زوجة حبيبي

{زوجة حبيبي}

المقدمه:-

المره هذي قصتي على بنت تعبت وكافحت مع ان الحياه لعبت كم لعبه وسخه معاها بس تحملت بنت خذلوها كل الناس كلهم اي قصتي هذي تحكي على بنت عمرها حوالي18 سنه عيلتها تتكون من 6افراد وباتها متوفي وبعد ما توفا باتها انقلبت حياتها بعد ما كانت حلوه تحولت مره وظلام البنت بعد توفايت باتها خشت في كئابه لانها كانت تشوف في باتها كل حاجه عند ما جا اليوم وتعرفت فيه على شخص اسمه خالد حبت خالد لدرجة انها مستعده ادير المستحيل عشان ميزعلش مع انها كانت عندها احساس مش حيكون لها بس تجاهلت احساسها وياريت سمعت لأحساسها كانت تتوقع ان حيكون مجرد انفصال بس مش بالطريقه هذي ولا الخساره هذي اوفي هذي عندها صحبتها الروح بالروح زي اختها واعز كانت صحبتهن لها 6سنين مستمره هبه م2000؛  اوفي م2003؛  خالد م 1997؛  فارس م1989؛  والباقي ح تعرفوهم بعدين اوفي كانت كل شي يسير معاها تحكيه ل هبه(نبدوا في قصتنا) في اليوم يلي كانت اوفي بتمشي ل مصر..!

----------------

الحلقه{..1..}✍💜

[زوجة حبيبي💔♥..!]

اوفي توتي في دبشها وبتطلع ويرن فونها شافت لقاته خالد

أوفي:-حبيبي صباحو كنت مرايفه عليك

خالد:-صباح بنتي السمحه وحق ربي حتى انا مرايف عليكي واجد بكل وبجد مرقدتش عشان نسمع صوتك قبل متمشي متنسيش تقوليلي بعد توصلي

أوفي:-ي عمري نحبفيك يا شين وهذا كله امس مش فاتح نت حتشوف غير توا مستعجله

خالد:-يعني على طول توصلي تنكدي عليا☺..؟

أوفي:-اكيده هذي ليش عندك مانع..

خالد:-متنكديش عليا دردشه نكدي عليا صوت عشان بعد تكملي نكد ناخذك عندي

أوفي:-شتتت عليك هذا يلي تبيه انت عاد خلاص مفيش نكد

خالد:-بنيتي بطلي اهبال نكدي عليا وخليكي معايا

أوفي:-حبيبي وعيوني ودنيتي وكل حاجه توا بنكمل وبنطلع باي ونحبك

خالد:-باهي بوسه قبل متعدي

أوفي:-بوسه يا سخيف الادب امممممممممم هيا باي باي

خالد:-بس اسم...........

اوفي:-باي وصكرت الخط بينهم

(خالد:-ياربي شن الهبله هذي بس نحبها مع انها ترقي الضغط والسكر بس يلا لاني نحبها كل شي يهون على خاطر عيونها صبرني يا ربي)

اوفي وتت دبشها وطلعت هيا وعيلتها للمطار وبدوا رحلتهم ل مصر و اوفي طول الرحله وقفتش تفكير في خالد وكلامه وقديش تتمنى يكون نصيبها رقدت اوفي وحلمت بحلم كان خالد يغرق في بحر وهيا مش قادره اطلعه ومعاهم هبه و دودي(طبعآ دودي هذي بنت خالت أوفي)وكان خالد يغرق بس هبه ماسكه في يده و اوفي مش قادره تتحرك حتى ودودي تقول خلاص يا اوفي قدرت عليه هيا و اوفي كانت تبكي لانها مش قادره ادير شي*****ناضت اوفي من الكابوس وكان قلبها بيوقف من الخوف