انا وذكراها( روايات ليبية)

البارت الآول

انا وذكراها

البارت الآول ...
  _______________
كنتي قبل تقوليلي ان انا اغلى ماعندك ....
ومستعده اديري اي شي على خاطري ..
مستعده تواجهي كل شي على خاطري؟؟
وين كلامك ؟؟
ايه .. وين كلامك لما تقدملك ولد عمك ووافقتي حتى بدون ماتفكري شن بيصير فيا؟؟
بدون ماتتخيلي شن ح يصير فيا ..
كبرتي بين يديه .. وف لحظه نسيتي الحب والعشرة !!!!!
كبرتي ..
ونسيتي حبي ليك ..
نسيتي كل شي بينا ..
الايام اللي جمعتنا 
مواقفنا ..
وضحكتنا !!
_______________
مسحت كل حرف كتبته .. وحمدت ربي اني مدرتش الحركه الغبيه وبعته...
هو انا خيرني؟؟
علاش بنكلمها اصلا   ..
نسمع في شي داخلي يقولي .. يا ابراهيم اصحى !!!
هي متزوجه رااه 🤷‍♂️

قاطع تفكيري صوت امي وهي خاشه  ببنت خوي  ..
_تعالا نوض سلم وليدي عندنا ضيوف
من هماا؟؟؟
_اختك وراجلها
امي فكيني من الوجيج مش فاضيلهم
_شن ادير ؟؟
طالع مشوار  بعد شويه
_به سلم واطلع
حاضر يا امي غير طلعي البنت صدعتلي راسي .. قالتلي به .. وطلعت هي والبنت

نضت توضيت وصليت العصر .. وقريت آيات من الذكر الحكيم❤️🌺
طلعت للصاله سلمت على الكل وقعمزت شويه .. ووقفت بنطلع
قالتلي اختي وين طالع؟
قلتلها ماشي عندي مشوار ضروري
قالتلي وانا جاية زياره على خاطرك !
قلتلها يا بسمة اني ماقلتلكش تعالي .. ولا سمعت انك ح تجي اصلا 🤷‍♂️ مافضيتش روحي ولا عندي وقت للقعده ف الحوش كان مرة تانية بتجيني اعطيني علم ع الاقل بش نفضالك  .. قالتلي اسفة معاك حق بس اعطي وقت للمة العيلة ع الاقل؟؟
قلتلها تي اما لمة والعيلة كلها متفارقه واحد متعارك مع التاني و و و و و
قالتلي أمي بلا نقاش زايد انت وياها اطلع لمشوارك ..
طلعت ولعت سيارتي وطلعت بيها
ف الطريق ولعت المسجل على شريط لعبد الباسط عبد الصمد .. ونقرا معاه 💞

صوته في راحه لا توصف ابدا🖤
نقرا ونتفصل في معاني الآيات ..
وصلت لآية ..
(أفحكم الجاهلية يبغون ومن أحسن من الله حكما لقوم يوقنون  )

الآية هدي فيها عدة معاني ..
لوكان ركزنا .. ح نلقو هلبا معاني لهلبا حجات صايرة في زمننا

درست السيارة ع اليمين من القهوه .. نزلت لقيت الاولاد كلهم مقعمزين سلمت عليهم كلهم  وقعمزت ..
قاللي سفيان إبراهيم شن الجو يا بروو؟؟
قتله باهي نحمد ربي وانت شن امورك
قاللي الايام هادي مش كويس بكل .. قتله علاش؟ ان شاء الله المانع خير!
قاللي تعالا هنا ..
قعمزنا جنب اني وياه بحيث مبعدين ع الشباب .. قلتله شن في؟
قاللي المدام حرجانه 😔
والسبب؟؟؟؟
قاللي ريتها تحكي ع التليفون لما خشيت للحوش بدون ماتحس ولما تمت اتصالها قلتلها مني ؟؟
مبتش ترد عليا
عاودت سألتها في مني كنتي تكلمي😡
قتلي مش ضروري تعرف .. تعصبت من اسلوبها وطحت فيها ضرب .. على ضرب .. لييين عييت  وتاني يوم مشيت للشغل ولما روحت مالقيتهاش😕

قتله الشي اللي درته غلط ياسفيان كيف تشك في مرتك؟؟
قاللي مش عارف والله نار ولعت فيا
قتله هدي حاجه طبيعيه في كل رجل يغار .. بس مش بالطريقه اللي درتها انت تبين رجولتك
لااا ... والف لااا ✋
انت زدت لبزت الامور لو سئلتها بالشويه وبعقلانيه  راه جاوباتك بكل سهووله ..

المرآه حسسها بثقتك فيها .. حسسها انها ف نظرك بنت ناس ومستحيل ادير حاجه غلط .. وقتها مستحيل تخون ثقتك ابدا
قاللي عارف روحي غلطت وهلبا لكن معرفتش كيف نراضيها الصراحه🤦‍♂️
قتله عندي خطه😉
قالي شن هي؟؟
وبديت نشرحله شن يدير وشن ميديرش 👌

روايات يووومة