مساء الورد
حبايبي شلونكم
*************
(شمس)
(قدري)
بلقيس --وجهي كام يخبط الوان هذا نفسة الرجال الي راد يدعمني
وظل يلحكني فترة شيريد مني
باوعتلة كلي مرحبا اني اسمي علي بس اريد احجي وياج شوية وات،،
هوة بعدة ممكمل كلام قاطعتة ومادري مين اجتني الجرئة
ورزلتة وكتلة انتة شلون الك الجرئة وتحجي وياي وانتة مين تعرفني حتة
تتعرف علية اعرفك تعرفني عفتة ومشيت
وجان الگي رحمة كبالي وجانت تخزر بية ومعصبة واول ماوصلت ليهة
كمشتني وضربتني راجدي وجرتني
ادخلي لج احنة موديج للمدرسة ادرسين لو تتمعشقين وي الولد وتفترين
وي الولد بل سيارة ها
اني كلتلهة واللة ماعرفة هوة اعترض طريقي ،،ماسمعتني وبقت مصرة
انو اني نزلت من سيارتة وجنت افتر ويا
بقيت ابجي بل غرفة واباوع لصورة ماما وبيبي وقررت اسولف كلشي لبابا
ع رحمة واكلة ع كلشي بس هية سبقتني وكلتلة وهوة صدك وهية سولفتلة جذب علساس اني نازلة من سيارة الولد وعدي علاقة بي من زمان
وابوي عصب وصدك وفار دمة واجة كبل دفر الباب بعدني ماحاجية هوة اجة كبل سحلني من شعري وضربني راجديات وكسرني تكسر اول مرة يضربني تفاجئت
دفرني وكلي دللتج هواي ونطيتج عين زيادة وثقت بيج هيجي سوين
كلي بعد ماكو مدرسة تبطلين وتكعدين بلبيت اني تفاجئت كلشي ولامدرستي كلش احبهة كمت اتوسل بي وابجي. بابا واللة جذب
اني موهيجي تتدري بية بابا حباب لتبطلني من مدرستي واتوسل
بسس ماصدكني ابد بابا كام يصدك برحمة لان بعد ماجبتلة ولد كلشي تكلة
يصدك وهية ضلت فترة ياللة تعالجت بعد اتمام زواجهم. وصار مصطفى
بقيت ادعي ربي ان يخلصني من الدنة واموت واروح يم ماما وبيبي
ربي تعبت خلصني من هل دنة باسرع وكت وريحني يا ربي
دخلت نجا وحضنتني وكلتلي
نجا--بلقيس لا تكولين هيجي حبيبتي ولتقهرين روحج اني اسفة ماكدر
احجي شي لان اخاف ماما تبسطني
ماما زاد تكبرهة وحقدهة بعد ماجابت مصطفى حتة اني بعد متحبني مثل قبل وصارت مغرورة اكثر
دخلت رحمة وشافت نجا شابكتني طردتهة وكلتلي اذا تردين ترجعين
للمدرسة سجلي المزرعة باسمي مشت وضليت افكر بلي كلتلي علية
كلشي اسوي ع مود ارجع للمدرسة بس اذكرت بيبي من انطتني المزرعة
كلتلي هاي المزرعة الج وامانة عدج لتفرطين بيهة ابد
ضليت اتوسل لبابا اسبوع كامل ميقبل ابد
علي--ضلت مختفية فترة رحت سالت ابو الاسواق الي مقابيلهم عليهة
كلي اسمهة بلقيس اسمهة حلو بس معنا الحزن عرفت كلشي عنهة ماتحمل بعد ابد رحت للبيت لكيت امي كاعدة بل صالة رحت سلمت عليهة وبوست اديهة وراسهة وكلتلهة يمة اريد احجي وياج بموضوع مهم
امي--احجي يمة شنو الي بالك منتبهتلك صالك فترة مو ع بعضك
علي--يمة انتي مو صارلج فترة تلحين حتة اتزوج
امي--يايمة يوم المبارك الي اشوف جهالك بي يافرحتي
علي--خلص يمة اني عدي وحدة بالي بس هية زغيرة واهلهة جوز ميطونهة
امي--مو المهم العمر عادي يمة هاي امهة داعيتلهة الي تاخذ مثل الشيخ علي
علي--يمة بنية يتيمة بعد شارعين عنة اعرفهة
بس يمة ماريد اكسر بخاطر بت عمي وحبيبتي هاي ماكدر
امي--عوفهة علية اني احاجيهة بس انتة هم حقك عشر سنوات متاني ماكو ابد يايمة لاتخاف عليهة اني احاجيهة ييمة توكل على اللة
طلعت من البيت وضليت افكر بجنات زوجتي خاف تضوج او تزعل
ضليت لليل ياللة رجعت طبيت للمطبخ لكيتهة واكفة ع لطباخ جاي تطبخ انتبهت لوجهة عيونهة حمر ومنفوخات امبينة باجية
جريتهة وحضنتهة هية كامت تبجي. وكالت خاف تنساني وتعوفني ماحب وحدة تشاركني بيك
كمشت وجهة كلتلهة مستحيل ابدلج بوحدة ثانية انتي زوجتي وبت عمي وحبيبتي وراح تبقين حبي الاول رانتي مكانتج غالية بكلبي
وحتلوة زوجت فاني راح ازوج بس ع مود الاطفال
هية قاطعتني وكلتلي لا، ،،،،،،،،،،
يتبع
*********
باي
„„„„„„„„ „„ „„„ „„„„„„„„„„„„„„ „„„ „ „„„„„ „„ NARJIS وياكم
