المحفظه بتاعتك انا اسف جدا بس كان لازم اجبهالك
دريه من الداخل :مين يا ليليان
ليليان :معرفش يا ماما ثواني
دريه وقد أتت :حمدالله على السلامه ايه خلصته الشقه الحمدلله
هو :اه الحمدلله تمام وامي ظبطط كل حاجه شكرا ليكي جدا بس المحفظه دي وقعت من بنت حضرتك فانا جبتها
فأخذتها منه
دريه :اه اه تمام كويس الحمدلله ربنا يخليك يابني المهم بكره أن شاء الله انتو معزومين على الغدا عندنا أن شاء الله انت ومامتك
هو :لا مش لازم حضرتك تتعبي نفسك
دريه :لا ازاي دا كمان عشان اشكرك على محفظه بنتي وعد
هو :هي اسمها وعد ولا ليليان
دريه بضحك :لا دي محفظه وعد تؤام ليليان هما شبهه بعض في الشكل بس لكن الطبع مختلف تماما اتفضل يابني يقطعني
هو :شكرا يا امي يدوبك بعد اذنك
ليليان :مش هتقول اسمك ايه
هو قد التفت اليها :ليث اسمي ليث !