زوجة حبيبي

{..زوجة حبيبي..}
.
.
.
[الحلقه ال..4..]
.
.
خالد:-لالا لازم نجي بكرا ونروح اخرى عادي افهميني واللهي نحبها

رويدا:-خالد انت بعقلك شن بتقول لخوتي

خالد:-خوتك شوري توا ندبر انا اهم شي نشوفها نقدرش بدونها يا دودي واللهي نموت لو صار فيها حاجه

رويدا:-ربي يردها لكي ولنا بخير

خالد:-انشاء الله توا جاي غادي باي منطولش

*صكرت رويدا من خالد وطلعت برا وامها حيلها منهد وصوتها رايح من البكاء ورحاب نشوف ل أوفي من القزاز ودموعها ينزلن

رويدا:-ماما اوبي اسمعني راه اوفي مش حيسيرلها شي ديما تقولي انا مستحيل نكون ضعيفه وهيا حتقاوم على شان ماما ويوسف اقل شي حتقاوم عشان نحنا نحبوها وجنبها

حنان:-انشاء الله ياربي تنوض بخير وترد زي قبل واحسن هيا ربي مستحيل يدير فيها هكي بعد حاولت تطلع من الحزن يلي فيه ربي ياخذها مستحيل ياربي شوف لحالها

رحاب:-خلاص يا هوه وربي مش متحمله بنخش انا

خشت رحاب على الدكتور في الكتب

رحاب:-دكتور معليش ممكن نخش بنحكي معاك كلمتين

الدكتور:-خشي تفضلي اقعدي

رحاب:-شكرا دكتور انا بنخش نشوف اختي في العنايه وعد مش حنحكي ولا نبكي ولا اي حاجه بس نشوفها ونطمن عليها دكتور مشوف وجها بس بليز

الدكتور:- تمام نخليكي تخشي بس انتي بس

رحاب:-تمام وعد انا بس

الدكتور:-تمام تعالي معايا بس عندك عشر دقائق وتطلعي

رحاب:-تمام عشر دقائق بس

الدكتور:- به هيا معايا خليني نوصلك

رحاب:-شكرا مره تانيه وهيا نمشوا

وصل الدكتور رحاب وخششها وقاللها نقعد جنبك عشان مطوليش رحاب قالتله باهي وخشوا

رحاب خشت شافت اوفي القارزه والجبس يلي عليها كله دم ورقبتها وجسمها كله ملفوف بس وجها وكفوف يدها مفيهنش شي مسكت رحاب يد اوفي

رحاب:-اوفي انتي بطله ومش حتسيبينا اوفي نوضي خالد محتاجك انا وماما ودودي وكلنا نبوكي اوفي هيا تعالي نوضي وهيا معايا نبيكي انا

رحاب حست برجفه في يد اوفي ونزلت دمعه من عيون اوفي

رحاب:-دكتور يدها تحركت شوف هيا تسمع فيا نزلت دموع

الدكتور:-تره وسعيلي شويا خليني نشوفها..الدكتور شاف اوفي شاف عيونها وحيويات جسمها

الدكتور:-تمام بكل هيا تسمع وتحس بس مش قادره تفتح عيونها وتحكي معاكي ولا تتحرك