مساء الورد 🌺
حبايبي
*************
(شمس)
(قدري)
**************
صار عمري 18سنة وملامحي برزت والي يشوفني يتمناني
بس اني مو بالي اي شي، ،
لان تعرفون سادس ولازم احدد مصيري، ،جان اكو معهد مال دورات اروح
اخذ بي دورات العصر،، الى ان فد يوم دا اعبر الشارع واجت سيارة علية
شوية وتدعمني، ،اني وگعت من الهبطة، ،وفتحت عيني لگيت الناس
ملتمة ورجال شوية جبير فوك راسي بس شخصية ولابس خليجي
يذب ماي علوجهي،،واني صحيت بسرعة
علي--اكو شي يأذيج شنو تحسين
اني كمت بسرعة وكتلة كلشي مابية واطفر رجعت للبيت طايرة حتى للمعهد
مارحت.
علي--اني عمري 38 سنة واحنة ناس معروفين مو شيخ عشيرة انما فخذ
من افخاذ العشيرة اني متزوج بنت عمي صار 10سنوات وميصير. عدهة
اطفال واني لان بنت عمي واحبها ماردت اكسر بخاطرهة
بس الوالدة بعد وفات والدي بقت تلح. علية وتگلي صرت جبير. ولازم
تتزوجواشوف جهالك ميصير تكطع نسلك هيج، ، عندي اخو ازغر مني
اسمة أمير. بس هذة عايش برة يدرس وماعدة نية يرجع
المهم واني طالع بل سيارة ومستعجل اجت بنية وكعت كبال سيارتي
ماشفتهة من رحت اصحيهة شفتهة صفنت عليهة صح وجهة طفولي بس
هيئة جسمهة مال مرة. وطويلة وتارسة بس رشيقة. ذبيت ماي علوجهة
صحت وفتحت عيونهة. حاجيتهة كلتلهة بيج شي هية كالت لا وكبل كامت
ومشت بسرعة هية بقت بالي صعت السيارة ولحكتهة بعد شارعين عن بيتنة
بلقيس--رجعت للبيت كلبي يدك وخايفة تلكتني رحمة، ،شبيج ولج ليش رجعتي بسرعة وين جنتي وتحقيق اني ماجاوبتهة
بس هس راحت الابوي وگالتلة اجت بلقيس ووجهة اصفر عبالك واحد
يركض وراهة، ،مادري مهزومة من شي،
وراهة اجة بابا يحقق وياي وبدا يشك،،
بلقيس--بابا اني متعودة احجيلك كلشي صدگني ماكو شي بس اكو سيارة رادت تدعمني ووگعت وملابسي. توسخت واستحيت اروح للمعهد فرجعت للبيت ماكو شي اطمن بابا. عافني ومحجة شي،
بقيت كلما اروح. اشوف هذا الرجال. بسيارتة يراقبني، ،
بلقيس--ياربي هاذة منين طلعلي شيريد مني.
صراحة. كمت اخاف منة كلش
علي--من شفت البنية. لليوم مادري شصار بية نسيت اني رجال جبير ومزوج. وكاني رجعت مراهق. وبقيت اراقبهة من تروح للمدرسة وترجع بس هية صدك ابنية رزنة كلش. وعاقلة وطريقهة واحد. حتى صديقات ماعدهة. تروح بطريقهة. وترجع كلش عجبتني ودخلت عقلي، ،
بلقيس-- بقيت ع هاي الحالة. هواية كل يوم اشوفة وكل يوم يزيد خوفي
يعني هوة جبير بل عمر ويمكن عندة اولاد بگدي شيريد مني،،
الى ان فد يوم واني راجعة من المعهد العصر للبيت وما اشوفلك الة
سيارة اعترضت طريقي قريب من بيتنة 😐
يتبع،،
NARJIS 💖💖💖💖💖💖💖💖💖💖💖💖💖💖💖💖💖💖💖
تصويت رجائن ⭐⭐
