وعد الليث (الجزء الثاني من عشق الانتقام )

الفصل الثالث عشر

الجزء الثاني (وعد الليث)الفصل الثالث عشر
بعد مرور شهرين كانت تنام بعمق عندما أحست بشئ يمشي على وجهه أبعدته وهي مغمضه لتكرر نفس الحركه مرات عديده فتحت عينيها بضيق لتراه أمامها يمسك ورده في يديها يمشيها على وجهها لتستيقظ
ليث :صباح الفل
وعد وهي تعتدل:صباح النور ايه كل الدلع دا
ليث :انتي نسيتي النهارده ايه النهارده فرحنا
وعد بخوف :لا منستش بس يعني هو
ليث وهو يجلس بجانبها يضمها بحنان :وعد انتي لسه خايفه مني صح انا بقالي شهرين بصالحك كل يوم انا مش عارف اعمل ايه اكتر من كده
وعد بهدوء :لازم تعذرني يا ليث الي شوفته منك سواء زمان أو دلوقتي مش سهل انا بقيت بجد بخاف منك ومن تقلباتك
ليث بحزن :انا اسف اوعدك وحيات امي لو حصل مني اي حاجه بعد كده اعملي فيا الي انتي عايزاه
وعد :تمام وانا موافقه انت الي قولت اي حاجه
ليث :وانا موافق
وعد :بس في شرط
ليث :ايه هو
وعد :انت الي تحدد عقابك بنفسك ماشي
ليث باستغراب :اشمعنا
وعد :هو كده موافق
ليث بتنهيده :موافق ؛ممكن تقومي بقا عشان تحلقي
وعد :حاضر يلا اطلع برا
ليث باستغراب:ليه
وعد :هو ايه الي ليه روح شوف الي وراك وانا اشوف الي ورايا
ليث :تمام حاضر
خرج بالفعل للخارج تنهدت هي بحزن هي تعلم أنه يحبها ولكن تخاف من تقلباته ولكن الان لا يوجد شئ تخفيه أو هو يخفيه انتهى كل شئ دخلت الفتيات لوعد يحضرو أنفسهم للزفاف
ملك :ياعرووووووسه
اسيل :ايه بقا فوقي كده
دارين :الميك اب ارتسيت جايه وانا هشغل كمان الكاميرا عشان نتصور واحنا بنتظبط
ماهي :اه بس نسيتو اهم حاجه
وعد :ايه هي
ماهي :فستانك ياعروسه
وعد :يالهوووي دا ليث قالي سبيه انا هجيبه
ماهي :عيب عليكي تبقي مرات الليث وتنسي حاجه زي كده
وعد بحزن :انا هعمل ايه دلوقتي انا
ماهي :انتي يابت تموتي في النكد صح فستانك جي في السكه
وعد :بجد ازاي
ماهي :دي مفاجاه ليث بقا أما بقا المفاجاه التانيه لما تخلصي
وعد بفرحه :انا بجد ربنا عوضني بيكو عوضني بخوات بنات زيكو وعوضني باخوات شباب وعوضني بأب كمان ووعوضني ب ..وخجلت وضعت وجهها في الأرض
ماهي وهي ترفع وجهها لها :عوضك بحب عمرك من سنين مش كده
هزت راسها بايجاب :ايوه
اسيل بفرحه :ربنا يكملك على خير يارب وتبقي شبهنا كده
وعد :يارب يا اسيل يارب
دارين :مش عايزين نضيع وقت بقا يلا

عند الشباب كانو يجلسون سويا بغرفة ليث يتحدثون
سليم :بقولك ايه انا تعبت منك كفايه كده اتلم بقا وحل مشاكلك مع نفسك انا مش مستغني عن مراتي
عاصم :ولا انا دا طول مكانت وعد في المستشفى دارين مبتطلتش عياط ياجدع
سيف :اسكت انا بقا ملك منيماني اسبوع على الكنبه بسببك وقال ايه مش هتنام على السرير غير لما ليث يصالح وعد طب انا مال امي انا ضهر امي ذنبه ايه
ادم :لا خد الكبيره بقا الاستاذه اسيل استغلت اني دخلت اخد دش خمس دقايق وربنا متأخرت اجي افتح الباب مش بيتفتح خبط عشان اشوف في ايه لقيتها بتضحك ضحكه شريره كده وتقولي نام جوه بقا وعشان انتو الرجاله كلكو كده كلكو زي ليث الله يخربيتك يا ليث على اليوم الي عرفناك فيه يا جدع
ليث وهو يضحك عليهم :تعرفو برغم كل دا أنا فرحان أن ربنا عوض وعد باخوات زيهم
سليم :فعلا هما بيحبوها جدا اكتر من اختهم كمان
ادم :اه يا معلم الحزب ذاد واحده الوضع مش ناقص اصلا
سيف :ايوه دا احنا ماشيين بالعافيه
عاصم :هو احنا مش هنقوم نلبس ولا ايه خلاص مفيش وقت الف مبروك يا ليث عقبال متبقى زينا كده ووعد تبقى زي المدامات الي جمبنا دول
ليث بضحك :يارب يا عاصم هو انا اطول يبقى عندي جزء مني من وعدي
سيف :ياوعدي يا وعدي
ليث بغضب :اخرس انا بس الي اقول وعدي مش انت اتلم
سليم :خلاص يا جماعه بقا يلا نقوم نلبس عشان منتأخرش عليهم
عاصم :نتأخر على مين يا جدع دول في الأوضه الي جمبنا
خبط الباب طرقات خفيفه
ذهب ادم ليفتح ليجد يوسف وعلى وجهه ابتسامه جميله
ادم بحب :ايه يا جو جي طبعا تلبس مع الرجاله
الطفل وهو يهز رأسه بإيجابية وركض لداخل
جلس على قدم سليم فهو يحبه بعدها بقليل أتى شهاب وفؤاد
فؤاد :ايه يا شباب لسه ملبستوش ولا ايه شكلكو كده عايزين جنازه النهارده دي قسمت بتقولي أن البنات قربو يخلصوا
ادم :لا خلاص يلا يا جو هتلبس مع مين بقا
عاصم :معايا انا طبعا
سيف :وليه مش انا
ليث :على فكره انا العريس المفروض انا
شهاب :بس ياض منك له له له يوسف حبيبي هيلبس معايا انا وفؤاد مع الكبار يلا يا جو
ذهب يوسف معه
سليم لزهول :اه يا واطي سبتني
يوسف وهو يضحك لهم ويشاور بيديه واليد الاخرى ممسكه بايدي شهاب وفؤاد
ليث بضحك :شوف الواد راح مع الرأس الكبيره
ضحكو الشباب على هذا المنظر
عند الفتيات كانو الجميع انتهوا من تجهيز العروس فقد كانت مثل الحوريه الصغيره وفستانها الاشبهه بالاميرات فقد كان ضيق حتى الخصر وينزل بتساع منفوش مكون من طبقات وذيل طويل وكانت تضع التاج المرصع بالورود على رأسها وتركت شعرها حر طليق يصل لمنتصف ظهرها
الفتيات بأنبهار :ايه الجمال دا
وعد بعدم تصديق :فعلا ايه دا مين دي
ماهي :دي انتي دا الفستان الي جبهولك ليث ايه رايك
وعد :تحفه اوووووي م مصدقه دا ولا في الاحلام
اسيل :اه بس كده ناقص حاجه
ماهي :فعلا ثانيه واحده ذهبت الي الداخل قليلا وعادت بعلبه بيديها كبيره من القطيفه وفتحتها
كانت عباره عن عقد من الالماس يتوسطه ماسة من اللون الوردي الفاتح :كده جاهز
وعد بانبهار :كده كتير اوي عليا ايه دا كله
ماهي :مفيش حاجه تغلى عليكي وبعدين دي هديتي لمرات اخويا مالك انتي
اسيل وهي ايضا تخرج علبه طويله وتفتحها فكان انسيال من الشكل نفسه :دي بقا هديتي انا
وعد وقد تجمعت الدموع في عينيها :مش مصدقه ربنا يخليكو ليا يارب والله
ملك :لا وحيات امك الميك اب هيبوظ وبعدين لسه هديتي انا كمان وأخرجت ظرف من حقيبتها :دول تذكرتين لجزيره بالي وكمان المالديف عشان شهر العسل
وعد وهي تحتضنها :دا بجد يعني هسافر بره انا وليث نقضي شهر العسل
دارين :اصبري على رزقك لسه هديتي بس هي اتأخرت شويه استني وذهبت وعادت ومعها الخدم يحملون شنط كثيره :بصي بقا انا مكنتش عارفه اجيب ايه قولت يابت يا دودي تجيبي ايه يابت يا دودي تجيبي ايه افتكرت انك ملحقتيش تجيبي اي حاجه اصلا فبصي بقا لما كنت بعد اخد رايك في هدوم من على النت وكده عرفت زوقك ايه سواء في هدوم أو سكين كير أو برفانات أو حتى جزم
اول شنطه دي فيها هدوم صيفي وشتوي تاني شنطه دي فيها جزم طبعا تالت شنطه فيها هدوم بيتي والحاجات بقا الي كده فاهمه طبعا أما دي بقا فيها كل انواع السكين كير والبرفانات وطبعا بما انك طالعه شهر العسل فانا جبتلك طبعا مايوهات وشويه حاجات هتعوزيهم هناك يارب يعجبوكي
وعد وهي تحتضنها بشده :ايه كل دا كتير اوي عليا مش عارفه اقول ايه ولا اعمل ايه
الفتيات :متقوليش حاجه ويلا نكمل لبس
وهم في وسط فرحتهم وصلت رساله على هاتف وعد فتحتها لتجد رقم غريب ورسائل منه فتحت الرسائل لتصدم بما رأته تجمعت الدموع في عينيها وظلت تكرر هذه الكلمه
وعد :بكرهك يا ليث بكرهك !!