(زوجة حبيبي)
.
.
.
{الحلقه ال..5..}
.
.
.
طبعآ سيارة الاسعاف فيها يوسف و أوفي ودكتور وممرضين
يوسف:-دكتور مطولين
الدكتور:-لحظه نكمل تجهيزات السياره والمعدات
يوسف:-تمام شكرآ
يوسف عدا يرن على عموري
عموري:-نعم ياعيني
يوسف:-وين قاعد يا عموري
عموري:-قاعد في الحوش ناخذوا حاجات وطالعين للمطار وانت طلعت ولا مزال
يوسف:-لالا نجهزوا في السياره وطالعين
عموري:-تمام توصلوا طيبين واوكي توا
يوسف:-هيا اوكي توا
الدكتور:-هيا جهزنا السياره ارجا هنا نجيبوا المريضه ونطلعوا لو انت جاهز
يوسف:- جاهز هيا نطلعوا
الدكتور:-تمام يلا نطلعوا
(نمشوا لحوش عيت اوفي وشن يديروا)
عموري:-هيا بسرعه انتن تقول تمشن على دحي
رويدا:-خلاص هيا هيا طالعين
حنان:-بنات هيا بسرعه
عموري:-انا طالع نسخن السياره ويلي لميتنه جيبنه ويلي راح عليكن فوتنه توا نردوا بعد تبرا اوفي
حنان:-هيا سخنها ونحنا وراك
رحاب:-لابتوب متاعي وين يا ماما
رويدا:-خذيته انا هيا بسرعه خلينا نطلعوا
حنان:-بنات هيا خوكن توا ينفصل
بيا:-هيا اطلعن بسرعه
عموري:-هيا اطلعن قدامي
*طلعوا وركبوا في السياره وعدوا للمطار شرين فون عموري*
يوسف:-ها ياعموري طلعتوا
عموري:-اها يا غالي طلعنا وانتم
يوسف:-توا طالعين يركبوا في الاجهزه عليها وطالعين
عموري:-نرجا فيكك ياغالي
يوسف:-تمام اوكي
(رواية زوجة حبيبي للكاتبه أوفي لعرفي)✍♥
(ركبوا يوسف ويلي معاه للأسعاف ويوسف عيونه على اوفي ومسك يد اوفي ودموعه ينزلن)
يوسف:-اوفي تره هيا افتحي عيونك بنشوفهن بنحكي معاكي ننزلوا ونجيبوا حاجات نشيلك وين متبي وعد معش نقولك لالا بس افتحي وانتي يلي تبيها نجيبه اوفي رايفتلك انتي وكلامك هيا عشاني نوضي ..حط راسه على كتفها ودموعه ينزلن يبكي مش راضي يسكت بكل..
الدكتور:-معليش قيم روحك شويه ومتعبهاش لانها تسمع فيك هيا وحترد متخفش عليها
يوسف:-وربي نعطيك يلي تبيها اي حاجه بس خليها تنوض هيا واي شي تبيه تاخذه
