انا وذكراها( روايات ليبية)

المقدمة

انا وذكراها

المقدمة

بعد كل شي صار ف حياتي مزلت مانسيتش شي من ذكرياتي معاك!!
ضحكتك!!

كل شي بنيته قدامي سراب قعد .. صور الماضي تمر في عقلي والماضي لا يجي لايرد!!
صفحة محكية مطوية نكتبت في خبر كان؟ ~
ليل الليل وتبدا حرب القلب والزمان
صوتك!!
صورتك!!
ذكريات متراكمة   ..   قلت عليك مش واقفه بس نحس كل حاجه واقفه .. مزال العقل ماستجاب مزال رافض ينساك  .. مش متقبل فكرة بعادك .. واني ح نعيش بلاك .. عواصف جوا الراس .. مرن مشاهد بارده .. بيك نغطيهن يدفن مع انك جنبي مش قاعده .. ومازلتي متباعده 💔
وطيفك مايوم يغيب .. فراقنا ماهوش خيانة الاوعر من هكي نصيب .. ولعند الراس يشيب ..
لا مش اليوم او بكره ..
ح تكون ديما في بالي وفي خيالي عش من ذكرى 💔
واستحالة نكره كل اللي بيني وبينك شكرا ع اللي عشته معاك تربحي الخير متمنيلك🌺❤️

تنهد بطلنا وحط الغيتار على جنب لما خشت عليه امه   ..  شن دير ي وليدي؟؟
شي يا امي
_به تعالا انزل لوطه للعيلة!
مانبيش خلوني في حالي بس؟
_شوف ياحبيبي انا عارفه كل شي تمر بيه هي نساتك وعاشت حياتها تزوجت وجابت صغار وانت مزال شاقي على روحك وتفكر فيها؟؟
به يا امي توا نجيكم خلي نصلي بس
_حاضر هي  .. وطلعت

به هي عاشت حياتها واني نقعد هكي طول عمري؟
بعد حب سنين باعتني بالرخيص؟؟؟
نسمع في شي داخلي يقولي يا ابراهيم لامتى هكي؟
لامتى بتقعد ع الحال هدا؟
اني مش عارف شن بندير!

انتظروني في البارت الاول🥺❤️

روآيات يووومة